Республикала тағы ике газ ҡойоу станцияһы төҙөлә

Республикала тағы ике яғыулыҡ ҡойоу станцияһы — бензин һәм газ станциялары төҙөлә. Ике бизнес-план да Өҫтөнлөклө инвестиция проекттары исемлегенә индерелгән.

Республика министрҙар кабинетының матбуғат хеҙмәтенән хәбәр итеүҙәренсә, сервис комплексы булған АЗС Октябрьский ҡалаһында М-5 «Урал» трассаһында барлыҡҡа килә. Бында автозапчастар һәм тәү сиратта кәрәкле тауарҙар магазины, шиномонтаж, электр транспортын зарядлау пункты һәм автомобиль йыуыу урыны асыла. Проекттың хаҡы – 150 млн һум.

«Газагропром» компанияһы Дыуан районы үҙәге Мәсәғүттә 55 миллион һумлыҡ АГНКС төҙөргә йыйына.

Өҫтөнлөклөләр исемлегенә индереү инвесторҙарға дәүләт ярҙамы (һалым буйынса льгота, участкаларҙы рәсмиләштереүҙә ярҙам һәм башҡалар) алырға мөмкинлек бирә.

Әлеге көндә Башҡортостанда 2 меңгә яҡын юл буйы сервисы объекты иҫәпләнә. Һуңғы дүрт йылда уларҙың һаны ике тапҡырға артҡан – республикала өлкәне үҫтереү буйынса программа бойомға ашырыла.

https://www.bashinform.ru/news/economy/2025-04-10/v-bashkirii-postroyat-eschyo-dve-zapravochnye-stantsii-4192009