Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Бала күңелен аса белгән уҡытыусылар

Мәжитовтарҙың педагогик хеҙмәт стажы – 80 йыл.

Ғүмер буйы яҙмыштарын мәғарифҡа арнаған Мәжитовтарҙың үҙ-үҙҙәрен тотошо, булмышы һәм йәшәү рәүешенә тиклем “беҙ – уҡытыусы” тип саҡырып торғандай. Хатта һөйләшеүҙәре лә ипле, итәғәтле һәм мәҙәниәтле. Ундай кешеләр менән аралашыу – үҙе бер бәхет. Ихласлыҡ, эскерһеҙлек, шул уҡ ваҡытта һәр күренешкә үҙ фекере һәм ҡарашы булған әңгәмәсе янында һөйләшер һүҙ ҙә бөтмәй, темалар иркенлеге лә күп була.

Ғаилә башлығы Мотаһар Басир улына – 86, ҡатыны Мәрүә Исламғәле ҡыҙына 83 йәш. Уларға ҡарап һис тә үҙ йәштәрен бирерлек түгел: икеһе лә теремек, зирәк, зиһенле, йор һүҙле булып сыҡты. Бөгөн улар – Әбйәлил районының Дәүләт ауылында иң абруйлы ветерандар. Мотаһар Мәжитов – ауылдың почетлы гражданы, оҙаҡ йылдар мәктәп директоры булғанында биләмәлә дүрт яңы мәктәп төҙҙөттөргән етәксе. Ишбулды ауылында донъяға килгән Мотаһар Басир улы бала саҡтан уҡыуға зирәк була, шуға күрә ул тыуған ауы­лындағы мәктәпте тамамлағас та, Темәс педагогия училищеһына уҡырға керә.

Белемгә ынтылған егетте остаздары Стәрлетамаҡ уҡытыусылар әҙерләү институтына барырға тәҡдим итә. Һаулығы ҡаҡшау сәбәпле, уны әрмегә алмайҙар. Хеҙмәт юлын йәш белгес райондың Яйҡар башланғыс мәктәбендә уҡытыусы булып башлай, артабан Рәхмәт мәктәбенә күсерелә. Үҙ эшен яратҡан, балаларға төплө белем биргән йәш уҡытыусыны хужалар тиҙ күрә һәм уны Урал урта мәктәбенә тарих уҡытыусыһы итеп тәғәйенләйҙәр. Бында уҡытыусылар коллективы көслө һәм ҙур була.

Нуриман районы ҡыҙы Мәрүә Исламғәле ҡыҙы ла, Мәсәғүт уҡытыусылар әҙерләү курсын тамамлап, йүнәлтмә буйынса ошо мәктәпкә математиканан уҡытырға килә. Йәштәр тәү күргәндә үк бер-береһен оҡшата, бер аҙ дуҫлашып йөрөгәндән һуң өйләнешеп тә ҡуя. Ғаилә башлығы ситтән тороп Башҡорт дәүләт университетын тамамлай. Тормоштарын йәмләп бер-бер артлы балалары донъяға килә.

1958 йылда Мотаһар Басир улы Дәүләт һигеҙ йыллыҡ мәктәбенә директор итеп күсерелә. Ауылдаштары уны талапсан, үҙ һүҙендә торған, белемле, ихтирамлы етәксе булараҡ хәтерләй. Тап ул етәкселек иткән йылда ауылда бынамын тигән ике ҡатлы мәктәп төҙөлә, артабан урта йыллыҡҡа әүерелә. Йәш быуынды тәрбиәләүҙә фиҙакәр хеҙмәте өсөн 1978 йылда ул Башҡорт АССР-ының атҡаҙанған уҡытыусыһы, РСФСР-ҙың Маҡтау ҡағыҙы һәм бихисап Рәхмәт хаттары менән бүләкләнә. Мәрүә Исламғәле ҡыҙы ла СССР-ҙың мәғариф отличнигы, методист-уҡытыусы исемдәренә лайыҡ була. Бөгөн Мәжитовтар икеһе лә мәғариф ветераны, икеһенең педагогик стажын бергә ҡушҡанда 80 йылға тула.

Әйткәндәй, ата-әсәһенең юлын ҡыҙҙары Лилиә лә лайыҡлы дауам итә. Оҙаҡ йылдар ул Дәүләт урта мәктәбендә әсәһе кеүек уҡыусыларға математика серҙәрен өйрәтә. Былтырғы уҡыу йылынан хаҡлы ялға сыҡҡан. Уның да педагогик стажын ҡушҡанда, дөйөм һан 100 йылдан артыҡ килеп сыға.

Мотаһар Мәжитов оҙаҡ йылдар мәктәп коллективында ла, ауылда ла оҫта пропагандист булып эшләй. Уға ораторлыҡ һәләте тыумыштан бирелгән. Бөгөн ул үткәргән политинформация дәрестәрен уҡыусы­лары ғына түгел, ауылдаштары ла һағынып иҫкә ала. Улар белем биргән уҡыусыларҙың күбеһе хәҙер хаҡлы ялда, әммә яратҡан һәм хөрмәт иткән уҡытыусыларын онотмай. Белем байрамы булһынмы, Ололар һәм Уҡытыусылар көнөмө уларҙың йорто уҡыусылары һәм күҙҙең яуын алып торған гөлләмәләр менән тула. Үҙ һөнәрен яратҡан кешеләр генә оло хөрмәткә лайыҡ булалыр ул. Тормоштан да, йәшәйештәренән дә, эштәренән һәм балаларынан да бәхетле минең геройҙарым. Һигеҙ ейән-ейәнсәр һөйөп, улар янына йәнә һигеҙ бүлә-бүләсәр ҡарап, тормоштан йәм табып йәшәй улар. Оло йәштә булыуҙарына ҡарамаҫтан, әле лә һыйыр, ҡош-ҡорт тоталар. “Хәрәкәттә – бәрәкәт”, ти ололар. Шуларҙы ҡарап, көн дә хәрәкәт­ләнәбеҙ, сәләмәтлеккә бер аҙым ул”, – тине баҡса үҫтереп, сәскәләр араһында үҙҙәре лә сәскәләй балҡыған Мәжитовтар. Уларҙың йортонан эске бер ҡәнәғәтләнеү һәм һоҡланыу тойғоһо менән сыҡтыҡ.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Башҡортостанда уҡыусылар һәм студенттар ҡатнашлығында «Еңеү вальсы» акцияһы ойошторола

Башҡортостанда уҡыусылар һәм студенттар ҡатнашлығында «Еңеү вальсы» акцияһы ойошторола 07.05.2025 // Йәмғиәт

Башҡортостанда уҡыусылар һәм студенттар ҡатнашлығында «Еңеү вальсы» акцияһы ойошторола...

Тотош уҡырға 56

Өфөлә билдәле дәүләт эшмәкәре Павел Качкаевты һуңғы юлға оҙаттылар

Өфөлә билдәле дәүләт эшмәкәре Павел Качкаевты һуңғы юлға оҙаттылар 07.05.2025 // Йәмғиәт

Өфөлә билдәле дәүләт эшмәкәре Павел Качкаевты һуңғы юлға оҙаттылар...

Тотош уҡырға 42

Өфөлә билдәле дәүләт эшмәкәре Павел Качкаев менән бәхилләштеләр

Өфөлә билдәле дәүләт эшмәкәре Павел Качкаев менән бәхилләштеләр 07.05.2025 // Йәмғиәт

Өфөлә билдәле дәүләт эшмәкәре Павел Качкаев менән бәхилләштеләр...

Тотош уҡырға 37

Өфөлә «Ете ҡыҙ» аллеяһы барлыҡҡа килде

Өфөлә «Ете ҡыҙ» аллеяһы барлыҡҡа килде 07.05.2025 // Йәмғиәт

Өфөлә «Ете ҡыҙ» аллеяһы барлыҡҡа килде...

Тотош уҡырға 39

Башҡортостан Башлығы Павел Качкаевтың хәтерен мәңгеләштереү тураһында указға ҡул ҡуйырға ниәтләй

Башҡортостан Башлығы Павел Качкаевтың хәтерен мәңгеләштереү тураһында указға ҡул ҡуйырға ниәтләй 07.05.2025 // Йәмғиәт

Башҡортостан Башлығы Павел Качкаевтың хәтерен мәңгеләштереү тураһында указға ҡул ҡуйырға ниәтләй...

Тотош уҡырға 55

Алдағы өс көндә республикала үҙгәреүсән һауа торошо көтөлә

Алдағы өс көндә республикала үҙгәреүсән һауа торошо көтөлә 07.05.2025 // Йәмғиәт

Алдағы өс көндә республикала үҙгәреүсән һауа торошо көтөлә...

Тотош уҡырға 43

Өфөлә «Үлемһеҙ полк» акцияһында 200 мең кеше ҡатнаша

Өфөлә «Үлемһеҙ полк» акцияһында 200 мең кеше ҡатнаша 06.05.2025 // Йәмғиәт

Өфөлә «Үлемһеҙ полк» акцияһында 200 мең кеше ҡатнаша...

Тотош уҡырға 58

Республикала -1° тиклем ҡырау төшөүе фаразлана

Республикала -1° тиклем ҡырау төшөүе фаразлана 06.05.2025 // Йәмғиәт

Республикала -1° тиклем ҡырау төшөүе фаразлана...

Тотош уҡырға 36

Башҡортостан «Еңеү утын һаҡлайбыҙ» Бөтә Рәсәй акцияһына ҡушылды

Башҡортостан «Еңеү утын һаҡлайбыҙ» Бөтә Рәсәй акцияһына ҡушылды 06.05.2025 // Йәмғиәт

Башҡортостан «Еңеү утын һаҡлайбыҙ» Бөтә Рәсәй акцияһына ҡушылды...

Тотош уҡырға 57

Өфөлә йәнә «Өйгә ҡайтыу аллеяһы» булдырыла

Өфөлә йәнә «Өйгә ҡайтыу аллеяһы» булдырыла 06.05.2025 // Йәмғиәт

Өфөлә йәнә «Өйгә ҡайтыу аллеяһы» булдырыла...

Тотош уҡырға 41

Республика пенсионерҙарына Еңеү көнө уңайынан аҡса түләнә

Республика пенсионерҙарына Еңеү көнө уңайынан аҡса түләнә 06.05.2025 // Йәмғиәт

Республика пенсионерҙарына Еңеү көнө уңайынан аҡса түләнә...

Тотош уҡырға 40

Башҡортостан Бөйөк Ватан һуғышында ҡатнашыусыларҙың мәғлүмәттәр базаһын булдырырға тәҡдим итте

Башҡортостан Бөйөк Ватан һуғышында ҡатнашыусыларҙың мәғлүмәттәр базаһын булдырырға тәҡдим итте 06.05.2025 // Йәмғиәт

Башҡортостан Бөйөк Ватан һуғышында ҡатнашыусыларҙың мәғлүмәттәр базаһын булдырырға тәҡдим итте...

Тотош уҡырға 44