Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Офоҡтар киңәйә

Конкурс республика кимәленә сыҡты.

Сибай гимназия-интернатында республиканың төрлө район һәм ҡала мәктәптәренән килгән йәш ҡәләм тирбәтеүселәр йыйылды. Ҡасандыр Сибай ҡалаһында, аҙаҡ төбәктә, әле килеп республика кимәлендә үткән Салауат Юлаев премияһы лауреаты һәм Башҡортостандың халыҡ яҙыусыһы Таңсулпан Ғарипова исемендәге призға уҙғарылған ижад бәйгеһе — уҡыусыларҙың иң көтөп алған байрамдарының береһе. Йыл һайын конкурста йөҙҙән ашыу бәйгесе ҡатнаша, “китапсыҡ”тарын сығара, ташҡа яҙғандарын үҙ уҡыусыһына еткерә.

Бынан егерме ике йыл элек Сибайҙа “Ап-аҡ ҡарҙар” тип аталған ижад бәйгеһенең барлыҡҡа килеүе осраҡлы ғына була. Ул йылдарҙа Сибай төбәк яҙыусылар ойошмаһы етәксеһе Таңсулпан Ғарипова ҡаланың 10-сы мәктәбендә ижад түңәрәге алып бара. Ул йылда ни өсөндөр ҡар һуң яуа, декабрь буйына халыҡ ҡар яуғанын көтөп арый. Сираттағы ултырышта Таңсулпан Хизбулла ҡыҙы түңәрәк ағзалары менән бергәләп, ергә ҡар яуыуын теләп, “Ап-аҡ ҡарҙар” исемле шиғыр сығара. Күмәкләшеп яҙған ижад емешен ҡат-ҡат уҡып, аҡ ҡарҙың яуыуын теләйҙәр. Хоҙайҙың ҡөҙрәтеме, шиғырҙың хикмәтеме, иртә менән ер өҫтө ап-аҡ ҡарға күмелә. Балалар шатлана, халыҡ ҡыуана. Шул саҡта Таңсулпан Ғарипова Сибай ҡала мәктәптәре уҡыусылары араһында ижади конкурс үткәрергә ҡарар ҡыла, һәм ул “Ап-аҡ ҡарҙар” исеме менән дауам итә.

Йыл һайын уҙғарылған, хәҙер инде матур традицияға әйләнгән Сибай ҡалаһы йәш ижадсылар бәйгеһенең төп маҡсаты — ҡалалағы йәш таланттарҙы үҫтереү өсөн өмөтлө уҡыусыларҙы билдәләү, яңы исемдәр асыу, уларға ярҙам итеү, ижади йүнәлеш биреү. 2002 йылда ошо бәйге һөҙөмтәһе булып ҡала мәктәптәре уҡыусыларының ижад емештәренән торған “Бала саҡтың яҡты хыялдары” исемле йыйынтыҡ донъя күрә. Унда 62 авторҙың шиғырҙары, әкиәттәре, хикәйәләре туплана, һәр әҫәр авторҙың күңел көҙгөһөн, рухи булмышын, хис-тойғо байлығын сағылдыра.

Быйыл ижади конкурс республика кимәленә сыҡты, унда барлығы 140 бәйгесе ҡатнашты, 300-гә яҡын эш ҡабул ителде. Туғыҙ район һәм дүрт ҡаланан уҡыусылар әүҙем ҡатнашты. Конкурсҡа ебәрелгән эштәр проза, поэзия һәм журналистика буйынса баһаланды. Шуныһы ҡыуаныслы: йыл һайын баһалама ағзалары әҙәбиәткә, ижадҡа ылығырҙай, үҙҙәренең дәрте, тәбиғәттән бирелгән һәләте менән шул донъяны балҡытып ебәрерҙәй табыштарға юлыға. Әлбиттә, бәйгеселәр араһынан барыһы ла яҙыусы, шағир булып та китмәҫ. Улар араһынан, бәлки, бер йәки ике кеше генә ижад юлын һайлар.

Йыраҡ араларҙы яҡын итеп, Стәрлетамаҡ ҡалаһының Ленин исемендәге 1-се лицей-интернаты тәрбиәсеһе Әҡсән Хәлилов 5-се класс уҡыусыһы Айнур Фәхретдиновты алып килгән. Ғафури районының Һабай ауылында тыуып үҫкән Айнур күрше Юлыҡ мәктәбендә белем алған саҡта уҡ ҡәләмен һынап ҡарай. Шулай булмаһа, “Их, мин ил Башлығы булһам ине” тигән эшен ҡыйыу рәүештә баһалама ағзаларына тәҡдим итә алыр инеме?!

Бөрйән районының Байназар урта мәктәбе уҡыусыһы Зәлиә Алтынбае­ваның мәҡәләләре “Йәншишмә”, “Таң” гәзиттәрендә даими баҫыла. Журналист һөнәрен һайларға теләгән ҡыҙ әле үк проблемалы мәсьәләләрҙе ҡыйыу күтәрә, уҡыусыларға үҙ фекерен еткерә. Өмөтлө йәш хәбәрсе киләсәктә гәзит-журнал редакцияларында эшләр, тигән теләктә ҡалды баһалама ағзалары. Конкурста Баймаҡ, Әбйәлил, Йылайыр райондары ла бик әүҙем ҡатнашты. Үҙҙәре килә алмаусылар видеотаҫмаларын алдан ебәргән.

Башҡортостандың халыҡ яҙыусыһы Таңсулпан Ғарипова исемендәге призға үткәрелгән ижад конкурсында проза буйынса Гран-при — Эльвина Уйылдановаға (Әбйәлил районы), беренсе урын Йәмил Сәйҙәлиевкә (Баймаҡ ҡалаһы) бирелде. Шиғриәт өлкәһендә Баймаҡ ҡалаһының лицей-интернат мәктәбенән Ынйы Рәхимова иң яҡшыһы тип танылһа, Сибай гимназия-интернатынан Алина Исламова беренселекте яуланы.

Журналистика буйынса “Йәншишмә” гәзитенең йәш хәбәрсеһе Лиана Сәғитова (Сибай интернат-гимназияһы) Гран-приға лайыҡ булды. Беренсе урын Зәлиә Алтынбаеваға эләкте. Шулай уҡ Сибай башҡорттары ҡоролтайы, Сибай институты тарафынан махсус бүләктәр тапшырылды.
Бәйгелә ҡатнашыусыларҙың барыһы ла яҙыусы Таңсулпан Ғарипова ҡулынан бүләктәр алып ҡыуанды.

Ҡасандыр ҡала, аҙаҡ төбәк-ара, хәҙер республика кимәлендә үткән был бәйгегә ижад иткән уҡыусыларҙы ғына йәлеп итеү уның сиктәрен бер аҙ тарайта кеүек. Артабан конкурсты “Таңсулпан Ғарипова уҡыуҙары” кимәленә сығарыу өҫтөндә уйланырға мөмкин, сөнки халыҡ яҙыусыһының әҫәрҙәре буйынса уҡыусылар ғилми-эҙләнеү эштәре алып барһа, докладтар менән сығыш яһаһа, шулай уҡ уның әҫәрҙәренән өҙөктәр сәхнәләштерһә, яҙыусының ижадын өйрәнеү, уны уҡыусыларға еткереү йәһәтенән ҙур башланғыс булыр ине. Дөрөҫ, Таңсулпан Ғарипованың әҫәрҙәре уҡыусылар тарафынан яратып уҡыла, әммә йәш быуынды китап уҡыуға ылыҡтырыу, уларҙа башҡорт яҙыусылары һәм шағирҙары ижадына ҡыҙыҡһыныу тәрбиәләү һәр яҡлап алып барылһа, насармы ни?! Быға конкурсты ойоштороусылар киләсәктә ҡолаҡ һалыр, тип ышанғы килә.


Автор: Кәримә УСМАНОВА
Фото: Сибай ҡалаһы


Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Башҡортостанда уҡыусылар һәм студенттар ҡатнашлығында «Еңеү вальсы» акцияһы ойошторола

Башҡортостанда уҡыусылар һәм студенттар ҡатнашлығында «Еңеү вальсы» акцияһы ойошторола 07.05.2025 // Йәмғиәт

Башҡортостанда уҡыусылар һәм студенттар ҡатнашлығында «Еңеү вальсы» акцияһы ойошторола...

Тотош уҡырға 56

Өфөлә билдәле дәүләт эшмәкәре Павел Качкаевты һуңғы юлға оҙаттылар

Өфөлә билдәле дәүләт эшмәкәре Павел Качкаевты һуңғы юлға оҙаттылар 07.05.2025 // Йәмғиәт

Өфөлә билдәле дәүләт эшмәкәре Павел Качкаевты һуңғы юлға оҙаттылар...

Тотош уҡырға 42

Өфөлә билдәле дәүләт эшмәкәре Павел Качкаев менән бәхилләштеләр

Өфөлә билдәле дәүләт эшмәкәре Павел Качкаев менән бәхилләштеләр 07.05.2025 // Йәмғиәт

Өфөлә билдәле дәүләт эшмәкәре Павел Качкаев менән бәхилләштеләр...

Тотош уҡырға 37

Өфөлә «Ете ҡыҙ» аллеяһы барлыҡҡа килде

Өфөлә «Ете ҡыҙ» аллеяһы барлыҡҡа килде 07.05.2025 // Йәмғиәт

Өфөлә «Ете ҡыҙ» аллеяһы барлыҡҡа килде...

Тотош уҡырға 39

Башҡортостан Башлығы Павел Качкаевтың хәтерен мәңгеләштереү тураһында указға ҡул ҡуйырға ниәтләй

Башҡортостан Башлығы Павел Качкаевтың хәтерен мәңгеләштереү тураһында указға ҡул ҡуйырға ниәтләй 07.05.2025 // Йәмғиәт

Башҡортостан Башлығы Павел Качкаевтың хәтерен мәңгеләштереү тураһында указға ҡул ҡуйырға ниәтләй...

Тотош уҡырға 55

Алдағы өс көндә республикала үҙгәреүсән һауа торошо көтөлә

Алдағы өс көндә республикала үҙгәреүсән һауа торошо көтөлә 07.05.2025 // Йәмғиәт

Алдағы өс көндә республикала үҙгәреүсән һауа торошо көтөлә...

Тотош уҡырға 43

Өфөлә «Үлемһеҙ полк» акцияһында 200 мең кеше ҡатнаша

Өфөлә «Үлемһеҙ полк» акцияһында 200 мең кеше ҡатнаша 06.05.2025 // Йәмғиәт

Өфөлә «Үлемһеҙ полк» акцияһында 200 мең кеше ҡатнаша...

Тотош уҡырға 58

Республикала -1° тиклем ҡырау төшөүе фаразлана

Республикала -1° тиклем ҡырау төшөүе фаразлана 06.05.2025 // Йәмғиәт

Республикала -1° тиклем ҡырау төшөүе фаразлана...

Тотош уҡырға 36

Башҡортостан «Еңеү утын һаҡлайбыҙ» Бөтә Рәсәй акцияһына ҡушылды

Башҡортостан «Еңеү утын һаҡлайбыҙ» Бөтә Рәсәй акцияһына ҡушылды 06.05.2025 // Йәмғиәт

Башҡортостан «Еңеү утын һаҡлайбыҙ» Бөтә Рәсәй акцияһына ҡушылды...

Тотош уҡырға 57

Өфөлә йәнә «Өйгә ҡайтыу аллеяһы» булдырыла

Өфөлә йәнә «Өйгә ҡайтыу аллеяһы» булдырыла 06.05.2025 // Йәмғиәт

Өфөлә йәнә «Өйгә ҡайтыу аллеяһы» булдырыла...

Тотош уҡырға 41

Республика пенсионерҙарына Еңеү көнө уңайынан аҡса түләнә

Республика пенсионерҙарына Еңеү көнө уңайынан аҡса түләнә 06.05.2025 // Йәмғиәт

Республика пенсионерҙарына Еңеү көнө уңайынан аҡса түләнә...

Тотош уҡырға 40

Башҡортостан Бөйөк Ватан һуғышында ҡатнашыусыларҙың мәғлүмәттәр базаһын булдырырға тәҡдим итте

Башҡортостан Бөйөк Ватан һуғышында ҡатнашыусыларҙың мәғлүмәттәр базаһын булдырырға тәҡдим итте 06.05.2025 // Йәмғиәт

Башҡортостан Бөйөк Ватан һуғышында ҡатнашыусыларҙың мәғлүмәттәр базаһын булдырырға тәҡдим итте...

Тотош уҡырға 44