Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Бала саҡтың сағыу мәле — баҡсала
Башҡорт теленә һөйөү тәрбиәләнә.

Йәй – һәр кемдең яратҡан миҙгеле — был юлы ла хәтерҙә ҡалды. Мәктәп балалары көтөп алған күңелле каникулда матур ял итте, әле уҡыуҙарын саҡ башлап торалар. Балалар баҡсаларында иһә кескәйҙәрҙең шат тауышы йыл әйләнәһенә яңғырай.

Йәй миҙгелендә генә түгел, ғөмүмән, йыл әйләнәһенә беҙҙең Аҡъяр ауылындағы “Шатлыҡ” балалар баҡсаһында балаларҙың сәләмәтлеген нығытыуға, хәүеф­һеҙ­леген хәстәрләүгә, туған теле­беҙ – башҡорт телендә ара­лашыу­ға ҡоролған төрлө мауыҡ­тырғыс са­ралар һәр көн ойошторола, улар­ҙан ата-әсәләр ҙә ситтә ҡалмай.

Бәләкәстәр өсөн “Күңелле фокустар менән дискотека”, “Оҫта әкиәтсе һәм зирәк йомаҡ сисеүсе”, “Сәләмәт тәндә – сәләмәт рух”, “Мин – оҫта рәссам”, “Йыр-моң илендә” исемле төрлө ҡыҙыҡлы саралар ойошторола, “Башҡорт халыҡ уйындары”нда бәләкәстәр зәңгәр экрандан яратып ҡараған “Сәңгелдәк” балалар тапшырыуы геройы Тыр-Тыр менән бергәләп ҡыуана, халҡыбыҙҙың төрлө хәрәкәтле уйындарында ҡатнаша.

Борон-борондан ата-бабала­рыбыҙ, яҙғы сәсеү эштәрен тамам­лағас, hабантуй байрамы уҙғарған. Баҡсабыҙҙа матур йолаға әйлән­гән “Балалар һабантуйы”н ойоштороу ҙа быйылғы йәйҙең бер күркәм сараһы булды. Ул башланыр алдынан, йолаға ярашлы, балалар һебә тотоп, “Һабантуй” башҡорт халыҡ йыры оҙатыуында, төркөмдән төркөмгә йөрөп бүләк­тәр йыйҙы. Һабантуйыбыҙ кескәй­ҙәр өсөн ысынында оло тантанаға әйләнде. “Шатлыҡ” балалар баҡса­hы мөдире Айгөл Кәримова уңыш­тар, ҡаҙаныштар тураһында һөй­лә­не һәм барыһын да байрам менән ҡотланы.

Үткән быуат илебеҙгә оло ҡайғы алып килде – Бөйөк Ватан һуғышы батырҙары онотолмай. Уның мих­нәттәре тураһында йәш быуын бе­леп үҫһен тигән маҡсаттан сығып, өлкән һәм мәктәпкә әҙерлек төркөмө балалары “Тарих бите. Бер кем дә онотолмай” видеоролигын ҡараны, һуғыш осоро йырҙа­рын тыңланы, шиғырҙар һөйләне. Кескәйҙәребеҙ үҙҙәренә бәхетле бала саҡ бүләк иткән ата-бабаларын бер минут тынлыҡ менән иҫкә алды һәм балалар баҡсаһы майҙансығындағы “Үлем­һеҙ полк” парадында ҡатнашты. Төркөмдәр араһында “Күгәрсен – тыныслыҡ символы” балалар һүрәте конкурсы ойошторолдо.

“Яратҡан әкиәт геройҙары” көнөндә иһә малайҙар һәм ҡыҙҙар әкиәт батырҙарын иҫкә алып, әҫәр­ләнеп әкиәттәр һөйләй, “Баҡсасы көнө”, “Сәскә феяһында ҡунаҡта” көндәрендә майҙансыҡта күҙ яуын алып үҫкән сәскәләр менән таныша һәм уларҙы тәрбиәләү серҙәренә өйрәнә.

Һәр балаға дарыу үләндәрен урынлы ҡулланып, дауаланыу серҙәре, бал ҡорттарының һәм шифалы балдың файҙалы икән­леген аңлатабыҙ. “Урал аръяғы­ның йәшел ҡуласаһы”, “Ҡайын­лыҡ”, “Ҡарағайлыҡ” сауҡалыҡтары, метеостанция, йәшелсә, еләк-емеш баҡсаһы тураһында ла мәғлүмәт еткерәбеҙ.

Ата-әсәләр менән берлектә төрлө тәжрибәләр эшләп, проект эштәре атҡара малай һәм ҡыҙҙар. Шул уҡ ваҡытта өйҙәрендә һәм балалар баҡсаһында хәүефһеҙ­лекте иҫкәртеү маҡсатында ла бик күп төрлө саралар ойошторола. Мәҫәлән, “Айыуҡай” һәм “Тир­мәкәй” уртансылар төркө­мөндә тәрбиә­ләнеү­селәр “Хә­үефле предметтар иле”нә сәйәхәт ҡыла.

Тирә-яҡтағы матурлыҡты күрһә­теү, туған телебеҙ – башҡорт те­ленә һөйөү тәрбиәләү, йәш быуын­дың сәләмәтлеген, хәүеф­һеҙлеген хәстәрләү, халҡыбыҙҙың күркәм йолаларын, ғөрөф-ғәҙәттәрен, йыр-моңон һеңдереү маҡсаты даими күҙ уңында тотола. Балалар башҡортса әкиәттәр тыңлай, йырҙар йырлай, бейей, шиғыр һөйләй, йомаҡтар сисә, ҡобайырҙар әйтә.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Шәжәрәле ерҙә тәртип түрҙә

Шәжәрәле ерҙә тәртип түрҙә 30.03.2019 // Белем һәм тәрбиә

2018 йылдың 1 сентябрендә “Башҡортостан тарихы шәхестәр күҙлеге аша: генеалогик аспект” тигән...

Тотош уҡырға 2 447

Шунда уҡ икенсе курсҡа ҡабул ителһәләр...

Шунда уҡ икенсе курсҡа ҡабул ителһәләр... 27.03.2019 // Белем һәм тәрбиә

Республика етәксеһе Радий Хәбиров медицина училищеһын тамамлағандарҙы шунда уҡ ошо йүнәлештәге...

Тотош уҡырға 1 301

Монголиянан ҡунаҡ килде

Монголиянан ҡунаҡ килде 27.03.2019 // Белем һәм тәрбиә

БДУ-ның Сибай институты студенттары Монголияның Фән һәм технология дәүләт университеты профессоры...

Тотош уҡырға 1 753

Биш көнлөк уҡыу башлана

Биш көнлөк уҡыу башлана 27.03.2019 // Белем һәм тәрбиә

1 апрелдән Өфөнөң башланғыс класс уҡыусылары биш көнлөк уҡыуға күсә....

Тотош уҡырға 1 165

Данлы юлға тап төшөрмәй

Данлы юлға тап төшөрмәй 27.03.2019 // Белем һәм тәрбиә

Сибай гимназия-интернаты — төбәктә генә түгел, республикала ла киң билдәле уҡыу йорттарының береһе....

Тотош уҡырға 1 597

Балағыҙҙы кем итеп күрәһегеҙ?

Балағыҙҙы кем итеп күрәһегеҙ? 26.03.2019 // Белем һәм тәрбиә

“Ромир” холдингы ата-әсәләр араһында ҡыҙыҡлы һорау алыу ойошторған. Рәсәйҙәр балалары өсөн ниндәй...

Тотош уҡырға 1 207

Йәй етте ләме ни?

Йәй етте ләме ни? 26.03.2019 // Белем һәм тәрбиә

Ҡырмыҫҡалы районы хакимиәте йыл да балаларҙың йәйге ялын файҙалы үткәреү, сәләмәтлектәрен нығытыу...

Тотош уҡырға 1 205

"Үлмәҫбай" ҙа яңғыраны

"Үлмәҫбай" ҙа яңғыраны 25.03.2019 // Белем һәм тәрбиә

“Башҡортостан халыҡтары телдәре һәм мәҙәниәте – республиканың милли ҡаҙанышы” форумында балалар ҙа...

Тотош уҡырға 1 240

Барыһы ла үҙебеҙгә бәйле

Барыһы ла үҙебеҙгә бәйле 25.03.2019 // Белем һәм тәрбиә

Туған телдең, мәҙәниәттең яҙмышы һәр заманда ла кешенең, халыҡтың үҙенә бәйле. Был рухи...

Тотош уҡырға 1 096

Милли ҡаҙаныштарыбыҙ һағында

Милли ҡаҙаныштарыбыҙ һағында 25.03.2019 // Белем һәм тәрбиә

Өфөлә Рәсәй Президенты ҡарамағындағы Гражданлыҡ йәмғиәтен үҫтереү һәм кеше хоҡуҡтары буйынса...

Тотош уҡырға 1 112

Етәкселәр уҡыусыларға рәхмәт белдерҙе

Етәкселәр уҡыусыларға рәхмәт белдерҙе 23.03.2019 // Белем һәм тәрбиә

Бөгөн Өфөлә химия буйынса Бөтә Рәсәй олимпиадаһының һуңғы, өсөнсө, этабы тамамланды. Дөйөм алғанда,...

Тотош уҡырға 1 086

"Әкиәт"тән – мажаралы әкиәттәр

"Әкиәт"тән – мажаралы әкиәттәр 23.03.2019 // Белем һәм тәрбиә

Сибайҙың “Әкиәт” балалар баҡсаһы хеҙмәткәрҙәре үҙ тәрбиәләнеүселәре, ата-әсәләр менән берлектә...

Тотош уҡырға 1 436