Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Милли мәғариф ни хәлдә?
Милли мәғариф ни хәлдә?М. Кәрим исемендәге 158-се башҡорт гимназияһында “Милли мәғариф: бөгөнгө көн һәм үҫеш перспективалары” тип аталған фекер алышыу майҙансығы ойошторолдо. Сарала мәғариф министры Гөлназ Шафиҡова, уның урынбаҫары Әлфиә Ғәлиева, Бөтә донъя башҡорттары ҡоролтайы Башҡарма комитетының баш белгесе Рәйсә Күзбәкова һәм башҡа белгестәр, мәғариф идаралыҡтары методистары, уҡытыусылар ҡатнашты.

– Беҙҙең милли белем биреү тармағы күп төбәктәр өсөн өлгө булып тора. Төп бурыстарыбыҙҙың береһе – уны һаҡлап ҡалыу, милли уҡыу йорттарына белгестәр әҙерләү, ғилми-методик базаны нығытыу, – тине министр, форумды асып.
Кәңәшмәлә “Донъяуи кафе” үҙенсәлекле яңылыҡ булып яңғыраны. Ул милли мәға­рифтың көн үҙәгендә торған мәсьә­ләләрҙе күтәреп сығып, уртаға һалып һөйләшеү һәм һәр кемдең үҙ фекерен башҡаларға еткереү мөмкинлеге менән уңышлы булды. Ғәҙәти булмаған был алым, модераторҙар әйтеүенсә, белгестәргә командалағы эште ойоштороу өсөн уңайлы. Уның маҡсаты – Башҡортостанда Туған телдәрҙе уҡытыу концепцияһы өсөн яңы идеялар әҙерләү. “Донъяуи кафе” – киләсәктә уҡытыусы­ларға туған телдәрҙе үҙҙәре тәҡдим иткән, кәрәкле тип һанаған алымдарҙы ҡулланып, өйрәтеү өсөн шәп мөмкинлек.
Уҡытыу барышында нимәгә таянып эш итергә? Методиканың көслө яҡтарын билдәләү менән бер рәттән, етешһеҙ­лектәрен нисек асыҡларға? Концепцияла яҡтыртыласаҡ иң мөһим һәм әһәмиәтле һорауҙарға нисек яуап әҙерләргә? “Донъяуи кафе”ның бурыстары тап ошонан ғибәрәт ине. Педагогтарҙың барыһы ла был яңы алымға ыңғай ҡараш белдерҙе, күп методистар үҙ райондарында ла пленар ултырыштарҙы ошо формала үткәрергә кәрәк тигән ҡарарға килде.
“Уҡыусы дәрестән күңеле менән күреп һәм ишетеп сығырға тейеш”. Ошо фекер иҫтә уйылып ҡалды туған тел уҡытыусыла­рының оҫталыҡ дәрестәрендә. Сығыш яһаған һәр педагог хеҙмәттәштәре менән тәжрибә уртаҡлашты, дәрестәрҙә ҡулла­ныл­ған тәғәйен алымдар аша балаға нисек ҡоро белем биреп кенә ҡалмай, күңелендә илһөйәрлек тойғоһо тәрбиәләү, был тормошта үҙ урынын табырға ярҙам итеү, йәшәргә өйрәтеү хаҡында һүҙ алып барҙы.
Фекер алышыу майҙансығының эше “түңәрәк өҫтәл” менән тамамланды. Ҡат­нашыусылар яңы уҡыу йылында Баш­ҡортостандың белем биреү ойошмаларын­да дәүләт һәм туған телдәрҙе өйрәтеүҙе ойоштороуҙың көнүҙәк мәсьәләләре тураһында әңгәмәләште.
– Туған телдәрҙе һаҡлау маҡсатында һәр кем ҡулынан килгәнде эшләргә тейеш. Был осраҡта һәр ата-әсәнән гражданлыҡ позицияһы талап ителә, – тине мәғариф министры Гөлназ Шафиҡова.
Бөтә донъя башҡорттары ҡоролтайы Башҡарма комитетының баш белгесе Рәйсә Күзбәкова ла “туған телгә һөйөү, уны һаҡлау, мәктәптәрҙә өйрәнеүгә нигеҙ ғаиләләрҙә һалынырға тейеш” тигән фекер белдерҙе:
– Яңы Федераль дәүләт белем биреү стандарттары буйынса 10-11-се кластарҙа башҡорт теленең мәжбүри булмауы бошондора, әлбиттә. Һәр уҡыусының башҡорт телен үҙ теләгенән сығып өйрәнеү мәсьәләһенә килгәндә, шуны әйтер инем: ата-әсәләр комиссияһы булдырылды һәм уның эшмәкәрлеге ярҙамында күпселеккә туған телде өйрәнеүҙең мөһимлеген, әһәмиәтен аңлата алырбыҙ, сөнки хәҙер замандаштарыбыҙ туған телдең кәрәклеген, балаларға халҡыбыҙҙың быуаттар буйы йыйылып килгән рухи ҡиммәттәре, йолалары, ғөрөф-ғәҙәттәре нигеҙендә генә ысын тәрбиә биреп булғанын төшөнә, шуға күрә дөрөҫлөк юлына баҫҡандар һаны киләсәктә артасаҡ тигән ышаныстамын.
Ғөмүмән алғанда, кәңәшмәнең әһәмиәте ифрат ҙур булды. Райондарҙан килгән уҡытыусылар, методистар фекерҙәрҙе тыңлап ҡына ҡалманы, ә милли мәғариф проблемаларын хәл итеү буйынса туранан-тура эштәрҙә лә ҡатнашты. Һәр береһенең үҙ фекерен еткереүе, тәҡдимен индереүе буйынса һайланылған формат һәм йөкмәткеһе йәһәтенән кәңәшмә уңышлы үтте. Бындай сараларҙы киңерәк майҙанда үткәрергә кәрәк, был осраҡта һөҙөмтә ҙурыраҡ булыр, тигән фекергә килде йыйында ҡатнашыусылар.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Шәжәрәле ерҙә тәртип түрҙә

Шәжәрәле ерҙә тәртип түрҙә 30.03.2019 // Белем һәм тәрбиә

2018 йылдың 1 сентябрендә “Башҡортостан тарихы шәхестәр күҙлеге аша: генеалогик аспект” тигән...

Тотош уҡырға 1 777

Шунда уҡ икенсе курсҡа ҡабул ителһәләр...

Шунда уҡ икенсе курсҡа ҡабул ителһәләр... 27.03.2019 // Белем һәм тәрбиә

Республика етәксеһе Радий Хәбиров медицина училищеһын тамамлағандарҙы шунда уҡ ошо йүнәлештәге...

Тотош уҡырға 783

Монголиянан ҡунаҡ килде

Монголиянан ҡунаҡ килде 27.03.2019 // Белем һәм тәрбиә

БДУ-ның Сибай институты студенттары Монголияның Фән һәм технология дәүләт университеты профессоры...

Тотош уҡырға 1 185

Биш көнлөк уҡыу башлана

Биш көнлөк уҡыу башлана 27.03.2019 // Белем һәм тәрбиә

1 апрелдән Өфөнөң башланғыс класс уҡыусылары биш көнлөк уҡыуға күсә....

Тотош уҡырға 771

Данлы юлға тап төшөрмәй

Данлы юлға тап төшөрмәй 27.03.2019 // Белем һәм тәрбиә

Сибай гимназия-интернаты — төбәктә генә түгел, республикала ла киң билдәле уҡыу йорттарының береһе....

Тотош уҡырға 1 065

Балағыҙҙы кем итеп күрәһегеҙ?

Балағыҙҙы кем итеп күрәһегеҙ? 26.03.2019 // Белем һәм тәрбиә

“Ромир” холдингы ата-әсәләр араһында ҡыҙыҡлы һорау алыу ойошторған. Рәсәйҙәр балалары өсөн ниндәй...

Тотош уҡырға 825

Йәй етте ләме ни?

Йәй етте ләме ни? 26.03.2019 // Белем һәм тәрбиә

Ҡырмыҫҡалы районы хакимиәте йыл да балаларҙың йәйге ялын файҙалы үткәреү, сәләмәтлектәрен нығытыу...

Тотош уҡырға 772

"Үлмәҫбай" ҙа яңғыраны

"Үлмәҫбай" ҙа яңғыраны 25.03.2019 // Белем һәм тәрбиә

“Башҡортостан халыҡтары телдәре һәм мәҙәниәте – республиканың милли ҡаҙанышы” форумында балалар ҙа...

Тотош уҡырға 806

Барыһы ла үҙебеҙгә бәйле

Барыһы ла үҙебеҙгә бәйле 25.03.2019 // Белем һәм тәрбиә

Туған телдең, мәҙәниәттең яҙмышы һәр заманда ла кешенең, халыҡтың үҙенә бәйле. Был рухи...

Тотош уҡырға 700

Милли ҡаҙаныштарыбыҙ һағында

Милли ҡаҙаныштарыбыҙ һағында 25.03.2019 // Белем һәм тәрбиә

Өфөлә Рәсәй Президенты ҡарамағындағы Гражданлыҡ йәмғиәтен үҫтереү һәм кеше хоҡуҡтары буйынса...

Тотош уҡырға 702

Етәкселәр уҡыусыларға рәхмәт белдерҙе

Етәкселәр уҡыусыларға рәхмәт белдерҙе 23.03.2019 // Белем һәм тәрбиә

Бөгөн Өфөлә химия буйынса Бөтә Рәсәй олимпиадаһының һуңғы, өсөнсө, этабы тамамланды. Дөйөм алғанда,...

Тотош уҡырға 690

"Әкиәт"тән – мажаралы әкиәттәр

"Әкиәт"тән – мажаралы әкиәттәр 23.03.2019 // Белем һәм тәрбиә

Сибайҙың “Әкиәт” балалар баҡсаһы хеҙмәткәрҙәре үҙ тәрбиәләнеүселәре, ата-әсәләр менән берлектә...

Тотош уҡырға 1 029