Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Малсылыҡ – тырыштар иңендә
Малсылыҡҡа, үҫемлекселеккә нәҡ ауылда тыуып үҫеп, яҙмышын ер менән бәйләргә батырсылыҡ иткән егеттәр генә тотона ул. Ауыр, яуаплы эш ялҡауҙарҙы үҙ итмәй, был тармаҡты уңғандар ғына һайлай, минеңсә. Краснокама районы Мажар ауылынан Рөстәм Шакиров — ана шундай йүнсел фермерҙарҙың береһе. 2012 йылда ул тыуған ауылында һис икеләнеүһеҙ крәҫтиән (фермер) хужалығы ойоштороп ебәрә һәм бөгөн уңышлы эшмәкәрлек алып бара.

Рөстәм Наил улы бер йылдан һуң дәүләт ярҙамы алыуға өлгәшә. Күрһәтелгән ярҙамға ул, элекке “Игенсе” колхозының буш торған һөтсөлөк фер­ма­ларын һатып алып, ремонт үткәрә, заманса ҡо­рамалдар менән йыһазландыра, ялан кәртәләр төҙөп, силос соҡорҙары булдыра. Тәүҙә уңған егет Дүртөйлө районынан 20 баш тоҡомло тана һатып ала. Эште башлап ебәреү ҡыйынға тура килә, әммә бирешмәй Рөстәм: мал һанын ишәйтеү маҡсатын ҡуйып, шуға ярашлы эшләргә һәм уңыш алырға өйрәнә. Шәхси хужалығындағы техникаһы тәүге ваҡытта ҙур таяныс була, аҙаҡ яйлап иҫкеләре янына яңылары ла өҫтәлә.

Был эшкә тотоноп киткәнсе Рөстәм Шакиров нефть эшкәртеү тар­мағында хеҙмәт сынығыуы үтә, әммә, ҡыҫҡар­ты­лыуға эләгеп, хеҙмәт урынын ҡалдырырға тура килә. “Ғаиләне нисек тә булһа ҡарарға кәрәк, аҡсаны берәү ҙә килтереп бирмәҫ, тип уйлап, атай-әсәйем менән кәңәшләшкәндән һуң, үҙемде малсылыҡта һынап ҡарарға булдым, — ти Рөстәм Наил улы. — Тәүҙә Себергә сығып китергә лә уйлағайным. Яңы эш башлаған фермерҙарға дәүләттән ярҙам бүленеүен ишетеп, Себергә китеү уйынан туҡтап ҡалдым. Шөкөр, үкенмәйем: бөгөн хеҙмә­тем ҡыуаныс та, табыш та килтерә”.

Бөгөн фермер 200 гектарға яҡын ерҙе эшкәртә. Малға ашатыу өсөн күп йыл­лыҡ үләндәр сәсә, иген культуралары ла үҫтерә. Киләсәктә мал һанын ишәйтеүҙе, ер майҙанын арттырыуҙы ниәтләй фермер.

Хужалыҡта ҡара-сыбар тоҡом­ло 80 баштан ашыу һыйыр малы аҫрала, бынан тыш, йылҡыһы ла бар. Көнөнә 300 литрҙан ашыу һөт һауалар, әҙер продукция Илеш һөт комбинатына оҙатыла. Һатыуҙан килгән табыш хеҙмәт­кәрҙәргә эш хаҡы түләүгә, ремонтҡа һәм башҡа кәрәк-яраҡҡа тотонола. Ғөмүмән, Рөстәм Наил улы был тармаҡты бик отошло һанай, сөнки баҙарҙа иткә, һөткә ихтыяж бар.

Әле хужалыҡта мал ҡышлатыу уңышлы бара. Мал аҙығына ҡытлыҡ юҡ, фермерға ата-әсәһе, туғандары, дуҫтары һәр саҡ ярҙамға килә икән. Атаһы Наил ағай ғүмер буйы колхозда эшләп, хаҡлы ялға сыҡҡан. Бөгөн ул — улына тоғро ярҙамсы, оло кәңәш­се. Әйткәндәй, фермер өс ауылдашына эш урыны булдырған.

— Уңған, тырыштарҙы ихтирам итәм, уларҙың хеҙмәтен баһа­ларға тырышам. Хеҙмәт хаҡы ваҡытында түләнә, шәхси ихата­һында мал тотоусылар бесән-һалам менән тәьмин ителә, — ти фермер.


Автор: Самат ҒӘЛИН
Фото: Айрат Нурмөхәмәтов фотоһы


Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Ауыл ҡатынының тормошон ауырлаштыралар

Ауыл ҡатынының тормошон ауырлаштыралар 27.03.2019 // Ауыл хужалығы

Ауыл ерендә эшләгән ҡатын-ҡыҙҙы бигүк күңелле булмаған үҙгәрештәр көтә. Рәсәйҙең Хеҙмәт һәм социаль...

Тотош уҡырға 1 026

Илдар ирландтарҙы нимәгә өйрәтер?

Илдар ирландтарҙы нимәгә өйрәтер? 26.03.2019 // Ауыл хужалығы

Мәләүез районынан Илдар Ишәкәев Ирландияға юлға сыҡты....

Тотош уҡырға 636

Ҡыш бауыры  оҙон түгел

Ҡыш бауыры оҙон түгел 26.03.2019 // Ауыл хужалығы

Арбаңды — ҡыш, санаңды йәй әҙерлә....

Тотош уҡырға 934

Ауылды улар йәшәтә

Ауылды улар йәшәтә 26.03.2019 // Ауыл хужалығы

Грант аҡсаһына — һөтсөлөк фермаһы....

Тотош уҡырға 1 081

Хәҙер Ахунға барырға мөмкин

Хәҙер Ахунға барырға мөмкин 23.03.2019 // Ауыл хужалығы

Учалы районында быға тиклем махсус мал һуйыу урындары икәү генә ине – ҡалала һәм Озерный...

Тотош уҡырға 641

Һөт сертификация үтәсәк

Һөт сертификация үтәсәк 22.03.2019 // Ауыл хужалығы

Рәсәй Ауыл хужалығы министрлығынан хәбәр итеүҙәренсә, быйыл майҙа әҙер һөт продукцияһын “Меркурий”...

Тотош уҡырға 679

Ауыл хужалығы предприятиеларын көтәләр

Ауыл хужалығы предприятиеларын көтәләр 19.03.2019 // Ауыл хужалығы

Шишмә районында ауыл хужалығы йүнәлешендәге индустрия паркы барлыҡҡа киләсәк....

Тотош уҡырға 613

“Ленин”дарға эйәрергә була

“Ленин”дарға эйәрергә була 19.03.2019 // Ауыл хужалығы

Стәрлебаш районының Ленин исемендәге ауыл хужалығында мал ҡышлатыу уңышлы ойошторолған....

Тотош уҡырға 697

Сифатлы орлоҡһоҙ алға китеш юҡ

Сифатлы орлоҡһоҙ алға китеш юҡ 19.03.2019 // Ауыл хужалығы

Был һүҙҙәрҙең дөрөҫлөгөн ерҙе яратҡан һәр кем яҡшы аңлай. Әлбиттә, һауа шарттарының нисек килеүе,...

Тотош уҡырға 649

“Ҡалмыҡ” тоҡомлолар даланы үҙ иткән

“Ҡалмыҡ” тоҡомлолар даланы үҙ иткән 19.03.2019 // Ауыл хужалығы

Хәйбулла районы Өфө ауылынан Марат Булатов – районда малсылыҡ тармағында уңышлы эшләгән...

Тотош уҡырға 708

Ауыл ерендә эшләгәндәр өҫтәмә алды

Ауыл ерендә эшләгәндәр өҫтәмә алды 18.03.2019 // Ауыл хужалығы

1 ғинуарҙан ауыл ерендә малсылыҡта, үҫемлекселектә, балыҡсылыҡта 30 йыл эшләгән пенсионерҙарға...

Тотош уҡырға 916

Ҡолоштан мал алмай тор...

Ҡолоштан мал алмай тор... 18.03.2019 // Ауыл хужалығы

Учалы районының Ураҙ ауыл биләмәһенә ҡараған Ҡолош ауылында ғәҙәттән тыш хәл теркәлгән....

Тотош уҡырға 697