Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Шатлыҡ та, теләк тә уртаҡ
“Ауыл табибы” программаһы буйынса 39 белгес эшкә килгән

Башҡортостан Республикаһының 100 йыллығына әҙерлеккә ярашлы төҙөләсәк объекттарҙың береһе район үҙәге Үрге Йәркәйҙә урынлашҡан. Сменаһына 250 кешене ҡабул итеүгә иҫәпләнгән поликлиниканың сафҡа инеүен төбәк халҡы түҙемһеҙлек менән көтә.

Шатлыҡ уртаҡлашыр көндәргә лә күп ҡалма­ған. Медицина учреждениеһының баш табип урынбаҫары Зөлфиә Әхмәҙуллина әйтеүенсә, Республика көнө уңайынан поликлиниканы рәс­ми асыу сараһы планлаштырыла, тантанаға тик­лем бүлмәләрҙе тәртипкә килтереү, ҡорамал­дар менән йыһазландырыу эштәре тамамланасаҡ.

Үҙәк район дауаханаһы эргәһендәге яңы поликлиника корпусын һалыу бынан тап ике йыл элек башланған. Объекттың дөйөм смета хаҡы – 260 миллион һумдан ашыу. Финанслау мәсьә­ләһе Башҡортостандың Социаль маҡсатлы программалар фонды ярҙамында “Башнефть” акционерҙар нефть компанияһы” аҡсаһы иҫә­бенә хәл ителгән. Төҙөлөштөң генераль под­рядсыһы – “СУ-10” компаниялар төркөмө яуаплылығы сикләнгән йәмғиәте.

Өс ҡатлы яңы бина иҫкеһе менән икенсе ҡаттағы галерея ярҙамында тоташтырылған. Әлеге көндә айырым бинала урынлашҡан диагностика лабораторияһы, дарыухана пациент­тар­ға тағы яҡыная төшәсәк – улар ҙа яңы поликлиникаға күсә.

– Медицина хеҙмәткәрҙәренең эш шарттары ла тамырынан яҡшырасаҡ, – ти поликлиниканың баш табибы Разида Ғатауллина. – Травматология бүлексәһе өсөн яңы уңайлыҡтар барлыҡҡа килеүе, лифттың булыуы, коридорҙарҙың иркенлеге пациенттарҙы ҡыуандырыр тип уйлайбыҙ. “Асыҡ мөхит” программаһы ҡуйған талаптар тормошҡа аша, коляскала хәрәкәт иткәндәргә һәр ерҙә “йәшел ут” – поликлиникаға инеү урындары бик яйлы, өҫтәмә уңайлыҡтар ҡаралған.

– Һеҙгә лә, ауырыуҙарҙы ҡабул иткән медицина хеҙмәткәрҙәренә лә мәшәҡәт артыуы бәхәсһеҙ. Яңы корпустан тыш, иҫке бинала ла эш дауам итәсәк, тиһегеҙ. Әйтеүегеҙсә, бер сменала 850-гә яҡын пациентты ҡабул итергә тура килеүе ихтимал. Кадрҙар мәсьәләһе һеҙҙә ҡырҡыу түгелме һуң? – тигән һорауға Разида Хәлил ҡыҙы былай тип яуапланы:

– Һүҙ ҙә юҡ, мөһабәт, заманса поликли­никаның сафҡа инеүе менән яңы эш урындары барлыҡҡа килеүе тәбиғи. Яҡшы эш шартта­рының йәш белгестәрҙе төбәктә төпләнеүен, ерегеүен ныҡ ярҙам итеренә ышанабыҙ. Өр-яңы ҡорамалдар, яңы мөмкинлектәр йәштәрҙең күңел торошона тап килеүенә шикләнмәйем. Әйткәндәй, беҙҙең поликлиникала күп йәш табиптар, шәфҡәт туташтары эшләй. “Ауыл табибы” программаһы аша ғына 39 табип килде.

Мине бигерәк тә корпуста маммография, яңы офтальмология кабинеттарының булдырылыуы һөйөндөрә. Йәнә балалар һәм ҡатын-ҡыҙҙар консультациялары, рентгенология бүлексәһе урын аласаҡ. Хатта бына тигән конференция залы ла буласаҡ беҙҙең.

32 мең халыҡ йәшәгән район өсөн оло бүләк булған күркәм поликлиниканың ваҡытында сафҡа инеүе, оҙаҡламай ишектәрен асыу өсөн әҙерләнеүе – барыбыҙ өсөн дә шатлыҡ. Һөйөнөстәр уртаҡ булһын, илештәр!




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Дөрөҫ йәшәгеҙ

Дөрөҫ йәшәгеҙ 29.03.2019 // Сәләмәт булайыҡ

Заман ҙур тиҙлек менән алға елгәндә, йылдарға йылдар өҫтәлгән һайын тормоштоң мәғәнәһе, дөрөҫ...

Тотош уҡырға 282

Ғалимдар һөйөндөрмәне

Ғалимдар һөйөндөрмәне 29.03.2019 // Сәләмәт булайыҡ

Сит ил ғалимдары, атап әйткәндә, АҠШ, Испания һәм Норвегия тикшеренеүселәре рәсәйҙәрҙе тиҙ...

Тотош уҡырға 209

Прививкаһыҙ мәктәпкә лә, баҡсаға ла индермәйәсәктәр

Прививкаһыҙ мәктәпкә лә, баҡсаға ла индермәйәсәктәр 29.03.2019 // Сәләмәт булайыҡ

Күптән түгел Италияла яңы закон ғәмәлгә инде. Ата-әсәләр балаларын киң таралған йоғошло сирҙәрҙән...

Тотош уҡырға 245

“Сихут” сире һайлап тормай...

“Сихут” сире һайлап тормай... 29.03.2019 // Сәләмәт булайыҡ

Бер нәмәнән дә ҡурҡмаған таяҡса хаҡында....

Тотош уҡырға 210

“Ир менән ҡатын проблемаһы”н  еңеп сығырға мөмкин
"Сибай ҙа, уның халҡы ла оҡшаны"

"Сибай ҙа, уның халҡы ла оҡшаны" 22.03.2019 // Сәләмәт булайыҡ

Тап шундай йылы һүҙҙәр, яҡты уйҙар менән ҡайтырға сыҡты Өфө табиптары. Бөгөн Сибайҙа сирлеләрҙе...

Тотош уҡырға 210

Заман менән бергә атлайҙар

Заман менән бергә атлайҙар 22.03.2019 // Сәләмәт булайыҡ

“Йөрәк һүҙе”, “Йөрәктән сыҡҡан йөрәккә етә”, “Бала – йөрәк ите”, “Миһырбанлыҡ – йөрәктән”... Кеше...

Тотош уҡырға 244

Яман шешкә ҡаршы "ҡоралланып"

Яман шешкә ҡаршы "ҡоралланып" 21.03.2019 // Сәләмәт булайыҡ

Бөгөнгө “Сәләмәтлек сәғәте”ндә онкологик сирлеләрҙе дарыу препараттары менән тәьмин итеү мәсьәләһе...

Тотош уҡырға 187

Сирҙәрҙе башланғыс стадияһында уҡ асыҡлаясаҡ

Сирҙәрҙе башланғыс стадияһында уҡ асыҡлаясаҡ 16.03.2019 // Сәләмәт булайыҡ

Учалы үҙәк дауаханаһында өлкәндәр өсөн УЗИ кабинетын йыһазландырыу эштәре бара....

Тотош уҡырға 201

Ҡәлғәгеҙ хәүефһеҙме?

Ҡәлғәгеҙ хәүефһеҙме? 15.03.2019 // Сәләмәт булайыҡ

Таҙалыҡ – сәләмәтлек нигеҙе, тигән ҡанатлы һүҙҙәр хәҙерге заманда ла көнүҙәклеген юғалтмай....

Тотош уҡырға 265

Үҙеңдән дә оло табип юҡ

Үҙеңдән дә оло табип юҡ 15.03.2019 // Сәләмәт булайыҡ

Һаулыҡтың һаҡлауға мохтаж икәнлеген хәтерҙә тотайыҡ....

Тотош уҡырға 416

Уйҙырмаларҙан ҡотолайыҡ

Уйҙырмаларҙан ҡотолайыҡ 15.03.2019 // Сәләмәт булайыҡ

Һаулыҡ һаҡлау өлкәһендә лә төрлө уйҙырмалар етерлек. Шуларҙың бер нисәһенә күҙ һалайыҡ....

Тотош уҡырға 267