Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Йәше-ҡарты саңғы шыуҙы, сәкән һуҡты

Бөрйәндә ҡышҡы Олимпиада йолаға әйләнде.

Әбделмәмбәт ауылында IV ҡышҡы Олимпия уйындары үтте. Алдан башҡарылған ныҡлы әҙерлек эштәре был сараның юғары кимәлдә ойошторолоуына булышлыҡ итте. Сағыу биҙәлеш, олимпия уты дөрләгән ысын факел, мәктәптең лазер оҫтаханаһында эшләнгән миҙалдар, тәмлекәстәр ҡушып тәҡдим ителгән ҡайнар сәй – барыһы ла байрам кәйефен арттырҙы ғына.

Олимпия уйындары тантаналы асылғандан һуң, көсөргәнешле ярыштар башланып китте. Бишәр кешенән торған командалар ҡатмар­лылыҡ йәһәтенән шахматтан ҡала икенсе урында торған керлингта көс һынаны. Һалҡын ҡанлылыҡ, теүәл иҫәп талап иткән был спорт төрөндә уҡыусылар ҙа, округтарға бүленгән ауыл халҡы ла ихлас ҡатнашты. Бигерәк тә олпат олатайҙарҙың, дәртләнеп китеп, ярышҡа ҡушылыуы уйындың бәҫен күтәрҙе.

Шорт-тректа йүгеректәр, етеҙлеккә сәмде ҡушып, кемуҙарҙан бер-береһен ҡыуҙы. Көйәрмәндәрҙең дәртле ҡеүәтләүе аҫтында йәше-ҡарты билдәләнгән дистанцияны елдәй елеп үтте.

Халыҡ көтөп алған быймалы сәкән һуғыу уйыны иһә әбделмәмбәттәр өсөн күптән ысын күңел байрамына әйләнгән. Алдағы йылдар­ҙан айырмалы рәүештә, әлеге Олимпия уйындарын тамаша ҡылырға “Рәсәй-Башҡорт­остан” телерадиокомпанияһы хеҙмәткәрҙә­ренең дә килеүе сараның мәртәбәһен бермә-бер арттырҙы.

Ярыштың икенсе көнөндә, буранлап тороуға ҡарамаҫтан, спортсылар бобслей һәм саңғы спорты, шулай уҡ ачери-биатлонда еңеү өсөн бар көсөн һалды. Балалар баҡсаһы тәрбиәләнеүселәренән алып 70 йәшлек абруйлы ағайға хәтлем ихлас ярышты.

Бар төрҙәр буйынса ла еңеүселәр лайыҡлы билдәләнеп, пьедесталға күтәрелеп, миҙалдар алып ҡыуанды.

Шатлыҡлы мәлдәр менән бер рәттән, уйын барышында күңелде ҡырған ҡытыршылыҡтар ҙа булды. Бигерәк тә ҡайһы бер округтарҙың һүлпәнлеге, командалар туплауға илке-һалҡы ҡарауы ойоштороу эшенә ҡамасау яһаны.

Шаулап-гөрләп сираттағы ҡышҡы Олимпия уйындары артта ҡалды. Яңы йондоҙҙар ҡабынды, спортсы ғаиләләр ярыштың күркәм бер биҙәге булып торҙо.


Автор: Шәфҡәт ҒӘЛИКӘЕВ
Фото: Зиннур Боҫҡонов
Район: Бөрйән районы


Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Юҡ инде, һеҙ беҙгә...

Юҡ инде, һеҙ беҙгә... 31.03.2019 // Спорт һәм туризм

“Салауат Юлаев” менән “Авангард” хоккей командалары араһында икенсе матч башланды. Тәүгеһе элекке...

Тотош уҡырға 709

Йөҙ көн ҡалды

Йөҙ көн ҡалды 31.03.2019 // Спорт һәм туризм

Быйыл 9 – 14 июлдә Өфөлә Халыҡ-ара балалар уйындары була....

Тотош уҡырға 455

Бөркөттәрҙе йыйҙы "Бөркөт"

Бөркөттәрҙе йыйҙы "Бөркөт" 30.03.2019 // Спорт һәм туризм

Сибай ҡалаһының “Бөркөт” физкультура-һауыҡтырыу комплексында Башҡортостан Мәғариф министрлығының...

Тотош уҡырға 407

Мәғариф хеҙмәткәрҙәре майҙан тотто

Мәғариф хеҙмәткәрҙәре майҙан тотто 30.03.2019 // Спорт һәм туризм

Хәйбулла районы үҙәге Аҡъярҙа Урал аръяғы район-ҡалаларының мәғариф учреждениелары хеҙмәткәрҙәре...

Тотош уҡырға 414

Белореттар әле лә саңғыла

Белореттар әле лә саңғыла 30.03.2019 // Спорт һәм туризм

Бөгөн Белорет районының “Ҡурташ” спорт-һауыҡтырыу комплексында саңғы буйынса Белорет районының асыҡ...

Тотош уҡырға 251

“Ҡарсығалар” беҙҙән ҡурҡамы?

“Ҡарсығалар” беҙҙән ҡурҡамы? 29.03.2019 // Спорт һәм туризм

Бөгөн Өфө ваҡыты менән киске сәғәт 10-сы яртыла “Салауат Юлаев” хоккей командаһы “Авангард” менән...

Тотош уҡырға 74

Себерҙә ауылды танытып ҡайттылар

Себерҙә ауылды танытып ҡайттылар 27.03.2019 // Спорт һәм туризм

Бөрйәндәр, ғафуриҙар, өфөләр, әлшәйҙәр, балаҡатайҙар, балтастар......

Тотош уҡырға 150

Башҡортостан данын Бөрйәндәр яҡланы

Башҡортостан данын Бөрйәндәр яҡланы 27.03.2019 // Спорт һәм туризм

18 - 24 мартта Төмән ҡалаһында IX Бөтә Рәсәй ҡышҡы ауыл спорт уйындары үтте....

Тотош уҡырға 311

Ҡар бураны уйнатты... Монах

Ҡар бураны уйнатты... Монах 27.03.2019 // Спорт һәм туризм

Өфөләге “Аҡбуҙат” ипподромында республика райондары араһында “Терра Башҡортостан” ат-спорт...

Тотош уҡырға 101

Йәш мәргәндәр сыҡты майҙанға

Йәш мәргәндәр сыҡты майҙанға 26.03.2019 // Спорт һәм туризм

Башҡортостандың 100 йыллығы уңайынан Учалыла ошо көндәрҙә балалар һәм үҫмерҙәр араһында Зәйнулла...

Тотош уҡырға 108

“Билмән”гә берәүҙең дә көсө етмәне

“Билмән”гә берәүҙең дә көсө етмәне 26.03.2019 // Спорт һәм туризм

Красноярск ҡалаһында бик ҡыҙыҡ ярыш уҙҙы. Унда сикәгә сабыу буйынса беренсе донъя чемпионаты...

Тотош уҡырға 112

Баймаҡ арғымаҡтары һынатмай

Баймаҡ арғымаҡтары һынатмай 25.03.2019 // Спорт һәм туризм

Баймаҡ районы — республикала йылҡысылыҡ тармағын үҫтереү буйынса тәүге урында тора. Район йылҡы...

Тотош уҡырға 111