Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Тауыш биреүгә әҙербеҙ
Рәсәй Президентын һайлауға тиклем ни бары егерме көнләп ваҡыт ҡалды. Бынан тыш, Башҡортостанда ҡала һәм район Советтарына депутаттар ҙа һайлаясаҡбыҙ. Ил тормошондағы мөһим сәйәси ваҡиғаға әҙерлек тулы кимәлдә бара. Тәүге тапҡыр тауыш биреүҙә веб-камералар ҡулланыласаҡ, шуға күрә ойоштороу эштәре лә бермә-бер арта.
Башҡортостан Үҙәк һайлау комиссияһы рәйесе Хәйҙәр Вәлиев менән “Башинформсвязь” асыҡ акционерҙар йәмғиәтенең генераль директоры Рөстәм Сафиев журналистар менән осрашып һайлауға әҙерлек һәм веб-камералар ҡуйыу барышы тураһында һөйләне.
— Тауыш биреү башланыуға һанаулы ғына көндәр ҡалды. Эш планға ярашлы бара. Һайлау комиссиялары участкалары булдырылған, уларҙың составы раҫланған. Иҫәптән төшөү таныҡлығы бирелә башланы, — тине Хәйҙәр Вәлиев һәм әҙерлек барышы тураһында тулы мәғлүмәттәр бирҙе.
Республикала 4 мартта тауыш биреү өсөн 3509 һайлау участкаһы ойошторолған. Веб-камералар 3468 участкала ҡуйыласаҡ (һайлаусыларҙың ваҡытлыса булған урындары — дауаханалар, тәфтиш изоляторҙары иҫәпкә алынмай). Рәсәй Үҙәк һайлау комиссияһы башланғысы менән территориаль һайлау комиссияһының “Һайлау” дәүләт автоматлаштырылған системаһы бүлмәләрендә лә камералар ҡуйыласаҡ. Улар республикала — 69. Дөйөм алғанда, Башҡортостанда 3537 видеокүҙәтеү комплексы урынлаштырыласаҡ. Бөгөн камераларҙың 80 проценты ҡуйылып бөткән. Яҡын арала был эштәрҙе тулыһынса тамамлау күҙаллана.
Һәр бер комплексҡа икешәр веб-камера инә. Ул реаль ваҡыт режимында тауыш биреү һәм тауыштарҙы һанау мәлен күрһәтәсәк. Бер камера һайлаусылар бюллетень алған бинаның дөйөм планын күрһәтәсәк, ә икенсеһе стационар һайлау йәшнигенә йүнәлтеләсәк. Бюллетень тултырған саҡта һәм уны йәшниккә төшөргәндә кешенең йөҙө күрһәтелмәйәсәк. Камералар иртәнсәк тауыш бирә башлау менән тоҡандырыласаҡ һәм тауыштар һаналып бөткәнсе, протоколға ҡул ҡуйылғансы эшләйәсәк. Рәсәй һәм Башҡортостандың Үҙәк һайлау комиссиялары сайттары аша “тура” трансляцияны ҡарарға мөмкин. Һайлау үткәндән һуң, камералар улар ҡуйылған биналарҙа артабан файҙаланыу өсөн ҡалдырыласаҡ. Әйткәндәй, был эште башҡарыу өсөн федераль бюджеттан 13 миллиард һум аҡса бүленгән. Башҡортостанға — 90 миллион һум самаһы.
Хәйҙәр Вәлиев шулай уҡ һайлауға әҙерлектең башҡа нескәлектәре тураһында ла һөйләне. Мәҫәлән, әлеге ваҡытта Башҡортостанда ике халыҡ-ара күҙәтеүсе эшләй. Улар — Швециянан Ханс Биргер Нареског менән Литванан — Людмила Блинова. Улар беҙгә оҙайлы ваҡытҡа килгән һәм Башҡортостанда ил президентын һайлау барышын күҙәтәсәк. 4 мартҡа ҡарай тағы бер нисә халыҡ-ара күҙәтеүсенең килеүе көтөлә.
Башҡортостандағы һайлау участкаларының 178-ендә КОИБ-тар (һайлау бюллетендәрен эшкәртеү комплексы) эшләйәсәк. Был комплекстар республиканың 54 районында ҡулланыла. Әлеге система тәүге тапҡыр 2003 йылда Дәүләт Думаһына депутаттар һайлағанда файҙаланылғайны.
Әлфиә ӘЙҮПОВА




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Китте... Икмәк, ит етештереүҙе хәстәрләп китте

Китте... Икмәк, ит етештереүҙе хәстәрләп китте 29.03.2019 // Сәйәсәт

Бөгөн Көйөргәҙе район Советы депутаттары хакимиәт башлығы Әхәт Ҡотләхмәтовтың отставкаһын ҡабул...

Тотош уҡырға 285

Медведевтан ярҙам көтәбеҙ

Медведевтан ярҙам көтәбеҙ 29.03.2019 // Сәйәсәт

Башҡортостан парламенты депутаттары социаль туҡланыу, айырыуса мәктәптәрҙә, балалар баҡсаларында...

Тотош уҡырға 253

Дәүләт-хоҡуҡ идаралығын кем етәкләй?

Дәүләт-хоҡуҡ идаралығын кем етәкләй? 28.03.2019 // Сәйәсәт

Башҡортостан Республикаһы Башлығының Дәүләт-хоҡуҡ идаралығы начальнигы итеп Азат Ғәлин...

Тотош уҡырға 266

Идаралыҡта – яңы етәксе

Идаралыҡта – яңы етәксе 28.03.2019 // Сәйәсәт

Искәндәр Әхмәтвәлиев Башҡортостан Башлығының Муниципаль берәмектәр менән эш итеү идаралығы...

Тотош уҡырға 295

Яңы вәкил тәғәйенләнде

Яңы вәкил тәғәйенләнде 28.03.2019 // Сәйәсәт

Башҡортостан Республикаһы Башлығының Дәүләт Йыйылышы – Ҡоролтайҙағы тулы хоҡуҡлы вәкиле итеп...

Тотош уҡырға 244

Хәйҙәр Вәлиев китте

Хәйҙәр Вәлиев китте 28.03.2019 // Сәйәсәт

Бөгөн Башҡортостандың Үҙәк һайлау комиссияһы рәйесе Хәйҙәр Вәлиев ваҡытынан алда вазифаһын бушатты....

Тотош уҡырға 297

Килешеү төҙөлдө

Килешеү төҙөлдө 28.03.2019 // Сәйәсәт

Бешкәктә Башҡортостан Республикаһы Хөкүмәте менән Ҡырғыҙ Республикаһы Хөкүмәте араһында...

Тотош уҡырға 231

Хәбиров, Байғусҡаров, Беляев... тағы кемдәр?

Хәбиров, Байғусҡаров, Беляев... тағы кемдәр? 27.03.2019 // Сәйәсәт

Бөгөн Башҡортостанда “Берҙәм Рәсәй” партияһынан республика Башлығы вазифаһына кандидатуралар тәҡдим...

Тотош уҡырға 335

Йөҙ меңенсе кем?

Йөҙ меңенсе кем? 27.03.2019 // Сәйәсәт

Учалы ҡалаһы “Таусы” хоккей клубының спорт директоры Айрат Нурғәлиевкә “Берҙәм Рәсәй”ҙең...

Тотош уҡырға 326

Киров районы 100 йыллыҡты билдәләне

Киров районы 100 йыллыҡты билдәләне 25.03.2019 // Сәйәсәт

Республикабыҙҙың 100 йыллыҡ юбилейы айҡанлы Башҡортостанда байрам саралары дауам итә....

Тотош уҡырға 312

“Берҙәм Рәсәй”ҙәр кандидат тәҡдим итә

“Берҙәм Рәсәй”ҙәр кандидат тәҡдим итә 25.03.2019 // Сәйәсәт

27 мартта “Берҙәм Рәсәй” партияһы Башҡортостан Республикаһы Башлығы вазифаһына кандидатура тәҡдим...

Тотош уҡырға 258

Республикабыҙ 278 Советтар Союзы Геройын үҫтергән

Республикабыҙ 278 Советтар Союзы Геройын үҫтергән 23.03.2019 // Сәйәсәт

Байрам уңайынан тантаналы йыйылыштағы сығышында Башҡортостан етәксеһе Радий Хәбиров бер быуатлыҡ...

Тотош уҡырға 266