Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Йөрәктәрҙе өттө “Йөрәк һүҙе”
Йөрәктән сыҡҡан һүҙ йөрәккә етә, ти халыҡ. Ә бына Башҡорт дәүләт опера һәм балет театрында үткән “Йөрәк һүҙе” бәйгеһе йөрәктәргә үтеп кенә ҡалманы, йөрәктәрҙе өтөп алды. Нисек инде өтмәһен! Халҡыбыҙҙың ялҡынлы һүҙ оҫталары, күкрәгендә милли рух усағы дөрләгән шағирҙары күтәрелде бит сәхнәгә.
Хәтерләйһегеҙҙер, Башҡорт­ос­тан Республикаһының атҡаҙанған сәнғәт эшмәкәре Наилә Сәфәр­ғолованың “Рәсәй – Башҡортостан” телеканалында ойошторған “Әйтер һүҙем бар” шиғыр, башҡорт һүҙ сәнғәте байрамы халыҡ араһында киң танылыу алғайны. Тәүге сара Мәжит Ғафури исемендәге Баш­ҡорт дәүләт академия драма театрында ҡанат киреп, шиғриәттең илаһи нурҙарына сорнаны. Артабан “Йөрәк һүҙе” проекты “Ҡурай” каналында эфирға сығып, башҡорт теленең сихри көсөн, һутын, ҡеүәтен халыҡҡа еткерҙе.
Шулай итеп, “Йөрәк һүҙе” проектында ҡатнашыусыларҙың сығы­шын баһалау этабы ла килеп етте. СМС тауыш биреү аша еңеү яу­лағандар Башҡорт дәүләт опера һәм балет театры сәхнәһенә күтә­релде. Улар сығыш яһағанда тындар ҡыҫылды, йөрәк елкенде, күҙҙәргә йәш төйөлдө... Хәйер, кисерештәрҙе, тойғоларҙы һүҙ менән аңлатыу мөмкин түгел һымаҡ. Шағирә Гүзәл Ситдиҡова әйткәнсә: “Иҫ киткес проект, иҫ киткес тамаша, рух байрамы, башҡорт рухы байрамы булды! Иреп китеп, инеп китеп шиғыр тыңланыҡ”.
“Йөрәк һүҙе” йөрәктәрҙе өттө. Ул, ҡапыл иҫкән елдәй, күңел тө­бөндә көлгә күмелеп барған күмер­ҙәрҙе терелтеп, рухи усағыбыҙға йән өрөп ебәрһен!

Йөрәктәрҙе өттө “Йөрәк һүҙе”Иң тәүҙә һүҙ булған. “Йөрәк һүҙе” бәйгеһенән һуң был юлдарҙың хаҡлығына тағы ла инанаһың. Һүҙ көсө, һүҙ ҡөҙрәте меңәрләгән милләттәшебеҙҙе тупланы, телебеҙҙең асылын, бәҫен, йәмен асып һалды.
“Бынан алда “Әйтер һүҙем бар” шиғриәт кисәһе бик оҡшағайны. Шуға ла бөгөн бар эштәремде ситкә ҡуйып, сараға килдем”, – тине эргәмдә торған оло ғына апай. Эйе, милләттәштәремдең йәше лә, олоһо ла, ябайы ла, абруйлыһы ла атлығып килде тамашаға. Шулай булмаһа, билеттар алдан уҡ һатылып бөтөр инеме ни?!
Шиғриәт бәйгеһенең финалына телевизион проектта ҡатнашыусыларҙан 12 пар сыҡты, уларҙы тауыш биреү юлы менән телевизор ҡараусылар һайланы. Конкурсанттарҙың сығышын билдәләү өсөн тәүҙә театрҙың Грек залында йәрәбә тартыу тамашаһы ойошторолдо. Унда сәнғәт оҫталары, шул иҫәптән йәш сәсәниә, “Зәңгәр ҡош-2017” проекты финалисы Ләйсән Золотарева ҡатнашты.
Шиғыр бәйгеһе көсөргәнешле буласағын алдан уҡ күҙалларға мөмкин ине – илаһи мөхит тамашасыны ла үҙ донъяһына йолоп алғайны. Кем еңеүсе булыр икән, тип һәр кем йөрәген усында тотоп ултырғандай булды. Конкурсанттар шиғыр һөйләгән саҡта тамашасы, бер һүҙҙе лә төшөрөп ҡалдырмайым тигәндәй, тынып ҡала, ә инде сығыш тамамланыу менән зал тағы ла көслө алҡыштарға күмелә.
“Был бәйгенең еңеүсеһен алдан уҡ белә инем. Еңеүсе берәү – башҡорт теле!” – тине сарала ҡатнашҡан шағир, “Башҡортостан” гәзитенең баш мөхәррире Азамат Юлдашбаев. Эйе, бәйге майҙанына төрлө һөнәр эйәләре – актер, уҡытыусы, журналист, студент һәм башҡалар сыҡһа ла, уларҙың бөтәһен дә башҡорт теленә, еребеҙгә, шиғриәткә булған һөйөү берләштерҙе.
Финалға шағирә Зөлфиә Ханнанова һәм уның ҡыҙы Гүзәлдең, тәрбиәсе Дилара Әйүпова һәм ҡыҙы Зөлхизәнең, Мәжит Ғафури исемендәге башҡорт дәүләт академия драма театры актерҙары Гөлназ һәм Руслан Хайсаровтарҙың дуэттары сыҡты. Уларҙың сығыштары, һайлаған шиғырҙарының үҙенсәлекле булыуы, күңелгә үтеп инеүе һәм башҡарыу оҫталығы, парҙарҙың бер-береһен аңлау тойғоһо юғары баһа алды.
Тамашасының хис-тойғолары урғылып торған сарала баһалама ағзаларына ла эшләүе еңелдән булмағандыр. Әйткәндәй, был ауыр ҙа, яуаплы ла бурыс республикабыҙҙың абруйлы шәхестәре – Әхтәм Абушахмановҡа, Олег Хановҡа, Флүрә Мурзинаға һәм Әхәт Мортазинға, йәш шағирә Эвита Ғәйнетдиноваға йөкмәтелде.
“Йөрәк һүҙе”ндә ҡатнашҡан һәр кемдең тамашасыны арбарлыҡ, тетрәндерерлек әйтер һүҙе бар ине. Уларҙың һәр береһе үҙ маҡсатына өлгәште. Шағирә Зөлфиә Ханнанова һәм уның ҡыҙы Гүзәл Әлибаеваның нескә ҡатын-ҡыҙ лирикаһы, әсәлек хис-тойғолары менән һуғарылған сығышы тамашасыны битараф ҡалдыр­маны. Шуға ла үҙ поэмаһынан өҙөктө юғары оҫталыҡта, йөрәкте тетрәндерерлек итеп уҡыған Зөлфиә Ханнанова һәм уның ҡыҙы Гүзәлдең “Йөрәк һүҙе” бәйгеһе еңеүсеһе тип иғлан ителеүен һәр кем шатланып ҡабул итте. Уларға төп бүләк – “Лада Гранта” автомобиле тапшырылды.
Проектта ҡатнашҡан һәм төп бәйгелә ҡатнашыу хоҡуғы алған шағирә Йомабикә Ильясова, йәштәргә юл бирәм тип, бәйге алдынан үҙенең кандидатураһын алды һәм “Тамашасы һөйөүе” конкурсын ойошторҙо.
Башҡорт теленең тормошобоҙҙа артабан нисек йәшәйәсәге, ҡулланыласағы тураһында бәхәстәр, тартҡылаштар барған саҡта үҙенсәлекле һәм сағыу сара – “Йөрәк һүҙе” проектын ойоштороусы “Башҡорт­остан” дәүләт телерадиокомпанияһының “Ҡурай” телеканалына, проекттың авторы һәм етәксеһе Наилә Сәфәрғоловаға һәм унда ҡатнашҡан ҡыйыу йөрәкле милләт­тәштәребеҙгә тамашасы рәхмәт әйтеп таралышты. Сара һәр кемебеҙҙә милләт өсөн ғорурлыҡ һәм киләсәккә ышаныс тыуҙырҙы. Беҙ булғанбыҙ, барбыҙ һәм буласаҡбыҙ!

С. ӘБҮЗӘР, Р. МУСИНА.

Айгиз БАЙМӨХӘМӘТОВ,
Шәйехзада Бабич исемендәге республика дәүләт йәштәр премияһы лауреаты:

– Шау шиғырҙан торған сараның, ошондай ҙур тамашасыны йыйып, бар республиканы гөрләтеүен күреп, аптырап та ҡуйҙым. Ғәҙәттә, ике сәғәтлек концерт ҡарағансы арып бөтәһең, ә бында сығыштарға әүрәп, биш сәғәт үткәнен дә һиҙмәгәнбеҙ. Ғөмүмән, был милли рухты күтәргән тантана булды. Исеме есеменә тура килеп, уларҙың йөрәгенән сыҡҡан шиғри һүҙе һәр кемебеҙҙең күңеленә үтеп инеп, берсә тетрәндерҙе, берсә һоҡландырҙы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 1 226

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 965

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 1 151

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 1 259

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 1 081

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 1 268

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 1 056

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 1 342

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 367

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 304

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 311

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 260