Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Йөрәккә ышаныслы ҡалҡан
Йөрәккә ышаныслы ҡалҡан Статистика мәғлүмәттәренә ҡарағанда, илебеҙҙә, шул иҫәптән Башҡортостанда ла барлыҡ ауырыуҙар араһында йөрәк-ҡан тамырҙары сирҙәре өҫтөнлөк итә. Был патология һәр өсөнсө оло кешелә осрай. Сәбәбе гиподинамияға ҡоролған тормошҡа, кешеләрҙең йәшәү рәүешенә, нәҫелдән күсә килеүсәнлеккә һәм башҡа факторҙарға ҡайтып ҡала. Шуға күрә һаулыҡ һаҡлау өлкәһендә йөрәк-ҡан тамырҙары ауырыуҙарын дауалау айырыуса ҙур әһәмиәткә эйә. Республиканың кардиология үҙәге илдә генә түгел, бөтә донъя­ла киң билдәле, һәм ул замандың алдынғы медицина технологияларына нигеҙләнеп эш итә. Үҙәктең баш врачы, Башҡортостандың атҡаҙанған табибы, медицина фәндәре кандидаты, республика Һаулыҡ һаҡлау министрлығының штаттан тыш баш кардиологы Ирина НИКОЛАЕВА менән ошо хаҡта әңгәмә ҡорҙоҡ.

Йөрәккә ышаныслы ҡалҡан— Ирина Евгеньевна, Республика кардиология үҙәгенең диагностикалау һәм дауалау мөмкинлектәре нисек баһалана?
— Әле беҙҙең үҙәк 470 койка-урынлыҡ стационарҙы һәм сменаһына 250 кешене ҡабул итерлек консультация-диагностика поликлиникаһын берләштерә. Йыл һайын стационарҙа 14 меңдән ашыу пациент дауалана һәм 80 мең кеше консультация ала.
Учреждениеның ҡеүәтле базаһы, коллективтың юғары һөнәри оҫталығы тотош республика халҡының сәләмәт­леген хәстәрләүгә йүнәлтелгән. Былтыр төпкөл төбәктәрҙә йәшәгәндәрҙе лә тейешле кимәлдәге кардиология хеҙмәте менән тәьмин итеү маҡсатында Республика логистика үҙәге булдырылды. Был үҙәккә урындарҙа йөрәк-ҡан тамырҙары сирлеләргә ашығыс ярҙам күрһәтеүҙе координациялау, диагностикалау һәм дауалау стандарттарын контролдә тотоу бурысы йөкмәтелгән.
Республика кардиология үҙәгенең төп бурысы — ауырыуҙарҙы тикшереү һәм дауалауҙан тыш, фәнни һәм методологик эшмәкәрлекте лә берҙәм алып барыу. Был иһә республика, ил, донъя кимәлдәрендә ғәмәлгә ашырыла, фәнни конференциялар, телемедицина мәктәп­тәре, күсмә семинарҙар даими үткәрелә. Әйтәйек, Гуманитар форум барышында үткән конференцияға Ҡытай, Ҡаҙағстан, Иордания, Италия тарафтарынан абруйлы кардиологтар, кардиохирургтар һәм трансплантологтар йыйылды.
— Кардиология үҙәге йөрәк-ҡан тамырҙары сирҙәрен дауалауҙа донъя медицинаһының иң алдынғы ҡаҙаныштарына мөрәжәғәт итә. Был алым ниндәй һөҙөмтәләр бирә?
— 2013 йылда, мәҫәлән, Трансплантология һәм яһалма ағзалар федераль ғилми үҙәге кардиохирургы, профессор Ринат Сәйетгәрәев ҡатнашлығында беҙҙә йөрәк күсереп ултыртыу буйынса беренсе операция уңышлы үтте. Бөгөн­гәсә ошондай туғыҙ операция яһалған. Хәҙер инде барлыҡ транспланта­ция­ларҙы үҙебеҙҙең кардиохирургтар башҡара. Хирургия йәһәтенән иң ҡатмарлы осраҡтарҙа гибрид технологиялар киң ҡулланыла. Улар, асыҡ операцияларҙан айырмалы рәүештә, аҙ йәрәхәтләй һәм реабилитация ваҡытын тиҙләтә. Республика кардиология үҙәге бындай төрлө операцияларҙы яһау буйынса Рәсәйҙең төп биш төбәге исемле­гендә тора. Шулай уҡ беҙҙә бәләкәй инвазивлы һәм эндаваскуляр хирургия алымдары киң ҡулланыла.
Үткән йылда ғына йөрәкте һәм ҡан тамырҙарын коррекциялауҙың 20 но­минацияһы ғәмәлгә индерелде. 16,5 мең операция һәм тикшереүҙәр үткә­релде. Был һандар артында – һаҡлап ҡалынған ғүмерҙәр, сәләмәт һәм әүҙем тормошҡа ҡайтҡан кешеләр. Ғөмүмән, кардиология өлкәһенә ғәйәт ҙур яуаплылыҡ йөкмәтелгән. Беҙ ошо ышанысты аҡларға бурыслы.
— Сирҙе дауалауға ҡарағанда киҫәтеү еңелерәк, ти табиптар. Үҙәк­тең был йәһәттән эшмәкәрлеге нисек ҡоролған?
– Йөрәк-ҡан тамырҙары сирҙәрен иҫкәртеү – заман медицинаһының төп йүнәлеше. Ауырыуҙарҙы мөмкин ҡәҙәр иртәрәк асыҡлау маҡсатында скринингтар үткәрелә. Үткән йылдың икенсе яртыһында ғына уны 19 мең кеше үтте. Тикшерелгәндәрҙең һәр өсөнсөһөндә төрлө дәрәжә йөрәк-ҡан тамырҙары сире барлығы асыҡланды. Улар өсөн Үҙәктә контроль системаһы һәм махсус регистрҙар булдырыла. “Сәләмәтлек үҙәге” күсмә диагностика модуле лә эшләй, скринингтар үткәреүҙә уңышлы файҙаланыла.
— Һуңғы осорҙа республика кардиологтары балалар сәләмәтлегенә айырыуса ҙур иғтибар йүнәлтә. Бының етди сәбәптәре бармы?
— Белеүегеҙсә, “Башҡортостан Рес­публикаһында сәләмәтлекте ғүмер дауамында һаҡлауҙың модулле програм­маһы” тормошҡа ашырыла. Әлеге ваҡытта уның икенсе этабы бара. Был программаға ярашлы, мәктәп уҡыусы­ларын ғүмер дауамында үҙ сәләмәтлеген һаҡларға өйрәтәбеҙ. Һуңғы ике йылда ошондай 2,7 мең дәрес үткәрелде. Республика кардиология үҙәгенең Рәсәй һәм донъя кимәлендәге форумдарҙа яулаған наградалары араһында “Иң яҡшыһы — балаларға” тигән сифат билдәһе лә бар. Был – коллективыбыҙ йәш быуындың сәләмәтлеген ҡайғыр­тыуға һалған көсөнә лайыҡлы баһа.
Ғөмүмән, коллективтың һөнәри оҫталығы, ауырыуҙарға кешелекле мөнәсәбәте өсөн рәхмәт һүҙҙәрен йыш ишетәбеҙ. Үҙ сиратыбыҙҙа республика халҡы юғары квалификациялы һәм сифатлы кардиология хеҙмәтенән тейешле дәрәжәлә файҙаланһын өсөн киләсәктә лә үҙәктең заманса ҡеүәтле технологик базаһын, һөнәри оҫталыҡты һәм тырыш­лыҡты тулыһынса файҙаланасаҡбыҙ.

Р. ХӘСӘНОВА әңгәмәләште.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 619

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 640

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 736

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 915

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 752

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 726

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 753

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 996

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 122

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 220

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 184

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 183