Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
КӨҘГӨ КҮКРӘҮ Ике бөйөк ҡитға осрашҡан ер —
Сал Уралдың аяҡ осонда.
Башҡорт ҡыҙы һуҡҡан балаҫ һымаҡ
Дала ята – хәйбуллалар иле ошонда...


Өфө ауылы китапханаһында ошо шиғыр юлдарының авторы Рифҡәт Ғилман улы Алғушаевтың 85 йыллыҡ юбилейына арналған “Көҙгө күкрәү” исемле хәтер кисәһе үтте. Сараға уның туғандары, һабаҡташтары, дуҫтары, оҙаҡ йылдар бергә эшләгән хеҙмәттәштәре, уҡыусылары, ауылдаштары йыйылды.
Заманына күрә уҡымышлы ғаиләлә тыуып үҫкән Рифҡәт Алғушаев, ете йыллыҡ мәктәпте тамамлағас, Өфөләге 1-се мәктәп-интернатҡа уҡырға килә. Рәми Ғарипов менән бергә белем ала. Улар 112-се Башҡорт атлы диви­зия­һының Ворошиловград өлкәһендәге яу юлдары буйлап сәйәхәттә була, ғүмерлек йән дуҫтарға әйләнә. Уҡыу йылдарында Рифҡәт ижади түңәрәктәргә йөрөй, беренсе шиғырҙарын яҙа, мәктәп гәзит­тәренә һүрәттәр төшөрә, төртмәле дүртюллыҡтар яҙа. Шул осорҙағы иҫтәлектәре менән бүлешеп, кисәлә һабаҡташтары — педагогия хеҙмәте ветерандары Флүрә Аралбаева, Айҙар Ҡоҙабаев, оҙаҡ йылдар райондың партия комитетында юғары вазифаларҙа эшләгән Факил Хәкимов һәм башҡалар — сығыш яһаны. Рифҡәт Алғушаевтың шиғырҙарынан Ханнан Мөхәмәҙйәров — “Рәмигә”, Милә Кинйәбаева — “Их, Һаҡмар, Һаҡмар ғынам”, Гәүһәр Аслаева “Башҡортостан” исемлеләрен уҡып ишеттерҙе.
Башҡорт дәүләт педагогия инсти­тутының филология факультетына уҡырға ингәс, Рифҡәт Алғушаев ижади йәштәр менән аралашып, белем усағы тормошонда ҡайнап йәшәй. Уның яҙған шиғырҙары үҙҙәре үк ойошторған әҙәби гәзит-журналдарҙа даими күренә, шиғри конкурстарҙа еңеп, билдәлелек яулай. Институтты тамамлағандан һуң йәш шағир Башҡортостан китап нәшриәтенең дәреслектәр редакцияһында мөхәррир вазифаһында хеҙмәт юлын башлап ебәрә. Шул ваҡытта байтаҡ шиғырҙар яҙып, матбуғатта баҫтыра, шиғриәт ҡанундарын өйрәнә. Күренекле шағирҙар Рәшит Ниғмәти, Баязит Бикбай, Муса Ғәли, Шәриф Бикҡол һ.б. менән аралашып, фәһемле кәңәштәрен ала.
1955 йылда йүнәлеш буйынса сиҙәм ерҙәргә, Хәйбулла районының “Матрай” совхозындағы урта мәктәпкә эшкә ебәрелеп, башҡорт теле һәм әҙәбиәте фәненән уҡытҡан осорҙа балалар өсөн күп кенә шиғырҙар ижад итә. Кисәне йәмләп, Нурзәнә Сәйфуллина, Диана Кәримова, Айһылыу Солтанова уның шиғырҙарын уҡып ишеттерҙе, “Ағинәйҙәр” клубы ағзалары таҡмаҡтарын йырланы.
Шиғри күңелле уҡытыусы, ябай ауыл рәссамы Рифҡәт Алғушаев бер юлы совхоздың рәссам-биҙәүсеһе бурысын да үтәй. Яҙғы сәсеү, урып-һуғыу осоронда, мәҙәни сараларҙа плакаттар, “Молния”лар, “Боевой листок”тар сығара.
Кисәлә Рифҡәт Алғушаев тураһында видеояҙма ла күрһәтелде. Беҙҙең илһөйәр рухлы шағирыбыҙҙың фәһемле, зауыҡлы шиғырҙары йәйге селләлә шишмә һыуын йотлоғоп эскән кеүек уҡыла икән, тимәк, халыҡ рухиәтен һуғарыуын дауам итә.

Рәзифә ҒӘББӘСОВА,
район китапханаһының
бүлек мөдире.






Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 496

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 515

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 603

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 775

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 624

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 585

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 610

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 853

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 108

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 198

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 165

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 175