Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Матур ғаилә – ил ҡото
Матур ғаилә – ил ҡотоҒаилә – милләтебеҙҙең генә түгел, халҡыбыҙҙың, республикабыҙҙың, илебеҙҙең дә ныҡлы терәге, таянысы, оло, бөтөн бер йәмғиәттең лайыҡлы өлөшсәһе ул. Тап бөгөн “ғаилә” төшөнсәһе айырым иғтибарға, ихтирамға лайыҡ. Ул йәмғиәтебеҙҙә иң көнүҙәк күренештәрҙең береһе булып ҡала. Ысын, бәхетле, тулы һәм законлы ғаиләләр генә илебеҙҙең бәхетле, яҡты киләсәген тәьмин итә ала.

Республикабыҙҙа ғаиләгә иғтибарҙы арттырыу, ғаилә тө­шөн­сәһенең дәрәжәһен күтәреү, ғаилә ҡиммәттәрен нығытыу өсөн төрлө саралар үткәреү ҡаралған.
Ошо көндәрҙә Нефтекама ҡалаһының башҡорт гимна­зияһында илһөйәр, телһөйәр милләттәштәребеҙ, өлгө­лө ғаи­ләләр өсөн “Ғаилә – туған тел һаҡсыһы” тип аталған күркәм сара үтте. Был бәйгелә ҡала­быҙҙың төрлө мәктәптәренән һәм балалар баҡсаларынан балаларын милли рухта тәрбиәләгән, туған телдә иркен аралашҡан 11 ғаилә ҡатнашты. Улар “Халҡым теле – хаҡлыҡ теле”, “Беҙ баш­ҡортса һөйләшәбеҙ”, “Өләсәйем һандығы” кеүек турҙарҙа һынау тотто. Һәр ғаилә конкурсҡа етди әҙерләнеп килгән: өлкәндәр ҙә, бәләкәс конкурсанттар ҙа милли кейемдә сығыш яһап, йырлап, бейеп, йола фольклорын сәхнә­лә­штереп, тамашасыларҙы һоҡ­ландырҙы.
Билаловтар ғаиләһенең дәрт­ле бейеүҙәре, театрлаштырылған формала башҡорт милли аштары, уны әҙерләү ысулдары менән таныштырыу, йола фольклорынан күренештәр; Хөснуллиндар ғаиләһенең туған телде, Тыуған илде, мәҙәниәтте, тарихты өйрә­неүгә өндәгән ҡобайыры, күңел ҡылдарын тирбәтеп ҡумыҙҙа уйнауҙары, өзләү сәнғәте менән таныштырыу, Бөйөк Ватан һуғы­шында һәләк булған олатай­ҙарының өсмөйөшлө хатын уҡыу, һалдаттарҙы иҫкә алыу, был хатты уның яҡты иҫтәлеге итеп изге ҡомартҡылай һаҡлауҙары, ун быуат дауамында бөтә әҙәби ҡо­мартҡыларҙың йәшәү форма­һына, фекер ағышына һәм яҙманың үҫешенә көслө йоғонто яһаған ислам дине ҡанундары, иҫке төркисә яҙылған “Мөхәм­мәдиә” китабы менән таныштырыу; Алсынбаевтарҙың кис ултырыу, шәл бәйләү, бирнә һан­дығын әҙерләү йолаларын сәхнә­ләштереү; Ғөбәевтәр ғаиләһенең балаларҙы, милләттәштәребеҙҙе иманға өндәгән мөнәжәте, “Туҡмаҡ әйләндереү”, “Йөҙөк һалыш” кеүек уйын фольклоры өлгөләре менән таныштырыуы, кесеһенән алып олоһона тиклем йырлап-бейеп сығыш яһауҙары үҙе бер тамаша булды.
Һәр ғаиләнең сығышында башҡорт телен һаҡлау һәм үҫтереүгә баҫым яһалды, ҡул эштәренә өйрәтеү, аш-һыу әҙерләү һабаҡтары, ғөрөф-ғәҙәттәр, ғаилә ҡиммәттәре менән таныштырыуға ҙур иғтибар бирелде.
Был сараға килгән һәр тамашасы күңелендә ҙур кинәнес кисерҙе, балалар баҡсаһына йөрөгән кескәйҙәрҙең дә, мәктәп уҡыусыларының да матур итеп башҡортса һөйләшеүенә, милли ғөрөф-ғәҙәттәрҙе белеүенә ғорур­ланды, кисәнән рух, ғәм, сәм алып ҡайтты. Танылған ҡурайсы, Башҡортостандың халыҡ артисы, жюри рәйесе Айбулат Рәхмәтул­линдың конкурсанттарға ҡурай бүләк итеүе лә йәш быуынға башҡорт телен, мәҙәниәтен, рухиәтен, ғөрөф-ғәҙәттәрен, йолаларын ҡәҙерле мираҫ итеп һаҡлағыҙ тигән символик теләк төҫө алды. Һәр конкурсантҡа ҡала башҡорттары ҡоролтайы, “Урал” башҡорт халыҡ үҙәгенең Нефтекама филиалы, “Ағинәй”­ҙәр клубы тарафынан бүләктәр һәм дипломдар тапшырылды.
Ярыштың һөҙөмтәләре буйынса Роза менән Айрат Хөснул­линдар ғаиләһе Гран-приға лайыҡ булды, ә Рита һәм Альберт Алсынбаевтар ғаләһе I урынды яуланы.

З. АҘНАБАЕВА,
“Урал” башҡорт халыҡ үҙәгенең Нефтекама филиалы етәксеһе;
Л. ЗИННӘТУЛЛИНА,
филология фәндәре кандидаты.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Бабичҡа һәйкәл ҡуйыласаҡ

Бабичҡа һәйкәл ҡуйыласаҡ 22.03.2019 // Ҡоролтай тауышы

Ошо хаҡта белдерҙе Бөтә донъя башҡорттары ҡоролтайы Башҡарма комитеты рәйесе Данир Ғәйнуллин....

Тотош уҡырға 435

Халыҡҡа яҡын булырға тейеш

Халыҡҡа яҡын булырға тейеш 22.03.2019 // Ҡоролтай тауышы

Өфөлә "Торатау" конгресс-холында уҙған "Берҙәмлек. Гражданлыҡ. Илһөйәрлек" форумы дауам итә....

Тотош уҡырға 372

Тәҡдимеңде ебәр ҙә ҡоролтайға саҡырыу ал!

Тәҡдимеңде ебәр ҙә ҡоролтайға саҡырыу ал! 15.03.2019 // Ҡоролтай тауышы

Бөтә донъя башҡорттары ҡоролтайы (конгресы) башҡорт халҡын үҫтереү стратегияһының иң яҡшы...

Тотош уҡырға 232

Салауатты данлайбыҙ

Салауатты данлайбыҙ 22.02.2019 // Ҡоролтай тауышы

Красноуфимск башҡорттары был сараны ойоштороу хыялы менән Салауат Юлаев хаҡында Рәсәй...

Тотош уҡырға 1 135

Аҡмал эпосты өс телдә белә

Аҡмал эпосты өс телдә белә 12.02.2019 // Ҡоролтай тауышы

Силәбе өлкәһенең төрлө райондарында йәшәгән башҡорт ҡатын-ҡыҙҙары, “Ағинәйҙәр” йәмәғәт ойошмаһына...

Тотош уҡырға 296

“Аманат”тан ҡалыр аманат!

“Аманат”тан ҡалыр аманат! 01.02.2019 // Ҡоролтай тауышы

Тыуған иленән ситтә йәшәгәндәр өсөн милли рух, йәнтөйәккә ҡарата һөйөү, ғорурлыҡ сифаттары хас....

Тотош уҡырға 327

Әйтер һүҙҙәре бар.  Ишетергә генә кәрәк
Тамырҙарым — тыуған еремдә

Тамырҙарым — тыуған еремдә 18.01.2019 // Ҡоролтай тауышы

“Башҡортостан! Уйсан тауҙар иле! Сал тарихы аҡыл иңләмәҫ....

Тотош уҡырға 299

Әйтер һүҙеңде әйтеп ҡал!

Әйтер һүҙеңде әйтеп ҡал! 16.01.2019 // Ҡоролтай тауышы

20-30 йылдан башҡорттоң тормошо нисек үҙгәрер? Демография хәле нисек булыр ҙа, башҡорт телендә...

Тотош уҡырға 385

Башҡорт теле һанлаштырыуға мохтаж

Башҡорт теле һанлаштырыуға мохтаж 30.12.2018 // Ҡоролтай тауышы

Бөтә донъя башҡорттары ҡоролтайының Башҡарма комитеты тарафынан һанлаштырыу буйынса белгестәр...

Тотош уҡырға 326

“Йөрәк һүҙем һиңә, Башҡортостан!”

“Йөрәк һүҙем һиңә, Башҡортостан!” 26.11.2018 // Ҡоролтай тауышы

Сибай ҡалаһының 6-сы мәктәбендә Башҡортостан Республикаһының 100 йыллығына арнап, “Йөрәк һүҙем...

Тотош уҡырға 393

Һәр телмәрҙә – Ватансылыҡ тойғоһо

Һәр телмәрҙә – Ватансылыҡ тойғоһо 23.11.2018 // Ҡоролтай тауышы

БДУ-ның Стәрлетамаҡ филиалында “Рәсәйҙә федерализм тарихы. Автономиялы Башҡортостан Республикаһының...

Тотош уҡырға 441