Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Хажиәнең хаҡ ғәмәле
Китап – белем шишмәһе тигән әйтем бер ҡасан да үҙ көсөн юғалтмай. Заман ниндәй генә алдынғы технологиялар менән хайран ҡалдырмаһын, әҙәм балаһы нәфис әҙәбиәткә, һүҙ ҡөҙрәтенә ихтыяж кисереп йәшәй. Салауат ҡалаһынан хажиә Зәйтүнә Көҫәпованың ижадына арналған осрашыуҙа ҡатнашыусылар был ышанысты тағы ла нығытты.

“Йөрәк һүҙе” тип аталды был сара. Зәйтүнә Көҫәпованың “Донъялыҡта изгелек ҡылайыҡ”, “Мин яҙмышымды үҙгәрттем” тип аталған китаптарының исем туйы шулай һүҙ көсөн баһала­ғандарҙы бер ҡорға йыйҙы. Ҡалалағы 2-се үҫмерҙәр китапханаһы мөдире Гөлнара Янышеваның башланғысы, тәҡдиме буйынса башҡарылды был изге эш. Ул, әйтеүҙәренсә, ошондай сараларҙы йыш үткәреп, китап һөйөүселәрҙе аралаштырып йәшәтә, күңелдәренә рух өҫтәүҙе, әҙәбиәт менән бәйләнеште өҙмәүҙәрен хәстәрләүҙе төп бурыстарының береһе итеп күрә.

– Зәйтүнә апайҙың китаптары менән танышҡас, олуғ Мостай Кәримдең “Күкрәгемдән ҡоштар осорам” тигән шиғыры иҫкә төштө, – тине осрашыуҙа Гөлнара Фәтих ҡыҙы. – Изге күңелле, хәстәрлекле, халҡының мәнфәғәт­тәрен ҡайғыртҡан Зәйтүнә апай ҙа “күкрәгенән ҡоштар осороп” ғүмер итә: яҡшылыҡ, нур өләшеп, иманға әйҙәп йәшәй. Әлеге китаптарында ла – тәрән фекер, оло фәһем һәм һабаҡ. Тормош тәжрибәһе, һүҙ көсө аша дөрөҫ йәшәргә, хаҡ юлға әйҙәй хажиә.

Зәйтүнә Көҫәпова үҙе әйтеүенсә, был китаптар оҙаҡ йылдар дауамында әҙерләнгән, уларға бөтөн күңел кисерештәре һалынған. Дин, әҙәп, әхлаҡ темалары менән бергә һаулыҡ, иҡтисад мәсьәләләре лә күтәрелгән. Һәр яҙма фәһемле: ҡәрҙәштәребеҙҙе изгелекле, шәфҡәтле булырға өйрәтә, сәләмәт йәшәүгә әйҙәй. Барыһынан да илһөйәрлек рухы бөркөлөп тора.

Китаптарҙың исем туйы шул ҡәҙәр йәнле барҙы, унда ҡатнашҡан һәр кем авторға изге теләктәрен еткерҙе, ижады, әүҙем тормош алып барғаны, динебеҙ буйынса белгәндәрен йомарт өләшкәне өсөн рәхмәт әйтте.

– Ошолай гелән яҡшы яңылыҡтар, күркәм ғәмәлдәр айҡанлы осрашырға яҙһын, – тине хажиә. – Туплаған ғилемебеҙҙе бүлешеп, тормош тәжрибәһен уртаҡлашып, фекер алышып, берҙәм йәшәйек!




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Донъя именлеге ниҙән башлана?

Донъя именлеге ниҙән башлана? 29.03.2019 // Иман

Бер хикмәттә, ололарҙың ғүмерен иғтибар, уларҙың кәңәштәрен тыңлай белеү оҙонайта, тиелгән. Бөгөнгө...

Тотош уҡырға 263

Юлға фатиха бирер

Юлға фатиха бирер 29.03.2019 // Иман

Мәсетле районының имам-мөхтәсибе Азамат Вәлиев битараф булмаған замандаштарыбыҙҙан изге эштә ярҙам...

Тотош уҡырға 226

Апрелдең изге кистәре

Апрелдең изге кистәре 29.03.2019 // Иман

Быйылғы апрель мосолман календары буйынса рәжәб һәм шәғбанға тура килә. Ә был айҙар, мәғлүм ки, иң...

Тотош уҡырға 351

Гүзәл затты хәстәрләмәһәк...

Гүзәл затты хәстәрләмәһәк... 01.03.2019 // Иман

Яҙ башында дәүләт тарафынан ҡабул ителгән иң матур байрамдарҙың береһе – 8 Март. Йәшәйештең нигеҙе,...

Тотош уҡырға 336

Ниндәй бүләк бирергә?

Ниндәй бүләк бирергә? 01.03.2019 // Иман

Ир-ат ҡатын-ҡыҙҙы байрамда матур бүләктәр менән һөйөндөрөргә тырыша. Исламда быға ниндәй ҡараш?...

Тотош уҡырға 857

Рәжәбтә ни сәсһәң,  Рамаҙанда шуны урырһың

Рәжәбтә ни сәсһәң, Рамаҙанда шуны урырһың 01.03.2019 // Иман

Мосолман календары буйынса 1440 йылдың яртыһы ла үтеп бара. Йома, 8 март, етенсе ай рәжәбтең...

Тотош уҡырға 464

“Тупһа”ғыҙ ныҡ булһын

“Тупһа”ғыҙ ныҡ булһын 08.02.2019 // Иман

Тупһа – йорттоң көҙгөһө. Ошоға бәйле хикмәтте иҫкә төшөрәйек....

Тотош уҡырға 449

Көнсөллөк нимәгә килтерә?

Көнсөллөк нимәгә килтерә? 08.02.2019 // Иман

Һәр әҙәм балаһы донъяла үҙенең көсө еткәнде эшләй. Ә инде төрлө ихтыяждарҙы ҡәнәғәтләндереү – Аллаһ...

Тотош уҡырға 541

Ҡөрьән – оло фән

Ҡөрьән – оло фән 08.02.2019 // Иман

Бөгөн – Рәсәй фәне көнө. Ошо уңайҙан мосолман донъяһында ғилемдең тотҡан урыны хаҡында иҫкә алып...

Тотош уҡырға 409

Матур кейенһен, биҙәнһен...

Матур кейенһен, биҙәнһен... 08.02.2019 // Иман

Әл-хәмдү лил-ләһ, мосолман ҡатын-ҡыҙы кейеме йылдан-йыл күркәмләнә, зауыҡлыраҡ, сағыуыраҡ була...

Тотош уҡырға 391

Һөнәрле ҡулында ҡот уйнай

Һөнәрле ҡулында ҡот уйнай 08.02.2019 // Иман

Үҙ көстәре менән ике ҡатлы ҙур йорт һалып, уңайлы шарттарҙа алты бала тәрбиәләгән, дини ҡанундарҙы...

Тотош уҡырға 330

Иргә ниҙәр тыйыла?

Иргә ниҙәр тыйыла? 01.02.2019 // Иман

Пәйғәмбәребеҙ Мөхәммәт ғәләйһис-сәләм мосолман ирҙәрҙе алтын-көмөш менән мауығып китеүҙән тыйған....

Тотош уҡырға 602