Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ислам матурлыҡты ярата
– Ауылыбыҙ мәсетендәге йәш имам-хатиптың ҡатыны, иренә эйәреп, күптән түгел дин юлына баҫты. Тик ул, минеңсә, мосолманлыҡты матур кейемдә генә күрә. Һөйләгәне “күлдәк тектерҙем, яулыҡ алдым, шунда шул әйбер һатыла...” кеүек хәбәрҙәрҙән үтмәй. Ялғанлыҡ була түгелме был, Нурмөхәмәт хәҙрәт?
М. ХӘКИМОВА.
Көйөргәҙе районы.

Башҡортостан мосолманда­ры­ның Диниә назараты рәйесе мөф­төй Нурмөхәмәт хәҙрәт НИҒМӘТУЛЛИН:
– Бисмилләһир-рахмәнир-рахим!
Яуапты динебеҙ тарихынан башлайыҡ. Пәйғәмбәребеҙ Мөхәм­мәт ғәләйһис-сәләм Йәмәнгә үҙенең вәкиле итеп ебәргән Әбү Муса әл Әшәригә эште “Лә Иләһә Илләһ-лаһ!”тан башларға ҡуша. Әммә ғәмәлдең күпме ваҡыт алырын билдәләмәй. Был саҡырыуҙың Ҡөрьән тәғлимәте буйынса, йәғни күркәм вәғәз, ипле, мәғәнәле, ихлас һүҙ аша, башҡарылырға тейешлеген әйтә. Мәғлүм ки, тап шул рәүешле генә әҙәм балаһының күңелен яуларға мөмкин.
Саҡырыуҙы ҡабул иткән кешеләрҙе артабан намаҙға өйрәтергә ҡуша Мөхәммәт ғәләйһис-сәләм. Был эште атҡарып сығыуға ла ваҡыт ҡуймай. Унан инде кешеләргә ураҙаны, зәҡәтте һәм башҡа төшөнсәләрҙе өйрәтергә ҡуша. Береһенә лә ниндәйҙер сик, тәғәйен осор билдәләнмәй.
Ошонан күренеүенсә, хөрмәтле ҡәрҙәштәр, дин юлына тиҙ арала баҫыу мөмкин түгел. Уны күңелең менән ҡабул итеү мөһим. Аңға барыһы ла яйлап һалына. Мәғлүм ки, Исламда көсләү юҡ. Әгәр ҙә бәғзе берәүҙе иркенән тыш, рухи яҡтан әҙерлекһеҙ килеш дин юлына баҫтырырға тырышһаң, уның “кәртәләрҙе емереп” ҡасыуы ихтимал. Шуға ла был йәһәттән бик һаҡ, кешенең уй-кисерештәренә ҡарата иғтибарлы, ихтирамлы булыу зарур. Алда әйтелгәнсә, барыһы ла күркәм вәғәзгә, яҡшы һүҙгә, ваҡытҡа бәйле. Ашыҡҡан ашҡа бешкән тигән аҡылды оноторға ярамай.
Йәмғиәтебеҙҙә ҡабаланыу, һөҙөмтәне тиҙ күрергә ынтылыу осраҡтары булып тора. Әлеге һорауҙа ла тойола был. Ҡәрҙәшебеҙ дин юлына яңы аяҡ баҫҡан йәш ҡатынға дәғүә белдерергә теләй кеүек. Арабыҙҙан йәнә берәү Исламға яҡынайған икән, иң тәүҙә “Әл-хәмдү лил-ләһ, сөбханаллаһ!” тип әйтәйек, хөрмәтле йәмәғәт. Тота килеп ғәйеп өйә башламайыҡ, яҡшы яҡты күрәйек. Әҙәм балалары бит бер-береһенә оҡшамаған, был дингә килеүҙә лә сағылыш таба. Әлеге йәш ҡатын өсөн был юл кейемдән башланғандыр. Ул, мосолман гүзәл затының үҙен ҡарап, матур ҡиәфәттә йөрөргә тейешлегенә, Исламда ҡатын-ҡыҙ хаҡы юғары икәненә төшөнгәс, иншаллаһ, артабан үҫешкә ынтылыр, динебеҙҙең башҡа ғәмәлдәрен үтәргә тотонор. Был йәһәттән, әлбиттә ки, уратып алған мөхиттең, яныңдағы кешеләрҙең йоғонтоһо ҙур. Ә әлеге ҡатындың ире имам-хатип икән, тимәк, үҫеш оҙаҡ көттөрмәҫ.
Ғөмүмән, барлыҡ ғаиләләрҙәге кеүек үк, хаҡ юлдағы ирҙең төп терәге – ҡатыны. Ул һәр яҡлап таяныс булғанда ғына йәмәғәтенең эше алға ыңғайлар. Урында дини тәрбиә алып барыу өсөн яуаплы имам-хатиптың ҡатынына был йәһәттән айырыуса ҙур бурыс йөкмәтелгән. Уның тормошона, йәшәү ҡағиҙәләренә ҡарап, халыҡтың Исламда гүзәл заттың баһаһы хаҡында төрлө фекергә килеүе ихтимал. Мәҫәлән, имамдың ҡатыны мосолманса кейенмәй, тупһаһы таҙа түгел икән, башҡалар ни уйлаясаҡ? Улар мәсеттә һөйләнгән хөтбәләрҙе ысын күңелдән ышанып ҡабул итерме? Һөҙөмтәлә имам халыҡты үҙ артынан эйәртә алырмы, абруй ҡаҙанырмы?
Эйе, динебеҙ үҫешендә төп таяныс – көслө зат. Уларға иһә ҡатын-ҡыҙ һәр яҡлап терәк булырға тейеш. Яҡты йөҙ, яҡшы һүҙ, аҡыллы кәңәш, йылы өй, тәрбиәле балалар... Был теҙмәгә матурлыҡты ла индермәү мөмкин түгел. Ҡатын-ҡыҙҙың гүзәллеге, ҡупшылығы, ыҫпайлығы ғәйәт ҙур әһәмиәткә эйә. Шуға ла әгәр ҙә ки араларынан кемдер Исламға юлды килешле күлдәк тектереүҙән, яулыҡ алыуҙан башлаған икән, һөйөнәйек, йәмәғәт. Динебеҙ матурлыҡты ярата. Алда әйтелгәнсә, әлеге ҡәрҙәшебеҙ тора-бара Исламдың төп ғәмәл-ғибәҙәттәрен дә үтәй башлар, иншаллаһ.
Раббыбыҙ биргән барлыҡ ниғмәттәрҙең, ваҡыттың ҡәҙерен белеп, бер-беребеҙгә ихтирам-хөрмәт күрһәтеп, яҡшылыҡты баһалап йәшәйек, хөрмәтле ҡәрҙәштәр. Әс-сәләмү-ғәләйкүм үә рәхмәтул-лаһи үә бәрәкәтүһ! Амин.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Донъя именлеге ниҙән башлана?

Донъя именлеге ниҙән башлана? 29.03.2019 // Иман

Бер хикмәттә, ололарҙың ғүмерен иғтибар, уларҙың кәңәштәрен тыңлай белеү оҙонайта, тиелгән. Бөгөнгө...

Тотош уҡырға 294

Юлға фатиха бирер

Юлға фатиха бирер 29.03.2019 // Иман

Мәсетле районының имам-мөхтәсибе Азамат Вәлиев битараф булмаған замандаштарыбыҙҙан изге эштә ярҙам...

Тотош уҡырға 255

Апрелдең изге кистәре

Апрелдең изге кистәре 29.03.2019 // Иман

Быйылғы апрель мосолман календары буйынса рәжәб һәм шәғбанға тура килә. Ә был айҙар, мәғлүм ки, иң...

Тотош уҡырға 374

Гүзәл затты хәстәрләмәһәк...

Гүзәл затты хәстәрләмәһәк... 01.03.2019 // Иман

Яҙ башында дәүләт тарафынан ҡабул ителгән иң матур байрамдарҙың береһе – 8 Март. Йәшәйештең нигеҙе,...

Тотош уҡырға 356

Ниндәй бүләк бирергә?

Ниндәй бүләк бирергә? 01.03.2019 // Иман

Ир-ат ҡатын-ҡыҙҙы байрамда матур бүләктәр менән һөйөндөрөргә тырыша. Исламда быға ниндәй ҡараш?...

Тотош уҡырға 893

Рәжәбтә ни сәсһәң,  Рамаҙанда шуны урырһың

Рәжәбтә ни сәсһәң, Рамаҙанда шуны урырһың 01.03.2019 // Иман

Мосолман календары буйынса 1440 йылдың яртыһы ла үтеп бара. Йома, 8 март, етенсе ай рәжәбтең...

Тотош уҡырға 488

“Тупһа”ғыҙ ныҡ булһын

“Тупһа”ғыҙ ныҡ булһын 08.02.2019 // Иман

Тупһа – йорттоң көҙгөһө. Ошоға бәйле хикмәтте иҫкә төшөрәйек....

Тотош уҡырға 491

Көнсөллөк нимәгә килтерә?

Көнсөллөк нимәгә килтерә? 08.02.2019 // Иман

Һәр әҙәм балаһы донъяла үҙенең көсө еткәнде эшләй. Ә инде төрлө ихтыяждарҙы ҡәнәғәтләндереү – Аллаһ...

Тотош уҡырға 573

Ҡөрьән – оло фән

Ҡөрьән – оло фән 08.02.2019 // Иман

Бөгөн – Рәсәй фәне көнө. Ошо уңайҙан мосолман донъяһында ғилемдең тотҡан урыны хаҡында иҫкә алып...

Тотош уҡырға 440

Матур кейенһен, биҙәнһен...

Матур кейенһен, биҙәнһен... 08.02.2019 // Иман

Әл-хәмдү лил-ләһ, мосолман ҡатын-ҡыҙы кейеме йылдан-йыл күркәмләнә, зауыҡлыраҡ, сағыуыраҡ була...

Тотош уҡырға 420

Һөнәрле ҡулында ҡот уйнай

Һөнәрле ҡулында ҡот уйнай 08.02.2019 // Иман

Үҙ көстәре менән ике ҡатлы ҙур йорт һалып, уңайлы шарттарҙа алты бала тәрбиәләгән, дини ҡанундарҙы...

Тотош уҡырға 351

Иргә ниҙәр тыйыла?

Иргә ниҙәр тыйыла? 01.02.2019 // Иман

Пәйғәмбәребеҙ Мөхәммәт ғәләйһис-сәләм мосолман ирҙәрҙе алтын-көмөш менән мауығып китеүҙән тыйған....

Тотош уҡырға 622