Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ҡаранай Моратов урамын да мәсет биҙәр
Ҡаранай Моратов урамын да мәсет биҙәр Әл-хәмдү лил-ләһ, изге Рамаҙанға аяҡ баҫтыҡ. Был айҙа яҡты уй-хыялдар, теләктәр тормошҡа ашыр, гонаһтар ярлыҡаныр, иншаллаһ. Мәрхәмәтле, шәфҡәтле булайыҡ, бер-беребеҙгә яҡшы һүҙҙе йәлләмәйек, хөрмәтле ҡәрҙәштәр. Арабыҙҙа изгелек таратып йәшәгән кешеләргә лә йылы тойғоларҙы еткерергә ваҡыт табайыҡ. Мин үҙ сиратымда һеҙгә хөрмәтле ҡәрҙәшебеҙ Салауат хажи Яппаров тураһында һөйләмәксемен.

Ете йәшендә атайһыҙ ҡала ул. Бәләкәй булыуына ҡарамаҫтан, әсәһе, ике һеңлеһе өсөн ҙур терәк-таянысҡа әйләнә. Ауырлыҡтарға бирешмәй, йомшаҡ күңеллелеген, миһырбанлығын юғалтмай.
– Мөхәммәтсәлим олатайым диндар кеше булған, – тип һөйләне бер мәл Салауат хажи. – Ауылдаштарын Ислам ҡанундары буйынса йәшәргә әйҙәгән, доға ҡылырға өйрәткән. Әсәйемдең дә төнөн сүрәләр уҡығанын ишетеп үҫтем. Шул ваҡытта уҡ кешеләрҙе Аллаһҡа яҡынайтҡан изге йорт төҙөргә үҙемә һүҙ биргәйнем.
Ҡаранай Моратов урамын да мәсет биҙәрХыялын тормошҡа ашырыуға бөтөн көсөн һала Салауат Миҙхәт улы. Бөгөн ул төҙөткән иман йорттары Стәрлетамаҡ районының Бүреҡаҙған, Талас ауылдарын – әсәһе менән атаһы тыуған төйәктәрҙе – биҙәй. Халыҡтың ҡыуанысының сиге юҡ. Айырыуса аҡһаҡалдар Салауат хажиҙы маҡтап туймай.
– Беҙҙе бер ваҡытта ла онотмай, хәл белешеп тора, – тиҙәр. – Ауылдағы бер сара ла Салауаттың ҡатнашлығынан тыш үтмәй.
Әлеге мәсеттәрҙә теләге булған балаларға йәйгеһен Ислам нигеҙҙәре өйрәтелә. Салауат Миҙхәт улы төрлө тармаҡ хеҙмәткәрҙәрен саҡырып, улар менән йәш быуын вәкилдәре араһында фәһемле осрашыуҙар ойошторорға ла ваҡыт таба.
Диндар яҡташыбыҙ бер нисә йыл элек хаж ҡылды. Әйтеүенсә, сәфәрҙә сағында күңелендә күптән йөрөгән йәнә бер изге хыялын – Стәрлетамаҡ ҡалаһында “Мөхәм­мәт­сәлим” мәсетен төҙөүҙе – тормошҡа ашыра башларға ныҡлы ҡарар иткән. Һөҙөмтәлә Ҡаранай Моратов урамында яңы иман йортона нигеҙ ташы һалынды. Мәсетте төҙөй башлау уңайынан уҙғарылған тантанаға Бүреҡаҙған, Талас ауылдарының халҡы тотош тиерлек килеп, яҡташына изге теләктәрен еткерҙе, уңыш теләне, бар хәленсә ярҙам итергә вәғәҙә бирҙе.
– Аллаһ һәр саҡ беҙҙең менән, – ти Салауат Миҙхәт улы. –Күңелеңдә миһырбанлыҡ булһа, тормош асылын аңлап, яҡындарыңа, эргә-тирәңдәге кешеләргә изгелек өләшеп йәшәһәң, Раббыбыҙ, ысынлап та, бәрәкәтен бирә. Донъяға беребеҙ ҙә мәңгелеккә килмәгәнбеҙ. Ғүмерҙең ҡәҙерен белеп, матур йәшәргә тырышырға кәрәк.
Яҙмамдың һуңында фәһемле хикәйәтте иҫегеҙгә төшөрөп уҙайым. Бөйөк Сөләймән батша, ғүмере бөтөп барғанын тойоп, ғәскәр башлығын саҡыртып алған һәм аманатын әйткән. “Табутымды Ғосман империяһының иң яҡшы табиптары күтәреп барһын, – тигән. – Китеп барғанда ергә туҡтауһыҙ алтын аҡса, ҡиммәтле таштар һипһендәр. Шулай уҡ минең ҡулдарым табут ситенән һәленеп барһын, быны һәр кем күрһен”. Ғәскәр башлығы бындай талапты ишетеп, аптырауға ҡалған. Сәбәбен һорашҡас, солтан шулай тип яуап биргән: “Табутымды иң яҡшы табиптар күтәреп барғанын күргән халыҡ хатта уларҙың да үлем алдында көсһөҙ икәнлеген аңлаһын. Ергә һибелгән алтын аҡса, ҡиммәтле таштар иһә байлыҡтың фани донъяла ҡалғанын, уны үҙең менән алып китеү мөмкин түгеллеген төшөндөрөр. Табуттан һәленеп барған ҡулдарымды күреп, халыҡ хатта батшаның да баҡыйлыҡҡа буш, бер ниһеҙ юлланғанын белһен”.
Ысынлап та, барыһы ла ерҙә ҡала. Изге ғәмәлдәрҙе, яҡшылыҡты күберәк ҡылайыҡ, хөрмәтле ҡәрҙәштәр. Арабыҙҙа Салауат хажи Яппаров кеүектәр күберәк булһын, иншаллаһ.







Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Донъя именлеге ниҙән башлана?

Донъя именлеге ниҙән башлана? 29.03.2019 // Иман

Бер хикмәттә, ололарҙың ғүмерен иғтибар, уларҙың кәңәштәрен тыңлай белеү оҙонайта, тиелгән. Бөгөнгө...

Тотош уҡырға 195

Юлға фатиха бирер

Юлға фатиха бирер 29.03.2019 // Иман

Мәсетле районының имам-мөхтәсибе Азамат Вәлиев битараф булмаған замандаштарыбыҙҙан изге эштә ярҙам...

Тотош уҡырға 177

Апрелдең изге кистәре

Апрелдең изге кистәре 29.03.2019 // Иман

Быйылғы апрель мосолман календары буйынса рәжәб һәм шәғбанға тура килә. Ә был айҙар, мәғлүм ки, иң...

Тотош уҡырға 291

Гүзәл затты хәстәрләмәһәк...

Гүзәл затты хәстәрләмәһәк... 01.03.2019 // Иман

Яҙ башында дәүләт тарафынан ҡабул ителгән иң матур байрамдарҙың береһе – 8 Март. Йәшәйештең нигеҙе,...

Тотош уҡырға 290

Ниндәй бүләк бирергә?

Ниндәй бүләк бирергә? 01.03.2019 // Иман

Ир-ат ҡатын-ҡыҙҙы байрамда матур бүләктәр менән һөйөндөрөргә тырыша. Исламда быға ниндәй ҡараш?...

Тотош уҡырға 791

Рәжәбтә ни сәсһәң,  Рамаҙанда шуны урырһың

Рәжәбтә ни сәсһәң, Рамаҙанда шуны урырһың 01.03.2019 // Иман

Мосолман календары буйынса 1440 йылдың яртыһы ла үтеп бара. Йома, 8 март, етенсе ай рәжәбтең...

Тотош уҡырға 386

“Тупһа”ғыҙ ныҡ булһын

“Тупһа”ғыҙ ныҡ булһын 08.02.2019 // Иман

Тупһа – йорттоң көҙгөһө. Ошоға бәйле хикмәтте иҫкә төшөрәйек....

Тотош уҡырға 382

Көнсөллөк нимәгә килтерә?

Көнсөллөк нимәгә килтерә? 08.02.2019 // Иман

Һәр әҙәм балаһы донъяла үҙенең көсө еткәнде эшләй. Ә инде төрлө ихтыяждарҙы ҡәнәғәтләндереү – Аллаһ...

Тотош уҡырға 474

Ҡөрьән – оло фән

Ҡөрьән – оло фән 08.02.2019 // Иман

Бөгөн – Рәсәй фәне көнө. Ошо уңайҙан мосолман донъяһында ғилемдең тотҡан урыны хаҡында иҫкә алып...

Тотош уҡырға 335

Матур кейенһен, биҙәнһен...

Матур кейенһен, биҙәнһен... 08.02.2019 // Иман

Әл-хәмдү лил-ләһ, мосолман ҡатын-ҡыҙы кейеме йылдан-йыл күркәмләнә, зауыҡлыраҡ, сағыуыраҡ була...

Тотош уҡырға 323

Һөнәрле ҡулында ҡот уйнай

Һөнәрле ҡулында ҡот уйнай 08.02.2019 // Иман

Үҙ көстәре менән ике ҡатлы ҙур йорт һалып, уңайлы шарттарҙа алты бала тәрбиәләгән, дини ҡанундарҙы...

Тотош уҡырға 283

Иргә ниҙәр тыйыла?

Иргә ниҙәр тыйыла? 01.02.2019 // Иман

Пәйғәмбәребеҙ Мөхәммәт ғәләйһис-сәләм мосолман ирҙәрҙе алтын-көмөш менән мауығып китеүҙән тыйған....

Тотош уҡырға 538