Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » “Ун туғыҙ йәштә –миллионер”

Уңышҡа алты аҙым

Азат Вәлиев 16 йәшендә үҙенең тәүге эшен аса, ә 19 йәшендә айлыҡ килеме миллион һум тәшкил итә. Егет 20 йәшендә беренсе китабын яҙа. Ул Мәскәү, Санкт-Петербург кеүек ҡалаларҙа үткән ҙур-ҙур бизнес-конференцияларҙа сығыш яһай, үҙенең тренинг семинарҙарын һәм курстарын үткәрә, яңы китаптары уҡыусылар араһында киң билдәлелек яулай.

Азатта тәүге тапҡыр аҡса эшләү теләге 16 йәшендә яралған. Уңышҡа юл еңелдән булмай, әммә ныҡыш егет юғары үрҙәргә һуҡмаҡ һалыуын дауам итә. Бәлиғ булмағанға уны береһе лә эшкә алырға теләмәгәс, Азатта үҙ шөғөлөн асыу теләге уяна. Өйҙәге иҫке генә компьютерында ул Интернет аша аҡса эшләү мөмкинлектәре хаҡында мәғлүмәт туплай башлай. Америка миллионеры Терри Диндың инглиз телендәге китабына юлыҡҡансы, егет күп тапҡыр бар аҡсаһын юғалта, әллә нисә тапҡыр хаталана. Инглиз телен аңламау өҫтөнә, егеттең китапты һатып алырға ун доллар аҡсаһы ла булмай, уны Америкаға ҡайһылайтып күсерергә лә белмәй. Бер аҙ уйланғандан һуң, йәш егеттең башында елле фекер ярала: әллә ниндәй миллионер үҙ китабын һата, уны һатып алырға теләүселәр табыла икән, Азатҡа Интернет селтәрендә электрон китаптар һатыу өсөн нимә ҡамасаулай? Шул ваҡыттан алып егет ошо йүнәлештә эшләй башлай.

“Әлеге көндә ете даирәлә эшҡыуарлыҡ менән шөғөлләнәм. Улар барыһы ла миңә бер туҡтауһыҙ килем килтерә. Күп тармаҡлы бизнес булыуы бик яҡшы. Был минең йәшәү фәлсәфәмә әүерелде”, – ти ул.

Азатты күп аҡса эшләргә сәйәхәт этәрә. Бөгөн егет өсөн сәфәр был донъялағы төп өҫтөнлөк һәм иң мөһим маҡсат булып тора. Яңы ҡалалар һәм илдәрҙе күрер өсөн йылдың һәр миҙгелендә юлға сығырға әҙер Азат. Сәйәхәт өсөн ул бер тинен дә йәлләмәй.

Хәҙер эшҡыуарға егерме ете йәш. “Ун бер йыл эсендә шуны төшөндөм, – ти ул, – уңыш нигеҙе беҙҙең нисек фекер йөрөтөүебеҙгә бәйле. Был уй ҡапыл яралманы. Оҙаҡ ваҡыт уңышлы кешеләрҙе күҙәтеп йөрөнөм һәм шуны аңланым: уларҙың төрлө булыуына ҡарамаҫтан, был кешеләрҙе ниндәйҙер уртаҡ йүнәлеш берләштерә... Башта барыһы ла эшҡыуарлыҡ ҡоралдарынан, йәғни бизнес алып барыу тәртибен белгәндән, финанс серҙәренән киләлер тип уйланым. Аҙаҡ уларҙы берләштергән системаның дөрөҫ фекер йөрөтөү икәненә инандым”.

Юғары белемгә ҡарата ла Азаттың үҙ фекере бар. Ул үҙе һөнәри-педагогия колледжын ҡыҙыл дипломға тамамлай, һәм белеме йәмғиәт менән аралашырға ярҙам итә тип һанай. Бының өсөн биш йыл сарыф итеү ҡиммәткә төшә, шул уҡ тәжрибәне ябай юл менән дә алып була, ә юғары белем кешегә медицина, хәрби өлкә, юриспруденция йүнәлештәрендә генә кәрәк, тигән фекерҙә Азат.

Һуңғы йылдарҙа Азаттың “Һатып ал-һат: Интернет селтәрендә тауар һатыу нигеҙендә нисек миллион һум аҡса эшләргә?”, “Миллион һумға мәғлүмәт бизнесы. Йәки нисек аҡсаны һауанан алырға?” исемле китаптары донъя күрә. Күптән түгел Азат “Минең мейем – миллионер. Аҡсалы фекер йөрөтөү формулаһы” тигән яңы әҫәрен тамамлай, унда миллионер һымаҡ фекер йөрөтөүҙең алты аҙымы хаҡында һүҙ бара.

Эшҡыуарлыҡҡа ынтылғандар өсөн Азаттың кәңәштәре төплө. “Беренсе сиратта үҙ тауарыңды табырға кәрәк. Беҙҙең заманда бизнес өлкәһендә клиенттарығыҙға ниндәй тауар һатыуығыҙ бик мөһим. Сифатһыҙ әйбер тәҡдим итергә ярамай – тиҙ арала фашланып, ярыҡ кәритә янында ултырып ҡала­саҡһығыҙ. Икенсенән, һеҙгә текә маркетинг кәрәк. Ниңәлер күп бизнесмендарҙың уны өйрәнергә теләге юҡ. Ә тап маркетинг клиенттар йәлеп итеү өсөн төп сара булып тора. Эйе, тауарығыҙ сифатһыҙ булған хәлдә лә, яҡшы рекламаға алданып, клиент һеҙҙән һатып аласаҡ, әммә был алым бер тапҡыр ғына эшләй. Шуға күрә үҙ сығыштарымда гел “Текә тауар һәм текә маркетинг барыһын да хәл итә!” тип ҡабатлайым. Өсөнсөнән, һеҙгә реклама кәрәк. Әгәр ҙә, клиенттар үҙҙәренән-үҙе килеп ҡаба, тип уйлайһығыҙ икән, хаталанаһығыҙ”, – ти эшҡыуар.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Халыҡ һорай, тимәк, кәрәк

Халыҡ һорай, тимәк, кәрәк 30.03.2019 // Эшҡыуар

Хәҙер магазин кәштәләре һөт ризыҡтарынан һығылып тора. Ниндәйе генә юҡ уларҙың: ситтән...

Тотош уҡырға 207

Көмөш йөҙөк – ҡул күрке, оҫта – донъя тотҡаһы
Беҙ һыната торғандарҙан түгел...

Беҙ һыната торғандарҙан түгел... 19.03.2019 // Эшҡыуар

Республикала крәҫтиән (фермер) хужалыҡтарын үҫтереү маҡсатында байтаҡ эш башҡарыла. Әленән-әле был...

Тотош уҡырға 399

Буҙаны сит тарафтарҙа танытырға теләй

Буҙаны сит тарафтарҙа танытырға теләй 03.03.2019 // Эшҡыуар

Сибай ҡалаһынан йәш әсә Гөлназ Азатова милли эсемлектәребеҙҙең береһен етештерә....

Тотош уҡырға 505

Кәңәшле эш тарҡалмаҫ

Кәңәшле эш тарҡалмаҫ 28.02.2019 // Эшҡыуар

Башҡортостан Башлығы вазифаһын ваҡытлыса башҡарыусы Радий Хәбиров бөгөн Өфөләге “Торатау”...

Тотош уҡырға 219

Төньяҡ-көнсығыш  нисек йәшәй?

Төньяҡ-көнсығыш нисек йәшәй? 26.02.2019 // Эшҡыуар

Дыуан районында Башҡортостандың төньяҡ-көнсығышында бәләкәй һәм урта эшҡыуарлыҡты, хужалыҡ итеүҙең...

Тотош уҡырға 199

Ҡаҙмаш сәйе һатыуға сыға
Баҫыу-баҫыу еләк-емеше  емерелеп уңа...

Баҫыу-баҫыу еләк-емеше емерелеп уңа... 20.02.2019 // Эшҡыуар

Шаран фермеры баш ҡала баҙарын да яулаған....

Тотош уҡырға 507

Әбеш һөтө хәҙер яңғыҙ түгел

Әбеш һөтө хәҙер яңғыҙ түгел 16.02.2019 // Эшҡыуар

Һуңғы йылдарҙа экологик яҡтан таҙа, сифатлы аҙыҡ-түлеккә иғтибар артты. Ошоға бәйле ауыл йүнселдәре...

Тотош уҡырға 698

Хәйбулла билмәне Өфөгә лә етер

Хәйбулла билмәне Өфөгә лә етер 30.01.2019 // Эшҡыуар

Билмән, итле, кәбеҫтәле мантылар, ҡаҙы, тултырма, бишбармаҡ, туҡмас – барыһын да үҙҙәре әҙерләп...

Тотош уҡырға 740

Ағас ене ҡағылған егет

Ағас ене ҡағылған егет 23.01.2019 // Эшҡыуар

Туғандар ҡеүәтләһә, юлың уңа....

Тотош уҡырға 1 485

Эше барҙың ашы бар,  йәшәү өсөн дәрте бар

Эше барҙың ашы бар, йәшәү өсөн дәрте бар 11.01.2019 // Эшҡыуар

Был һүҙҙәрҙең хаҡлы булыуы Үзбәковтар миҫалында асыҡ күренә....

Тотош уҡырға 519