Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Иренмәгәндәр ашарға тилмермәй
Иренмәгәндәр ашарға тилмермәйБеҙ барғанда эшҡыуар Зәбир Фәйзуллин Ауырғазы районының Төрөмбәт ауылы эргәһендә үтәсәк “Өршәк буйы уйындары” байрамына әҙерлек менән мәшғүл ине. Спортсыларҙы туплау, транспорт менән тәьмин итеү бурысын уның яуаплылығына тапшырғандар.

– Зәбир Рим улына ярҙам һорап йыш мөрәжәғәт итәбеҙ. Өфө, Стәрле­тамаҡ кеүек ҡалаларға концерт ҡуйырға сыҡҡан мәлдәрҙә лә ул беҙҙе транспорт менән тәьмин итә. Спортсылар ҙа уның ярҙамында ярыштарға йөрөй. Үҙе лә төрлө спорт бәйгеләре ойоштора. “Һаумыһығыҙ, ауылдаштар!” ише ҙур сараларҙы уҙғарғанда ла төп көс уға төшә, ойоштороу мәшәҡәттәрен үҙ иңенә ала. Ғөмүмән, Ибрай ауылы халҡы шундай дәртле, янып, ут сәсрәтеп йәшәй, – тине Әлшәй районы хакимиәтенең мәҙәниәт бүлеге етәксеһе Мирғәсим Әкимбәтов.
Раевкала йәшәгән Зәбир Рим улының нәҫел тамырҙары ла ошо ауылға барып тоташа. Егет менән яҡындан танышҡас, Ибрайҙа эшлекле, йүнсел, төплө уйлы кешеләр йәшәй тигән фекерҙең буштан әйтелмәгәнен аңланыҡ.
Зәбир ҙә бала сағынан спорт һөйөп үҫә. Һыбай йөрөргә ярата, көрәш менән шөғөлләнә, башҡа спорт төрҙәрендә лә һынатмай. Ул мәктәпте тамамлағас, Өфө автотранспорт техникумына юллана.
Армияла саҡта уға Төньяҡ Кавказда конституцион тәртип урынлаштырыуҙа ҡатнашырға тура килә. Хәрби хәрәкәт ветераны тыуған еренә ҡайтҡас, үҙе кеүек “ҡыҙыу нөктә”лә хеҙмәт иткән­дәрҙең яҙмышына битараф ҡала алмай. Шуға ла 2001 йылдан бирле райондың “Чечен Республикаһындағы локаль конфликт һәм хәрби хәрәкәт ветерандары союзы” йәмәғәт ойошмаһына етәкселек итә.
Хеҙмәт юлын “Яңы Раевка” сов­хозының үҙәк бүлексәһендә газ хеҙ­мәте мастеры вазифаһында башлай. Шул уҡ ваҡытта ситтән тороп Башҡорт дәүләт аграр университетында белем ала. Бер аҙҙан һуң тәүәккәл егет үҙенең такси хеҙмәтен асырға йөрьәт итә. Ауырлыҡтар йыш осраһа ла, Зәбир юғалып ҡалғандарҙан түгел. Тырыш хеҙмәте арҡаһында 2006 йылда үҙенең пассажирҙар ташыу предприятиеһын асыуға өлгәшә.
Тығыҙ эш көнөнөң һәр минуты иҫәпле булһа ла, Зәбир Фәйзуллин спортҡа ла ваҡыт таба. Әле ул йәмәғәт башланғысында Физкультура-һауыҡ­тырыу үҙәгендә ололар өсөн көрәш секцияһын алып бара. Уның етәкселе­гендә шөғөлләнгән Алмас Йәнекәев, Айтуған Әхмәтов, Вәкил Йәнекәев кеүек спортсылар республикала көслөләрҙән иҫәпләнә, йыш ҡына еңеү яулай.
Зәбир тормош юлдашы Валентина Александровна менән ун биш йыл татыу донъя көтә. Ҡатыны иренең туған телендә – башҡортса ихлас аралаша. Күркәм ғаиләлә ике ҡыҙ һәм бер ул тәрбиәләнә.
– Киләсәккә пландар күп. Әле яңы проекттар өҫтөндә эшләйем. Иренмә­һәң, эшҡыуар булараҡ, уңышҡа өлгәшергә була, – ти Зәбир Рим улы.

Әлшәй районы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Халыҡ һорай, тимәк, кәрәк

Халыҡ һорай, тимәк, кәрәк 30.03.2019 // Эшҡыуар

Хәҙер магазин кәштәләре һөт ризыҡтарынан һығылып тора. Ниндәйе генә юҡ уларҙың: ситтән...

Тотош уҡырға 1 278

Көмөш йөҙөк – ҡул күрке, оҫта – донъя тотҡаһы
Беҙ һыната торғандарҙан түгел...

Беҙ һыната торғандарҙан түгел... 19.03.2019 // Эшҡыуар

Республикала крәҫтиән (фермер) хужалыҡтарын үҫтереү маҡсатында байтаҡ эш башҡарыла. Әленән-әле был...

Тотош уҡырға 1 509

Буҙаны сит тарафтарҙа танытырға теләй

Буҙаны сит тарафтарҙа танытырға теләй 03.03.2019 // Эшҡыуар

Сибай ҡалаһынан йәш әсә Гөлназ Азатова милли эсемлектәребеҙҙең береһен етештерә....

Тотош уҡырға 1 415

Кәңәшле эш тарҡалмаҫ

Кәңәшле эш тарҡалмаҫ 28.02.2019 // Эшҡыуар

Башҡортостан Башлығы вазифаһын ваҡытлыса башҡарыусы Радий Хәбиров бөгөн Өфөләге “Торатау”...

Тотош уҡырға 1 176

Төньяҡ-көнсығыш  нисек йәшәй?

Төньяҡ-көнсығыш нисек йәшәй? 26.02.2019 // Эшҡыуар

Дыуан районында Башҡортостандың төньяҡ-көнсығышында бәләкәй һәм урта эшҡыуарлыҡты, хужалыҡ итеүҙең...

Тотош уҡырға 1 022

Ҡаҙмаш сәйе һатыуға сыға
Баҫыу-баҫыу еләк-емеше  емерелеп уңа...

Баҫыу-баҫыу еләк-емеше емерелеп уңа... 20.02.2019 // Эшҡыуар

Шаран фермеры баш ҡала баҙарын да яулаған....

Тотош уҡырға 1 404

Әбеш һөтө хәҙер яңғыҙ түгел

Әбеш һөтө хәҙер яңғыҙ түгел 16.02.2019 // Эшҡыуар

Һуңғы йылдарҙа экологик яҡтан таҙа, сифатлы аҙыҡ-түлеккә иғтибар артты. Ошоға бәйле ауыл йүнселдәре...

Тотош уҡырға 1 740

Хәйбулла билмәне Өфөгә лә етер

Хәйбулла билмәне Өфөгә лә етер 30.01.2019 // Эшҡыуар

Билмән, итле, кәбеҫтәле мантылар, ҡаҙы, тултырма, бишбармаҡ, туҡмас – барыһын да үҙҙәре әҙерләп...

Тотош уҡырға 1 758

Ағас ене ҡағылған егет

Ағас ене ҡағылған егет 23.01.2019 // Эшҡыуар

Туғандар ҡеүәтләһә, юлың уңа....

Тотош уҡырға 2 393

Эше барҙың ашы бар,  йәшәү өсөн дәрте бар

Эше барҙың ашы бар, йәшәү өсөн дәрте бар 11.01.2019 // Эшҡыуар

Был һүҙҙәрҙең хаҡлы булыуы Үзбәковтар миҫалында асыҡ күренә....

Тотош уҡырға 1 586