Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ҡымыҙ ҙа бар, балыҡ та...
Ҡымыҙ ҙа бар, балыҡ та...– Ун йыл инде фермерлыҡ менән шөғөлләнәбеҙ. Эш еңел түгел, хеҙмәттән дәрт табып йәшәйбеҙ. Хужалығыбыҙ үҫеренә өмөт бағабыҙ, – ти Ләлә Вәсил ҡыҙы Фәтҡуллина.
Фәтҡуллиндар Күгәрсен районындағы Тирмәнкүл тигән ерҙә 37 гектар ерҙе ҡуртымға алған. Унда үҙ көстәре менән ферма төҙөгәндәр. Бөгөн 30 баштан ашыу йылҡы, ошо уҡ сама һарыҡ һәм кәзә малы тоталар.


Фәтҡуллиндар тәүҙә биш сутый ерҙә помидор, ҡыяр үҫтерә. Йәшелсә менән бюджет учреждениеларын тәьмин итәләр, магазиндарға һатыуға ҡуялар. Әммә был эш хужалар уйлағанса еңел генә бармай. Шуға ла улар кәзә үрсетергә ҡарар итә.
Биш баш мал һатып алалар. Һуңынан уның һанын йөҙгә еткерәләр. 45 кәзәне һауып, ҡымыҙ бешәләр. Әҙер продукцияны Күмертау ҡалаһының реабилитациялау үҙәге һәм филиалдары дауалау маҡсатында һатып ала. Көрсөк башланғас, реабилитация үҙәге был шифалы эсемлектән баш тартырға мәжбүр була.
Әммә Фәтҡуллиндар юғалып ҡалмай. Халыҡ бейә ҡымыҙын йыш һорағас, дүрт бейәне ҡуртымға алып, үҙҙәренең ике башын ҡушып, йәнә икәүҙе һатып алып, ҡымыҙ етештерә башлайҙар. “Был — миҙгелгә генә иҫәпләнгән шөғөл. Шуға ла мал үрсетеп, ит менән дә һатыу итәбеҙ”, – ти крәҫтиән (фермер) хужалығы етәксеһе Ләлә Вәсил ҡыҙы.
Йомағужа һыу һаҡлағысы ярты саҡрым алыҫлыҡта ятҡас, халыҡ бында күп килә. Мәскәүҙән дә, сит илдән дә туристар бар. Улар Фәтҡуллиндар хужалығына йыш һуғыла. Ҡымыҙҙы теләп алалар, хужабикә сыр ҙа яһап һата.
Туристар: “Һыу бар, ниңә балыҡ үрсетмәй­һегеҙ?” – тип йыш һорай икән. Шуға ла быйыл ғинуарҙа Мәләүез районының Нөгөш ауылынан 800 килограмм бағыр балығы алғандар.
— Үҙебеҙҙең эргәнән генә аҡҡан Тирмәнкүл шишмәһен тәрәнәйтеп, ике балыҡ каналы эшләнек. Дүрт ситлек-сетка ҡуйып, балыҡтарҙы шуның эсенә ебәрҙек. Алғанда уларҙың ауырлығы 330 грамм самаһы ине, әле 700 грамға етте. Махсус аҙыҡ менән туҡландырабыҙ, уның бер тоннаһы 107 мең һум тора. Балыҡсылыҡ менән шөғөлләнеү ҡиммәткә төшә. Әгәр ҙә Хөкүмәт ярҙам итеп, инкубация цехы төҙөһәк, балыҡты үҙебеҙ үрсетер инек. Уны ыуылдырыҡтан сығарып үрсетеү отошло. Әле балыҡты тотмайбыҙ, бер килограмға еткәс, һата башлаясаҡбыҙ, – ти хужабикә.
Фәтҡуллиндарҙың эше ғаилә бизнесына әйләнгән. Ләлә апай тормош иптәше Ғаяз Камил улы менән фермала бәләкәй йорт һалып, унда күҙ-ҡолаҡ булып йәшәй. Шулай уҡ уларҙың ҡыҙы Гөлмира Ғаяз ҡыҙы менән кейәүе Зинфир Таһир улы Ғәйетовтар хужалыҡта ярҙам итә, яҡындарына терәк булыр өсөн Өфөнән күсеп ҡайтҡандар. Фәтҡуллиндарҙың опекаға алған улы Данияр Дамир улы Аҙнабаев та ихлас ярҙам итә.
— Бығаса бер ниндәй ҙә ярҙам алғаныбыҙ юҡ, субсидия юллап, документтар тапшырҙыҡ. Әгәр эшебеҙ килеп сыҡһа, агротуризмға ныҡлап тотонор инек, – ти Ләлә Вәсил ҡыҙы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Халыҡ һорай, тимәк, кәрәк

Халыҡ һорай, тимәк, кәрәк 30.03.2019 // Эшҡыуар

Хәҙер магазин кәштәләре һөт ризыҡтарынан һығылып тора. Ниндәйе генә юҡ уларҙың: ситтән...

Тотош уҡырға 207

Көмөш йөҙөк – ҡул күрке, оҫта – донъя тотҡаһы
Беҙ һыната торғандарҙан түгел...

Беҙ һыната торғандарҙан түгел... 19.03.2019 // Эшҡыуар

Республикала крәҫтиән (фермер) хужалыҡтарын үҫтереү маҡсатында байтаҡ эш башҡарыла. Әленән-әле был...

Тотош уҡырға 399

Буҙаны сит тарафтарҙа танытырға теләй

Буҙаны сит тарафтарҙа танытырға теләй 03.03.2019 // Эшҡыуар

Сибай ҡалаһынан йәш әсә Гөлназ Азатова милли эсемлектәребеҙҙең береһен етештерә....

Тотош уҡырға 505

Кәңәшле эш тарҡалмаҫ

Кәңәшле эш тарҡалмаҫ 28.02.2019 // Эшҡыуар

Башҡортостан Башлығы вазифаһын ваҡытлыса башҡарыусы Радий Хәбиров бөгөн Өфөләге “Торатау”...

Тотош уҡырға 219

Төньяҡ-көнсығыш  нисек йәшәй?

Төньяҡ-көнсығыш нисек йәшәй? 26.02.2019 // Эшҡыуар

Дыуан районында Башҡортостандың төньяҡ-көнсығышында бәләкәй һәм урта эшҡыуарлыҡты, хужалыҡ итеүҙең...

Тотош уҡырға 199

Ҡаҙмаш сәйе һатыуға сыға
Баҫыу-баҫыу еләк-емеше  емерелеп уңа...

Баҫыу-баҫыу еләк-емеше емерелеп уңа... 20.02.2019 // Эшҡыуар

Шаран фермеры баш ҡала баҙарын да яулаған....

Тотош уҡырға 506

Әбеш һөтө хәҙер яңғыҙ түгел

Әбеш һөтө хәҙер яңғыҙ түгел 16.02.2019 // Эшҡыуар

Һуңғы йылдарҙа экологик яҡтан таҙа, сифатлы аҙыҡ-түлеккә иғтибар артты. Ошоға бәйле ауыл йүнселдәре...

Тотош уҡырға 698

Хәйбулла билмәне Өфөгә лә етер

Хәйбулла билмәне Өфөгә лә етер 30.01.2019 // Эшҡыуар

Билмән, итле, кәбеҫтәле мантылар, ҡаҙы, тултырма, бишбармаҡ, туҡмас – барыһын да үҙҙәре әҙерләп...

Тотош уҡырға 740

Ағас ене ҡағылған егет

Ағас ене ҡағылған егет 23.01.2019 // Эшҡыуар

Туғандар ҡеүәтләһә, юлың уңа....

Тотош уҡырға 1 485

Эше барҙың ашы бар,  йәшәү өсөн дәрте бар

Эше барҙың ашы бар, йәшәү өсөн дәрте бар 11.01.2019 // Эшҡыуар

Был һүҙҙәрҙең хаҡлы булыуы Үзбәковтар миҫалында асыҡ күренә....

Тотош уҡырға 519