Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Күңел йылыһы ла өҫтәлә
Күңел йылыһы ла өҫтәләАшнаҡсы булыу өсөн уңғанлыҡ та, аш-һыу бешерергә оҫталыҡ та кәрәк. Әнисәнең әсәһе – Гөлнур Әбүбәкер ҡыҙы ошондай һәләткә эйә була. Ул балалар йортонда ашнаҡсы булып эшләй. Ата-әсәһенән һәм тыуған йорт йылыһынан мәхрүм булған балаларға аш-һыуҙы үҙ ғәзиздәренә бешергәндәй тырышып әҙерләй.


Ғаиләһендә лә табыны һәр саҡ һый-ниғмәтле була уның. Ғаилә башлығы Хаммат Дәүләт улы Гәрәев оҙаҡ йылдар дауамында дөйөм туҡланыу пред­прия­тиеһында директор булып эшләй. Ул йәмәғәтенең уңған­лығы, аш-һыу әҙерләүгә маһир­лығы менән ғорурланып йәшәй. Әнисә бәләкәйҙән әсәһенә оҡшарға тырыша. Үҫә төшкәс әсәһе менән бергә аш-һыу әҙерләргә, ҡамыр ризыҡтары бешерергә өйрәнә. Был шөғөл уның өсөн бик тә мауыҡтырғыс була. Мәктәпте тамамлауға ул, киләсәктә бары тик ашнаҡсы буласаҡмын, тигән ныҡлы ҡарарға килә. Әнисә Өфө ҡалаһындағы 136-сы кулинария училищеһына уҡырға инә. Яратып һайлаған һөнәр булғас, бөтә күңелен биреп, тырышып уҡый. Бигерәк тә практик дәрестәрҙә уҡытыусылар Әнисәне һабаҡташтарына үрнәк итеп ҡуя.
Училищены уңышлы тамамлап диплом алған йәш белгес үҙҙәренең районына ҡулланыу­сы­лар йәмғиәтенә эшкә ҡайта. Бер ни ҡәҙәр тәжрибә туплағас, уны “РОСТЭК – Башҡортостан” ябыҡ акционерҙар йәмғиәтенең дөйөм туҡланыу предприятие­һына директор итеп тәғәйенләй­ҙәр. Әнисә Исмәғилева дөйөм туҡланыу тармағына 35 йыл ғүмерен бағышлай. Эшендә һәр саҡ маҡтаулы була.
– Һөнәремде яратҡас, эштең ауырлығын һис тойманым. Йылдарҙың үткәне һиҙелмәне лә, – тип иҫкә ала ул хеҙмәт осорон.
Яуаплы вазифа башҡарған бер ваҡытта, Хәниф Сафуан улы менән матур итеп ғаилә ҡоралар, ике ҡыҙ тәрбиәләп үҫтерәләр. Әнисә уңған хужабикә, хәстәрлекле әсә була. Был сифаттары ла ата-әсәһе үрнәгенән, ғаилә тәрбиәһенән киләлер, моғайын. Тормош иптәше Хәниф Сафуан улы ла яуаплы вазифа башҡара – сауҙа предприятиеһы директоры була. Үкенескә ҡаршы, ғаилә башлығы бер нисә йыл элек донъя ҡуя. Әнисәгә ҙур юғалтыу ҡайғыһын еңергә, артабан тормош йөгөн тартырға булдыҡлы ҡыҙҙары һәм кейәүҙәре булышлыҡ итә.
Әнисә Исмәғилева дөйөм туҡланыу тармағында хеҙмәт эшсәнлеген теүәлләгәс, ҡыҙы Динара менән үҙҙәренең йорт ихатаһында шәхси кулинария цехын аса. Өс йыл элек башлай улар үҙҙәренең эшҡыуарлыҡ эшмәкәрлеген. Тәүҙә халыҡтан кулинария изделиелары әҙер­ләүгә заказдар ҡабул итәләр, баҙар ихтыяжын өйрәнәләр. Байрам, туй табындарына торт, бәлеш, сәк-сәк һәм башҡа төр ҡамыр ризыҡтарына заказдар артҡандан-арта. Цех Кушнаренко районында бик тиҙ билдәлелек яулай. Сөнки ризыҡтарҙы сифатлы продукциянан ғына һәм бөтә шартына тура килтереп бешерәләр. Заказдар күп булғас, цехты киңәй­тергә, эшкә яңы һөнәр эйәләрен йәлеп итергә тура килә. Бөгөн бында әйҙәүсе кондитер-пекарь Руфина Аҫылова, уның хеҙ­мәттәштәре Флүзә Сөләймәнова, Мария Йәләлетдинова, Светлана Ишмөхәмәтова тырышып хеҙмәт һала. Хәҙер кондитер изделие­ларының ассортименты ҡырҡтан артып китә. Цех маркаһы менән еләк-емештән бешерелгән күп төрлө бәлештәр, ғөбәҙиә, итле ҡамыр ризыҡтары, пицца, бөйө­рөк һәм башҡалар ҡулланыусы­ларҙа ҙур һорау менән файҙалана. Продукцияны һатыу өсөн район үҙәгендә дүрт сауҙа нөктәһе булдырылған. “Байрам” магазинында кулинария бүлеген асҡандар. Тиҙҙән райондың Физкультура-һауыҡтырыу комплексында яңы сауҙа нөктәһе булдырырға ниәтләйҙәр.
Көн һайын махсуслаш­ты­рыл­ған ике йөк машинаһы күпереп торған хуш еҫле яңы өлгөрткән кулинария изделиеларын тейәп район үҙәгенә һәм яҡын-тирә ауылдарға юллана. Сауҙа нөктәләре уларҙы көтөп ала. Сөнки беләләр – эшҡыуар Әнисә Исмәғилеваның продукция­һына халыҡта һорау ҙур.
– Ҡулланыусылар баҙарында конкуренция көслө. Бындай шарттарҙа юғары сифатлы продукция менән генә баҙарҙы яулап була. Беҙ ошондай маҡсат менән эшләйбеҙ. Быға ирешеү өсөн коллективта һәр кем ҙур тырышлыҡ һала. Хеҙмәттәш­тәремә бының өсөн бик тә рәхмәтлемен. Беҙ бешергән ризыҡтар ниңә тәмле тигәндә, уларға алтын ҡуллы һөнәр эйәләренең күңел йылыһы ла өҫтәлә, тип әйтер инем, – ти Әнисә Хаммат ҡыҙы, көләс йылмайып.

Кушнаренко районы.


Автор: Г. СӘХИЕВА.


Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Халыҡ һорай, тимәк, кәрәк

Халыҡ һорай, тимәк, кәрәк 30.03.2019 // Эшҡыуар

Хәҙер магазин кәштәләре һөт ризыҡтарынан һығылып тора. Ниндәйе генә юҡ уларҙың: ситтән...

Тотош уҡырға 207

Көмөш йөҙөк – ҡул күрке, оҫта – донъя тотҡаһы
Беҙ һыната торғандарҙан түгел...

Беҙ һыната торғандарҙан түгел... 19.03.2019 // Эшҡыуар

Республикала крәҫтиән (фермер) хужалыҡтарын үҫтереү маҡсатында байтаҡ эш башҡарыла. Әленән-әле был...

Тотош уҡырға 399

Буҙаны сит тарафтарҙа танытырға теләй

Буҙаны сит тарафтарҙа танытырға теләй 03.03.2019 // Эшҡыуар

Сибай ҡалаһынан йәш әсә Гөлназ Азатова милли эсемлектәребеҙҙең береһен етештерә....

Тотош уҡырға 505

Кәңәшле эш тарҡалмаҫ

Кәңәшле эш тарҡалмаҫ 28.02.2019 // Эшҡыуар

Башҡортостан Башлығы вазифаһын ваҡытлыса башҡарыусы Радий Хәбиров бөгөн Өфөләге “Торатау”...

Тотош уҡырға 219

Төньяҡ-көнсығыш  нисек йәшәй?

Төньяҡ-көнсығыш нисек йәшәй? 26.02.2019 // Эшҡыуар

Дыуан районында Башҡортостандың төньяҡ-көнсығышында бәләкәй һәм урта эшҡыуарлыҡты, хужалыҡ итеүҙең...

Тотош уҡырға 199

Ҡаҙмаш сәйе һатыуға сыға
Баҫыу-баҫыу еләк-емеше  емерелеп уңа...

Баҫыу-баҫыу еләк-емеше емерелеп уңа... 20.02.2019 // Эшҡыуар

Шаран фермеры баш ҡала баҙарын да яулаған....

Тотош уҡырға 506

Әбеш һөтө хәҙер яңғыҙ түгел

Әбеш һөтө хәҙер яңғыҙ түгел 16.02.2019 // Эшҡыуар

Һуңғы йылдарҙа экологик яҡтан таҙа, сифатлы аҙыҡ-түлеккә иғтибар артты. Ошоға бәйле ауыл йүнселдәре...

Тотош уҡырға 698

Хәйбулла билмәне Өфөгә лә етер

Хәйбулла билмәне Өфөгә лә етер 30.01.2019 // Эшҡыуар

Билмән, итле, кәбеҫтәле мантылар, ҡаҙы, тултырма, бишбармаҡ, туҡмас – барыһын да үҙҙәре әҙерләп...

Тотош уҡырға 740

Ағас ене ҡағылған егет

Ағас ене ҡағылған егет 23.01.2019 // Эшҡыуар

Туғандар ҡеүәтләһә, юлың уңа....

Тотош уҡырға 1 485

Эше барҙың ашы бар,  йәшәү өсөн дәрте бар

Эше барҙың ашы бар, йәшәү өсөн дәрте бар 11.01.2019 // Эшҡыуар

Был һүҙҙәрҙең хаҡлы булыуы Үзбәковтар миҫалында асыҡ күренә....

Тотош уҡырға 519