Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Алдынғы тәжрибә нисек уңышҡа илтә
Алдынғы тәжрибә нисек уңышҡа илтә
“Раевка” яуаплылығы сикләнгән йәмғиәте төбәктә эре һәм алдынғы хужалыҡтарҙан һанала. Ауыл эшсәндәре, иген культуралары, шәкәр сөгөлдөрө үҫтереү менән бер рәттән, һөт, ит етештереү, тоҡомло мал аҫрау менән ныҡлап шөғөлләнә. Бынан бер нисә йыл элек ул “Колос Агро” яуаплылығы сикләнгән йәмғиәтен, “Агрофирма “Красный Клин” хужалыҡтарын да үҙенең ҡанатына һыйындырған. Был хужалыҡтарҙа, нигеҙҙә, иң ҙур шәкәр сөгөлдөрө плантациялары урынлашҡан.


Йәмғиәт аграрийҙары йылдағыса яҙғы сәсеү эштәрен ҡыҫҡа ваҡыт эсендә тәүгеләрҙән булып тамамлап, әле ишле малға етерлек күләмдә мал аҙығы хәстәрләү бурысы менән йәшәй. Бөгөнгә улар хужалыҡ ихатаһына 400 тоннанан ашыу бесән ташыған да инде. Ҡышҡылыҡҡа мал аҙығы әҙерләү бында ҡыҙыу һәм яҡшы ойошторолған.
Алдынғы тәжрибә нисек уңышҡа илтәКөҙ ауыл эшсәндәре дүрт меңдән ашыу гектарҙа шәкәр сөгөлдөрө, 4169 гектарҙа – бойҙай, арпа, кукуруз һәм башҡа культуралар йыйып аласаҡ. Хужалыҡтың 32 мең гектар ауыл хужалығы ерҙәре бар, шуның 25 мең гектарын һөрөнтө ерҙәр тәшкил итә. Баҫыуҙар тәрбиәле, ҡараулы, уларҙы минераль ашламалар менән туйындырғас, йыл да мул уңыш алыуға өлгәшәләр.
– Беҙҙә тырыш, эшһөйәр халыҡ хеҙмәт өлгөһө күрһәтә, йәштәрҙең булыуы ла һөйөндөрә, шөкөр, ололарға алмаш етерлек, – ти йәмғиәттең генераль директоры, Башҡортостандың атҡаҙанған ауыл хужалығы хеҙмәткәре Илнур Рифғәт улы Йосопов. – Юғары, махсус урта белемле белгестәр ҙә беҙгә ҙур теләк менән эшкә килә.
Техника паркы ла бында бай, 125 трактор иҫәпләнә, төрлө ҡеүәтле заманса комбайндар ҙа бар. Паркты йыл һайын яңы машиналар менән тулыландырып торалар. Ситтән техника йәлеп итмәйҙәр, бар баҫыу эштәрен үҙҙәренең көсө менән башҡаралар. Мәҫәлән, һуңғы бер нисә йылда ғына йәмғиәт етәкселеге 123 миллион һумлыҡ 26 берәмек техника һәм төрлө ҡорамал һатып алыуға өлгәшкән.
“Раевка” яуаплылығы сикләнгән йәмғиәте төбәктә һөт етештереү буйынса алдынғылар иҫәбендә килә. Бында ете һөтсөлөк фермаһы уңышлы эшләй, малсылар көн һайын 14 тонна сифатлы һөт һауып алып, Стәрле­тамаҡтың “Аллат”, Өфө һөт комбинаттарына оҙаталар. Һатыуҙан килгән табыш фермаларҙы ремонтлауға, тармаҡты яңыртыуға тотонола. Бөгөн һөтсөлөк фермалары заманса йыһазландырылған, ҡул көсө бөтөнләй тиерлек ҡулланылмай. Әле йәмғиәттең өс мең баш симменталь тоҡомло һыйыр малы йәйге лагерҙа тотола, шуның 1300-өн һауалар. Быйылдан башлап йәйге йәйләүҙә тәрбиәләнгән малдарҙы электр көтөүсе көтә. Бындай электр көтөүселәр әле төбәктә тәүгеһе. “Хеҙмәткәрҙәрҙең эш шарттарын яҡшыртыу өҫтөндә йыш эшләйбеҙ. Бының өсөн аҡса йәлләмәйбеҙ, сөнки уларҙың тырыш хеҙмәте һөҙөмтәһендә хужалыҡ йылдан-йыл яңы ҡаҙаныштарға өлгәшә лә инде”, – ти директорҙың етештереү буйынса урынбаҫары Руслан Мөхәмәтшин. Бөгөн бында 100-гә яҡын кеше эш менән мәшғүл.
Хужалыҡ етәкселеге көтөүҙе тоҡомло йәш таналар менән тулыландырыу эшен дә алып бара. Бында яһалма ҡасырыу яҡшы ҡуйылған. Тоҡомсолоҡ заводы булараҡ, йыл һайын уңайлы килешеүҙәр төҙөп, мал да һаталар.
Илнур Йосопов етәкселегендәге хужалыҡ базаһында йыш ҡына семинар-кәңәшмәләр үткәрелә, уларҙың тәжрибәһен өйрәнергә тип төрлө райондарҙан да киләләр.
Бынан тыш, йәмғиәт, Башҡортостан ауыл хужалығы институты ғалимдары менән яҡшы мөнәсәбәт булдырып, уларҙы йыл һайын баҫыуҙарға тәжрибә өйрәнеү өсөн саҡыра. Әйткәндәй, сөгөлдөрҙән йыл да мул уңыш алалар, уны Раевка шәкәр заводына оҙатып, һатыуҙан килгән табыш фәҡәт хужалыҡ кәрәк-ярағына, эш хаҡы түләүгә, техника һатып алыуға тотонола икән. Бынан тыш, яңы келәттәр, заманса биналар төҙөлә, һөтсөлөк фермалары төҙөкләндерелә. Көҙ йыйып алынған уңышты юғалтыуһыҙ һаҡлау өсөн ҡеүәтле иген һаҡлағыстар урынлаштырылған.
Ауыл хужалығы ойошмаһында тырыштар һәм хеҙмәттең тәмен, бәҫен белгәндәр генә тир түгә. Етәкселек яһалма ҡасырыу эшен алып барыусы белгестәр Илдар Әхмәҙиев, Валентина Бебякина, Сания Фәйзрахманова, механизатор Мөслим Бейбутов, водителдәр Дамир Мөсәүиров, Рафаэль Ғәйетов, Виктор Самораков, Геннадий Предатченконы маҡтап телгә алды.

Әлшәй районы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Башҡортостанда йыл аҙағына тиклем тағы 33 ҡасабаға газ үткәрелә

Башҡортостанда йыл аҙағына тиклем тағы 33 ҡасабаға газ үткәрелә 30.06.2025 // Иҡтисад

Әле 39 ҡасаба-ара газ үткәргес файҙаланыуға тапшырылған....

Тотош уҡырға 19

Башҡортостанда Белоруссияның Сауҙа йортон асыу мөмкинлеген ҡарайҙар

Башҡортостанда Белоруссияның Сауҙа йортон асыу мөмкинлеген ҡарайҙар 27.06.2025 // Иҡтисад

Башҡортостанда Белоруссияның Сауҙа йортон асыу мөмкинлеген ҡарайҙар...

Тотош уҡырға 28

Башҡортостан Башлығы Петербург иҡтисад форумының иң мөһим һөҙөмтәләрен әйтте

Башҡортостан Башлығы Петербург иҡтисад форумының иң мөһим һөҙөмтәләрен әйтте 23.06.2025 // Иҡтисад

Башҡортостан Башлығы Петербург иҡтисад форумының иң мөһим һөҙөмтәләрен әйтте...

Тотош уҡырға 39

Башҡортостан инвестиция мөхите милли рейтингында 3-сө урынды һаҡлап ҡалды

Башҡортостан инвестиция мөхите милли рейтингында 3-сө урынды һаҡлап ҡалды 20.06.2025 // Иҡтисад

Башҡортостан инвестиция мөхите милли рейтингында 3-сө урынды һаҡлап ҡалды...

Тотош уҡырға 40

Республикала йәшәүселәрҙе ауыл хужалығы йәрминкәләрендә көтәләр

Республикала йәшәүселәрҙе ауыл хужалығы йәрминкәләрендә көтәләр 20.06.2025 // Иҡтисад

Республикала йәшәүселәрҙе ауыл хужалығы йәрминкәләрендә көтәләр...

Тотош уҡырға 35

Башҡортостан Петербург иҡтисад форумында БПЛА өлкәһендә хеҙмәттәшлек тураһында килешеү төҙөнө

Башҡортостан Петербург иҡтисад форумында БПЛА өлкәһендә хеҙмәттәшлек тураһында килешеү төҙөнө 19.06.2025 // Иҡтисад

Башҡортостан Петербург иҡтисад форумында БПЛА өлкәһендә хеҙмәттәшлек тураһында килешеү төҙөнө...

Тотош уҡырға 36

Башҡорт биҙәге төшөрөлгән банк карталары сығарылды

Башҡорт биҙәге төшөрөлгән банк карталары сығарылды 17.06.2025 // Иҡтисад

Башҡорт биҙәге төшөрөлгән банк карталары сығарылды...

Тотош уҡырға 48

Башҡортостанда иң юғары хеҙмәт хаҡы булған биш район билдәләнде

Башҡортостанда иң юғары хеҙмәт хаҡы булған биш район билдәләнде 17.06.2025 // Иҡтисад

Башҡортостанда иң юғары хеҙмәт хаҡы булған биш район билдәләнде...

Тотош уҡырға 39

Өфөлә бизнес-форумда Беларусь менән хеҙмәттәшлек тураһында 10 документҡа ҡул ҡуйылды

Өфөлә бизнес-форумда Беларусь менән хеҙмәттәшлек тураһында 10 документҡа ҡул ҡуйылды 11.06.2025 // Иҡтисад

Өфөлә бизнес-форумда Беларусь менән хеҙмәттәшлек тураһында 10 документҡа ҡул ҡуйылды...

Тотош уҡырға 46

Өфөлә фатирҙы ҡуртымға алыу хаҡы йәнә ҡиммәтләнә

Өфөлә фатирҙы ҡуртымға алыу хаҡы йәнә ҡиммәтләнә 10.06.2025 // Иҡтисад

Өфөлә фатирҙы ҡуртымға алыу хаҡы йәнә ҡиммәтләнә...

Тотош уҡырға 52

Республикала ағымдағы йылға бюджетҡа төҙәтмәләр индерелде

Республикала ағымдағы йылға бюджетҡа төҙәтмәләр индерелде 03.06.2025 // Иҡтисад

Республикала ағымдағы йылға бюджетҡа төҙәтмәләр индерелде...

Тотош уҡырға 75

Өфөлә вертолеттар өсөн аэропорт төҙөлә

Өфөлә вертолеттар өсөн аэропорт төҙөлә 30.05.2025 // Иҡтисад

Өфөлә вертолеттар өсөн аэропорт төҙөлә...

Тотош уҡырға 104