Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
Маҡсатлы егетТөбәктә крәҫтиән (фермер) хужалығы ойоштороп, эшмәкәрлеген матур ғына итеп алып барған фермерҙар бихисап. Дәүләт, республика һәм район етәкселеге тарафынан һәр яҡлап ярҙам күрһәтелгәс, уларҙың һаны йылдан-йыл арта бара. Түбәнге Һаҙ ауылынан фермер хужалығы етәксеһе Юнир Искәндәров та аяғында ныҡлы баҫып торғандарҙан.
— Ауылда тыуып үҫкәс, яҙмышымды ерһеҙ күҙ алдына килтерә алмайым. Атай-әсәйем дә күпләп мал аҫраны, ҡош-ҡортон тәрбиәләне, беҙ һәр саҡ уларға ярҙамлашып, эш һөйөп үҫтек, — ти Юнир Ғүмәр улы. — Үҙ эшемде асыуыма һис үкенмәйем, былай дәрт-дарман етерлек. Улдарымды ла тырыш хеҙмәт өлгөһөндә тәрбиәләйем, улар бөгөн – минең ныҡлы таянысым.
Булдыҡлы егет яңы эш башлаусыларға дәүләт тарафынан ярҙам бүленәсәген ишетеп, ҡатыны Наилә менән кәңәш ҡороп, 2009 йылда үҙен яңы өлкәлә һынап ҡарамаҡсы була. Тәүҙә 100 гектар ер алып, дәүләт бүлгән ярҙам аҡсаһына ауыл хужалығы техникаһы һатып ала, бойҙай сәсә. “Тәүге осор ауыр кеүек күренһә лә, тәжрибәле фермерҙарҙан һәр яҡлап ярҙам, яҡлау тойғас, эшемде тиҙ арала юлға һалыуға өлгәштем”, – ти фермер.
Бөгөн Юнир, ауыл халҡының пай ерҙәрен дә алып, 1500 гектар ерҙе эшкәртә. Яҙ фермер хеҙмәткәрҙәре менән һоло, көнбағыш, бойҙай, кукуруз сәскән. Яғыулыҡ, орлоҡ, минераль ашламаларҙы ваҡытында хәстәрләгәс, яҙғы сәсеү барышында бер ниндәй ҡыйынлыҡтар осрамаған. Техниканың төҙөк булыуы ла эште тотҡарлыҡһыҙ атҡарырға мөмкинлек биргән. Шуныһы ла мөһим: әле уның техника паркы бай ғына, йылдың-йылы яңыртып тора икән. Һуңғы йылдарҙа фермер был маҡсатта дүрт миллион һум аҡса сарыф итеп, төрлө ауыл хужалығы техникаһы, заманса ҡоролмалар һатып алыуға өлгәшкән. Әлбиттә, ҡеүәтле техникаға эйә булыу өсөн банктан кредит та алған, “кеҫәнән аҡса сығармайынса ла булмай, әммә был сығымдар аҙаҡ икеләтә артып ҡайта ул”, тип бошонмауын да белдерҙе.
Пайсылар менән ваҡытында иҫәпләшә, ашлығын да бүлә, бесән-һаламын да бирә, кәрәк саҡта техника менән ярҙам итә.
Уңған фермер баҫыусылыҡ менән генә шөғөлләнмәй, уның хужалығында бөгөн симменталь тоҡомло һыйыр малдары ла аҫрала. Мал аҙығы ҡыштан артып ҡалған, хатта киләһенә етерлек. Бөгөн малдар хозур тәбиғәт ҡосағында тотола. Яңы тыуған быҙауҙарға ла иркен ялан кәртә ҡаралған. Әҙер продукцияны көн һайын Магнитогорск һөт комбинаты үҙҙәренең машинаһында килеп, литрын 19 һум менән һатып ала. Һатыуҙан килгән табыш йәмғиәт ҡаҙнаһына байтаҡ ҡына аҡса ла индерә икән.
– Бер кем алдында ла бурыс юҡ, хеҙмәткәрҙәргә лә эш хаҡы ваҡытында түләнә, – ти фермер. – Әммә йәштәрҙең булмауы ғына бәкәлгә һуға. Күптәре бөгөн Себер тарафтарында тир түгә. Эш һорап килгәндәрҙе кире бороп сығармайбыҙ былай.
Хужалыҡта Арҙат ауылынан 15 кеше эш менән мәшғүл. Әлбиттә, ҡыҙыу осорҙа уларҙың һаны икеләтә арта. Бөгөн ҡасандыр Себергә йә булмаһа ҙур ҡалаларға оҙон аҡса артынан киткән күп кенә йәштәр ҡабаттан ҡайта башлаған. Тимәк, Юнир Ғүмәр улының хужалығында эшләргә теләүселәр һаны арта.
Уңған егет бал ҡорттары ла тәрбиәләй, әле уларҙы йәйге аҡланда тота. “Электән атайым умартасылыҡ менән шөғөлләнгәс, бал ҡорттарын да тәрбиәләргә булдым. Әлбиттә, был – яуаплы шөғөл, шулай ҙа уның нескәлектәрен белгән умартасылар ярҙамынан өҙмәй”, — ти фермер.
Киләсәктә Юнир мал һанын, сәсеүлек майҙандарын арттырыуҙы күҙаллап, ҡеүәтле техника һатып алып, ауылдаштарын эш менән тәьмин итергә лә хыяллана. Ә бөтмөр, тырыш егеттең хыялдары тормошҡа ашасағына бер ниндәй шик юҡ, сөнки тырыштар ғына маҡсатына ирешәсәк.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Халыҡ һорай, тимәк, кәрәк

Халыҡ һорай, тимәк, кәрәк 30.03.2019 // Эшҡыуар

Хәҙер магазин кәштәләре һөт ризыҡтарынан һығылып тора. Ниндәйе генә юҡ уларҙың: ситтән...

Тотош уҡырға 204

Көмөш йөҙөк – ҡул күрке, оҫта – донъя тотҡаһы
Беҙ һыната торғандарҙан түгел...

Беҙ һыната торғандарҙан түгел... 19.03.2019 // Эшҡыуар

Республикала крәҫтиән (фермер) хужалыҡтарын үҫтереү маҡсатында байтаҡ эш башҡарыла. Әленән-әле был...

Тотош уҡырға 394

Буҙаны сит тарафтарҙа танытырға теләй

Буҙаны сит тарафтарҙа танытырға теләй 03.03.2019 // Эшҡыуар

Сибай ҡалаһынан йәш әсә Гөлназ Азатова милли эсемлектәребеҙҙең береһен етештерә....

Тотош уҡырға 503

Кәңәшле эш тарҡалмаҫ

Кәңәшле эш тарҡалмаҫ 28.02.2019 // Эшҡыуар

Башҡортостан Башлығы вазифаһын ваҡытлыса башҡарыусы Радий Хәбиров бөгөн Өфөләге “Торатау”...

Тотош уҡырға 217

Төньяҡ-көнсығыш  нисек йәшәй?

Төньяҡ-көнсығыш нисек йәшәй? 26.02.2019 // Эшҡыуар

Дыуан районында Башҡортостандың төньяҡ-көнсығышында бәләкәй һәм урта эшҡыуарлыҡты, хужалыҡ итеүҙең...

Тотош уҡырға 198

Ҡаҙмаш сәйе һатыуға сыға
Баҫыу-баҫыу еләк-емеше  емерелеп уңа...

Баҫыу-баҫыу еләк-емеше емерелеп уңа... 20.02.2019 // Эшҡыуар

Шаран фермеры баш ҡала баҙарын да яулаған....

Тотош уҡырға 505

Әбеш һөтө хәҙер яңғыҙ түгел

Әбеш һөтө хәҙер яңғыҙ түгел 16.02.2019 // Эшҡыуар

Һуңғы йылдарҙа экологик яҡтан таҙа, сифатлы аҙыҡ-түлеккә иғтибар артты. Ошоға бәйле ауыл йүнселдәре...

Тотош уҡырға 696

Хәйбулла билмәне Өфөгә лә етер

Хәйбулла билмәне Өфөгә лә етер 30.01.2019 // Эшҡыуар

Билмән, итле, кәбеҫтәле мантылар, ҡаҙы, тултырма, бишбармаҡ, туҡмас – барыһын да үҙҙәре әҙерләп...

Тотош уҡырға 740

Ағас ене ҡағылған егет

Ағас ене ҡағылған егет 23.01.2019 // Эшҡыуар

Туғандар ҡеүәтләһә, юлың уңа....

Тотош уҡырға 1 485

Эше барҙың ашы бар,  йәшәү өсөн дәрте бар

Эше барҙың ашы бар, йәшәү өсөн дәрте бар 11.01.2019 // Эшҡыуар

Был һүҙҙәрҙең хаҡлы булыуы Үзбәковтар миҫалында асыҡ күренә....

Тотош уҡырға 518