Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Тимергә йән өрәләр
Тимергә йән өрәләрРайон хакимиәтендә Илһам Бәғҙәнуров хаҡында булдыҡлы ир-аттың береһе булыуы, тәүәккәлләп, үҙ эшен асыуы һәм уны уңышлы ғына алып барыуы хаҡында йылы һүҙҙәр менән телгә алғайнылар.
Ишеткән менән күргән бер түгел, тиҙәр. Беҙ ҙә оҙаҡҡа һуҙып тормай, сатлама һыуыҡта ла осҡон сәсрәтеүсе Илһамдың үҙе менән танышырға ашыҡтыҡ.
Оҫтахана урынлашҡан бинаны ул күптән түгел аукцион аша һатып алған. Шуға ла ҡул тейҙерәһе урындары байтаҡ. Әммә күңеле күтәренке эшҡыуарҙың, иң мөһиме — иркен һәм аныҡ урыны бар. Тышта терегөмөш бағанаһы —28–30 градус күрһәтеүгә ҡарамаҫтан, тимерселәрҙең ҡыштың зәһәр һалҡынлығына иҫтәре лә китмәй булып сыҡты. Илһам менән ярҙамсыһы Раушан янып-бешеп сираттағы заказды өлгөртөргә тырыша ине. Тимер һындырыла, бөгөлә, ялғана, сүкелә һәм һөҙөмтәлә ҡабатланмаҫ биҙәкле ҡойма, ҡапҡа ҡыйыҡтары, эскәмйә кеүек һәр йортҡа кәрәкле тауар хасил була. Хәҙер ауыл халҡы кәртә-ҡураһын бер эшләгәндә оҙаҡҡа етерлек һәм әллә ҡайҙан күҙгә ташланып торорлоҡ итергә тырыша. Нигеҙҙә тимерҙән яһатыуҙы хуп күрәләр.
Оҫталарҙың әҙер һәм ҡайһыһы буялыуҙы йәки шымартыуҙы көткән тауарҙарына беҙ ҙә күҙ һалдыҡ. Һәр береһе үҙенсәлекле биҙәкле ҡапҡа-ҡоймалар, ысынлап та, иғтибарҙы йәлеп итерлек.
Илһам Әхмәтзыя улына тимер “ене” ҡағылыуы, бер уйлаһаң, ғәжәп тә түгел һымаҡ. “Уртакүл” совхозында 20 йыл шофер булып эшләгән. Ә бына ата-әсәһе бөтөнләй икенсе һөнәр эйәләре. Атаһы — профессиональ рәссам, әсәһе — балалар баҡсаһы хеҙмәткәре.
Йыш ҡына үҙгәртеп ҡороу осороноң кире яҡтарын күрһәтергә яратабыҙ, әммә ыңғайҙары ла юҡ түгел. Быны Илһам миҫалында ла күрергә мөмкин. Эшһеҙ ҡалғас, аптырап ҡалмаған, ағастан ҡойоп ҡуйғандай итеп йорт йыһаздары яһай башлаған, бура бураған, йорттар һалған. Ҡыҫҡаһы, ҡулынан балта-бысҡы төшөрмәгән. Булдыра алыуына ышанғас, тимергә тотонорға баҙнат иткән. Башлаусыһы булһа, хуплаусыһы табыла, тиҙәр. Район хакимиәтендә лә эшҡыуарҙы дәртләндергәндәр һәм фатиха биргәндәр.
— Һыҙмаларҙы үҙем яһайым. Минең өсөн әллә ни ауырлығы юҡ, рәссам улымын бит. Күрәһең, атайымдың һәләте күскәндер. Электән үк ағасты биҙәкләү-һырлау теләге тыуа торғайны. Эшһеҙ ҡалғас, ошо хыялымды тормошҡа ашырырға тотондом, — ти оҫта.
Тәүҙәрәк ҡул станогы ярҙамында эшләһәләр, хәҙер конкурс нигеҙендә ике автоматлаштырылған станокка эйә булғандар. Силәбелә етештерелгән был ҡорамал хеҙмәттәрен күпкә еңеләйткән һәм уны ышаныслыраҡ, тип тә иҫәпләйҙәр. Тимерҙе Өфөгә барып һатып алалар.
— Күңел һалып, клиенттарҙың теләген иҫәпкә алып яһайбыҙ. Үҙебеҙ үк алып барабыҙ, ҡорабыҙ һәм урынлаштырабыҙ. Заказ биреүселәр күп. Район халҡынан тыш, күрше төбәктәрҙән дә юллап киләләр, — ти Илһам Бәғҙәнуров.
Яҡшы тауар үҙе үк реклама, тиҙәр бит. Хаҡты ла ҡайырып алыу маҡсатын ҡуймағандар. Пенсионерҙарға ташлама яһауҙары ла — ауыл халҡының хәлен аңлауҙан.
Һөнәрселек училищеһын тамамлаған ике егет эш урынлы булған. “Әлегеләй һыуыҡта ла тик торғаныбыҙ юҡ, бер генә көн ял итергә тура килә. Заказдарҙы килешкән ваҡытҡа өлгөртөргә тырышабыҙ”, — ти эшҡыуарҙар. Әлбиттә, оҫтахана өсөн байтаҡ ҡорамалдар кәрәк. Мәҫәлән, буяу камераһы булғанда эш ырамлыраҡ барыр ине, бинаға ремонт та яһағылары килә. Шулай ҙа тимерселәрҙең артҡа сигенергә иҫәптәре юҡ. Илһам Өфөлә ойошторолған күргәҙмәләрҙә ҡатнашырға, яңылыҡтарға күҙ һалырға ла ваҡыт таба икән.
“Ялҡауланмаһаң, ғаиләң өсөн яуаплылыҡтың ир-атта булыуын яҡшы аңлаһаң, донъя көтөү өсөн йүн табырға була. Кемдәндер күреп йәки сәмләнеп тә ҡуҙғалырға мөмкин. Ике балабыҙ бар, ҡатыным Тамара Айрат ҡыҙы менән донъябыҙҙы түңәрәкләндерергә тырышып йәшәйбеҙ. Үҙең ҡуҙғалһаң, дәрт итһәң, хакимиәттә лә ярҙамлашырға әҙерҙәр. Ғөмүмән, эшҡыуарлыҡҡа “йәшел ут” асылыуы, Хөкүмәттең ошо йүнәлеште үҫтереүҙе дәртләндереүе, субсидия биреүе һәйбәт, әлбиттә. Ошо мәлде файҙаланып ҡалырға ашығырға ғына кәрәк. Уңыштарым әлегә ҙур түгел, сөнки эш асыуыма бер йыл ғына. Шулай ҙа тәүккәлләүемә үкенмәйем, — тине ул.
Минзилә ҒАБДРАХМАНОВА
Бүздәк районы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Халыҡ һорай, тимәк, кәрәк

Халыҡ һорай, тимәк, кәрәк 30.03.2019 // Эшҡыуар

Хәҙер магазин кәштәләре һөт ризыҡтарынан һығылып тора. Ниндәйе генә юҡ уларҙың: ситтән...

Тотош уҡырға 205

Көмөш йөҙөк – ҡул күрке, оҫта – донъя тотҡаһы
Беҙ һыната торғандарҙан түгел...

Беҙ һыната торғандарҙан түгел... 19.03.2019 // Эшҡыуар

Республикала крәҫтиән (фермер) хужалыҡтарын үҫтереү маҡсатында байтаҡ эш башҡарыла. Әленән-әле был...

Тотош уҡырға 395

Буҙаны сит тарафтарҙа танытырға теләй

Буҙаны сит тарафтарҙа танытырға теләй 03.03.2019 // Эшҡыуар

Сибай ҡалаһынан йәш әсә Гөлназ Азатова милли эсемлектәребеҙҙең береһен етештерә....

Тотош уҡырға 503

Кәңәшле эш тарҡалмаҫ

Кәңәшле эш тарҡалмаҫ 28.02.2019 // Эшҡыуар

Башҡортостан Башлығы вазифаһын ваҡытлыса башҡарыусы Радий Хәбиров бөгөн Өфөләге “Торатау”...

Тотош уҡырға 218

Төньяҡ-көнсығыш  нисек йәшәй?

Төньяҡ-көнсығыш нисек йәшәй? 26.02.2019 // Эшҡыуар

Дыуан районында Башҡортостандың төньяҡ-көнсығышында бәләкәй һәм урта эшҡыуарлыҡты, хужалыҡ итеүҙең...

Тотош уҡырға 198

Ҡаҙмаш сәйе һатыуға сыға
Баҫыу-баҫыу еләк-емеше  емерелеп уңа...

Баҫыу-баҫыу еләк-емеше емерелеп уңа... 20.02.2019 // Эшҡыуар

Шаран фермеры баш ҡала баҙарын да яулаған....

Тотош уҡырға 505

Әбеш һөтө хәҙер яңғыҙ түгел

Әбеш һөтө хәҙер яңғыҙ түгел 16.02.2019 // Эшҡыуар

Һуңғы йылдарҙа экологик яҡтан таҙа, сифатлы аҙыҡ-түлеккә иғтибар артты. Ошоға бәйле ауыл йүнселдәре...

Тотош уҡырға 697

Хәйбулла билмәне Өфөгә лә етер

Хәйбулла билмәне Өфөгә лә етер 30.01.2019 // Эшҡыуар

Билмән, итле, кәбеҫтәле мантылар, ҡаҙы, тултырма, бишбармаҡ, туҡмас – барыһын да үҙҙәре әҙерләп...

Тотош уҡырға 740

Ағас ене ҡағылған егет

Ағас ене ҡағылған егет 23.01.2019 // Эшҡыуар

Туғандар ҡеүәтләһә, юлың уңа....

Тотош уҡырға 1 485

Эше барҙың ашы бар,  йәшәү өсөн дәрте бар

Эше барҙың ашы бар, йәшәү өсөн дәрте бар 11.01.2019 // Эшҡыуар

Был һүҙҙәрҙең хаҡлы булыуы Үзбәковтар миҫалында асыҡ күренә....

Тотош уҡырға 518