Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Һәләтлеләр лайыҡлы баһа ала

Милли мәҙәниәтте һаҡлауға ҙур иғтибар бүләләр.

Һәр мәктәптең күптән нығынған һәм үҙенә генә хас традициялары бар. Бындай ғөрөф-ғәҙәт хәҙерге уҡыусылар һәм уҡытыусылар өсөн ҡәҙерле, ә инде ҡасандыр бында ҡанат нығытҡандарға үтә танһыҡ. Әйткәндәй, Бәләбәй башҡорт гимназия-интернатында “Киләсәккә – аманат” тигән кисә үтте.

Ғәҙәттәгесә, тантаналар залына йыйылған ҡунаҡтар йөҙөндә байрам алды тулҡынланыуы тойомлана. Йыл һайын ҡышҡы каникулда бында уҡыу, хеҙмәт һәм ижад һөҙөмтәләренә йом­ғаҡ яһала. Сараға олоһо ла, кесеһе лә күп килде. Ысынлап та, Бәләбәй районы мәғариф идаралығы началь­нигының тәрбиәүи эштәр һәм дөйөм мәсьәләләр буйынса урынбаҫары Лилиә Дутованы, “Бөтә донъя башҡорттары ҡоролтайы (конгресы)” Башҡарма комитеты аппараты етәк­сеһе Рөстәм Баяновты, Бәләбәй ҡалаһының почетлы гражданы Риф Ғәзизовты, Рәсәйҙең мәғариф отличнигы Светлана Ғәзизованы, виртуоз ҡумыҙсы, Шәйехзада Бабич исемен­дәге республика йәштәр премияһы лауреаты, “Өлгө ал!” республика конкурсы еңеүсеһе Миңлеғәфүр Зәйнетдиновты, шағир, Рәсәй һәм Башҡортостан Яҙыусылар һәм Журналистар союздары ағзаһы Рәмил Сурағоловты, Рәсәйҙең спорт мастеры, каратэ буйынса Европа чемпионы Искәндәр Басариевты, “Формула” йәмғиәтенең генераль директоры Рәсүл Гәрәевте, хәрби осоусы Вадим Латиповты, Нурфаяз Низаметдинов етәкселегендә “Аҡмулла” башҡорт үҙәге вәкилдәрен һәм башҡаларҙы күреү шатлыҡ ине.
– Уҡыусыларыбыҙҙың уҡыуҙа, спортта, йәмәғәт эштәрендә һәм ижади конкурстарҙа алдынғылыҡты бирмәүе һөйөнөслө, маҡтаулы исемдәргә лайыҡ булған һәм йәмғиәттә танылыу алған кешеләрҙе күреү беҙҙең өсөн үтә мөһим, яҡташтарыбыҙ менән ғорурланабыҙ, – тине тәбрикләү һүҙендә Бәләбәй башҡорт гимназия-интернаты директоры Дилбәр Фәтхетдинова.

Гимназия уҡыусылары остаздары етәкселегендә һәм ата-әсәләрҙең ярҙамы менән милли мәҙәниәтте һаҡлауға ҙур иғтибар бүлә. Йыл һайын улар төрлө бәйгеләрҙә ҡатнаша, ғаиләһе һәм шәжәрәләре менән таныштыра. Лилиә Дутова Башҡортос­тан Республикаһының 100 йыллығына арналған “Минең шәжәрәм” байрам-конкурсында еңеүселәрҙе ҡотланы һәм уларға маҡтау грамоталары, иҫтәлекле бүләктәр тапшырҙы. Рөстәм Баянов иһә уҡыу алдынғы­ларын һәм ижади конкурстарҙа алдынғыларҙы бүләкләне, туған телде, халҡыбыҙ тарихын һаҡларға саҡырҙы.
Сығыштарҙа балаларға теләктәр һәм педагогтарға, гимназия етәксе­легенә рәхмәт һүҙҙәре яңғыраны. Һәр кемдең уңышында – остаздарҙың хеҙмәте һәм тәжрибәһе, уҡыусының үҙенең тырышлығы һәм таланты ята. Ҡунаҡтар йырланы, бейене, шиғыр уҡыны, гимназия музейына һәм балаларға бүләктәр тапшырҙы.

Сәхнәлә Миңлеғәфүр Зәйнетди­новты балалар ҙа, ҡунаҡтар ҙа ал­ҡышлап ҡаршыланы. Ул ҡурайсылар ансамбленә ҡушылып баянда уйнаны, артабан ҡумыҙҙа “Сал Урал”ды баш­ҡарып, барыһын да таң ҡалдырҙы.

Йөҙҙән ашыу бала был көндә ҡәҙер-хөрмәткә лайыҡ булды. Ә байрам аҙағында уларға Бәләбәй баш­ҡорт гимназия-интернаты директо­рының тәрбиәүи эштәр буйынса урынбаҫары Нәзирә Фәрхетдинова мөрәжәғәт итте:
– Һеҙ – гимназияның алтын фонды. Һеҙҙән яңы уңыштар көтәбеҙ! Бер кемдә лә ғилем алыу теләге һүнмәһен-һүрелмәһен, йөрәгегеҙҙә ижад сәме янһын, ә күңелегеҙҙе әхлаҡ һәм изгелек нуры йылытһын.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Шәжәрәле ерҙә тәртип түрҙә

Шәжәрәле ерҙә тәртип түрҙә 30.03.2019 // Белем һәм тәрбиә

2018 йылдың 1 сентябрендә “Башҡортостан тарихы шәхестәр күҙлеге аша: генеалогик аспект” тигән...

Тотош уҡырға 761

Шунда уҡ икенсе курсҡа ҡабул ителһәләр...

Шунда уҡ икенсе курсҡа ҡабул ителһәләр... 27.03.2019 // Белем һәм тәрбиә

Республика етәксеһе Радий Хәбиров медицина училищеһын тамамлағандарҙы шунда уҡ ошо йүнәлештәге...

Тотош уҡырға 196

Монголиянан ҡунаҡ килде

Монголиянан ҡунаҡ килде 27.03.2019 // Белем һәм тәрбиә

БДУ-ның Сибай институты студенттары Монголияның Фән һәм технология дәүләт университеты профессоры...

Тотош уҡырға 624

Биш көнлөк уҡыу башлана

Биш көнлөк уҡыу башлана 27.03.2019 // Белем һәм тәрбиә

1 апрелдән Өфөнөң башланғыс класс уҡыусылары биш көнлөк уҡыуға күсә....

Тотош уҡырға 167

Данлы юлға тап төшөрмәй

Данлы юлға тап төшөрмәй 27.03.2019 // Белем һәм тәрбиә

Сибай гимназия-интернаты — төбәктә генә түгел, республикала ла киң билдәле уҡыу йорттарының береһе....

Тотош уҡырға 383

Балағыҙҙы кем итеп күрәһегеҙ?

Балағыҙҙы кем итеп күрәһегеҙ? 26.03.2019 // Белем һәм тәрбиә

“Ромир” холдингы ата-әсәләр араһында ҡыҙыҡлы һорау алыу ойошторған. Рәсәйҙәр балалары өсөн ниндәй...

Тотош уҡырға 157

Йәй етте ләме ни?

Йәй етте ләме ни? 26.03.2019 // Белем һәм тәрбиә

Ҡырмыҫҡалы районы хакимиәте йыл да балаларҙың йәйге ялын файҙалы үткәреү, сәләмәтлектәрен нығытыу...

Тотош уҡырға 218

"Үлмәҫбай" ҙа яңғыраны

"Үлмәҫбай" ҙа яңғыраны 25.03.2019 // Белем һәм тәрбиә

“Башҡортостан халыҡтары телдәре һәм мәҙәниәте – республиканың милли ҡаҙанышы” форумында балалар ҙа...

Тотош уҡырға 218

Барыһы ла үҙебеҙгә бәйле

Барыһы ла үҙебеҙгә бәйле 25.03.2019 // Белем һәм тәрбиә

Туған телдең, мәҙәниәттең яҙмышы һәр заманда ла кешенең, халыҡтың үҙенә бәйле. Был рухи...

Тотош уҡырға 170

Милли ҡаҙаныштарыбыҙ һағында

Милли ҡаҙаныштарыбыҙ һағында 25.03.2019 // Белем һәм тәрбиә

Өфөлә Рәсәй Президенты ҡарамағындағы Гражданлыҡ йәмғиәтен үҫтереү һәм кеше хоҡуҡтары буйынса...

Тотош уҡырға 148

Етәкселәр уҡыусыларға рәхмәт белдерҙе

Етәкселәр уҡыусыларға рәхмәт белдерҙе 23.03.2019 // Белем һәм тәрбиә

Бөгөн Өфөлә химия буйынса Бөтә Рәсәй олимпиадаһының һуңғы, өсөнсө, этабы тамамланды. Дөйөм алғанда,...

Тотош уҡырға 157

"Әкиәт"тән – мажаралы әкиәттәр

"Әкиәт"тән – мажаралы әкиәттәр 23.03.2019 // Белем һәм тәрбиә

Сибайҙың “Әкиәт” балалар баҡсаһы хеҙмәткәрҙәре үҙ тәрбиәләнеүселәре, ата-әсәләр менән берлектә...

Тотош уҡырға 299