Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
Абдулхаҡ вариҫтары Балалар китап уҡымай, тип ниндәй уҡытыусының зарланыуы ихтимал? Әгәр уҡыусыларҙың рухи талабын, заман һулышын яҡшы тоя икән, белем биреүсе улай тип әйтмәҫ, моғайын. Рәми Ғарипов исемендәге 1-се республика гимназия-интернатының башҡорт теле һәм әҙәбиәте уҡытыусыһы Римма Тимербулатова Әҙәбиәт йылында яҙыусылар ижадын пропагандалауҙың яңы юлын тапҡан. Бәлки, тапҡан тип әйтеү дөрөҫ тә түгелдер, сөнки ул киң билдәле викторина алымын ҡулланып, милли мөхиттә, БСТ каналының “Алтын тирмә” тапшырыуы миҫалында тотош зал өсөн шиғыр дәресе ойошторҙо.

Мәктәп уҡыусылары – “Абдул­хаҡ вариҫтары” командаһы – ошо уҡ белем усағының уҡытыусы­лары – “Күктүбә”ләр — менән Башҡортостандың халыҡ шағиры Абдулхаҡ Игебаевтың ижады буйынса көс һынашты.
Башҡортостандың халыҡ артисы, телевидениелағы “Алтын тирмә”нең алыштырғыһыҙ алып барыусыһы Нәғим Нурғәлингә лайыҡлы алмаш үҫеп килә, тинек, Алмас Айытҡоловтың үҙен ышаныслы һәм бик мәртәбәле тотоуына ҡарап. Музыкаль пауза ваҡытында шулай уҡ мәктәп уҡыу­сыһы Әғләм Юлгилдин ҡурайҙа уйнап ебәргәйне, тамаша залының ултырғыстарына тиклем бейергә төшөп китә яҙҙы! Афарин, егет! Танылған йырсы Юнир Һағынбаев, Абдулхаҡ Игебаев шиғырҙарына яҙылған йырҙар бүләк итеп, залдағыларға дәрт өҫтәне.
Ә инде викторина һорауҙа­рына килгәндә, бер ҡараһаң, улар ҡатмарлы ла һымаҡ, икенсе яҡтан – алдан билдәләнгән тема буйынса сараға әҙерләнгәндәр ҙә инде. Шуға күрә Башҡортос­тандың халыҡ шағиры Абдулхаҡ Игебаев ижады менән, моғайын, ныҡлап танышырға өлгөргәндәр­ҙер, тигән ҡараш тыуҙы “Шағир ниндәй әҫәр өсөн Ғ. Сәләм исе­мендәге премияға лайыҡ бул­ған?”, “Әҙиптең 1954 йылда донъя күргән “Йәшлек йыры” исемле китабына кем рецензияны яҙ­ған?”, “Ҡасан халыҡ шағиры исе­менә лайыҡ булған?” тигәндәргә яуап алып. Өс турҙа үткән ярышта 27-шәр мәрәй менән дуҫлыҡ еңде. Ә иң мөһиме – тотош зал әҙиптең ижады менән яҡындан танышты, биографияһынан күп мәғлүмәт алды. Әйткәндәй, шуны­һы ҡыҙыҡлы: уҡыусылар Ш. Бабич менән М. Кәрим хаҡында ла яҡшы хәбәрҙар. Ә бына Ғ. Сә­ләмгә ҡағылышлы һорауҙарҙа башта баҙабыраҡ ҡалалар. Быныһы бер яҡтан аңлашыла ла кеүек, сөнки бөгөн һәр кемдең ауыҙында — Шәйехзада һәм Мос­тай ағай тигән исемдәр. Ә бит үҙ заманында, киреһенсә, Ғ. Сәләм­де яҡшы белгәндәр, ә Ш. Бабич­тың исемен дә әйтергә ярамаған. Ҡыуанысҡа, бөгөн әҙәбиәтте өйрәнеү даирәһе киң: китаптарҙан ғына түгел, матбуғат, Интернет, аудио һәм видеояҙмалар аша уҡыусылар әҙәбиәтте өйрәнә ала.
Сарала З. Вәлиди исемендәге Милли китапхананың Тыуған яҡты өйрәнеү һәм башҡорт әҙә­биәте бүлеге мөдире Айгөл Буран­ғолова уҡыусыларға бер нисә һорау менән мөрәжәғәт итте. Тапҡыр яуап биреүселәр китап менән бүләкләнде. Шулар ара­һында Лидия Динмөхәмәтованы айырым билдәләге килә. Шул уҡ көндә “Бәйләнештә” социаль селтәрендә ул бына нимә тип яҙҙы: “Был сара бик матур, фәһемле үтте. Абдулхаҡ Игебаев ижады буйынса, ғөмүмән, яҙыу­сылар хаҡында яңы мәғлүмәт алдыҡ, белемебеҙҙе тағы ла нығыраҡ арттырҙыҡ! Ойоштороусы Римма Мирсәйет ҡыҙына, барлыҡ уҡытыусыларға, ҡунаҡ­тарға ысын күңелдән ҙур рәхмәт! Әлегә беҙ уҡыусылар ғына, алда беҙҙе яңы үрҙәр, еңеүҙәр көтә! Сөнки барыһы ла тик үҙебеҙҙән тора!” Тик компьютерыңа баш­ҡортса шрифт ҡуйып ал, Лидия. Күптән бөтә донъя үҙебеҙҙең яҙманан файҙалана бит!
Кисәне әҙерләгәндә ҡыҙҙарға һәм малайҙарға әҙәби сығанаҡтар менән ярҙам иткән китапханасы Рәфисә Бикҡолова уҡыусылар­ҙың зирәклегенә һоҡланыуын йәшермәне.
Әйткәндәй, сараның заманса ойошторолоуы, мәғлүмәтле булыуы хаҡында халыҡ шағиры Абдулхаҡ ағай Игебаевтың үҙенә еткерҙем. Әлбиттә, ул сикһеҙ ҡыуанды һәм иң әүҙемдәргә бүләккә ҡултамғаһы ҡуйылған китап вәғәҙә итте. Йәдкәр ошо көндәрҙә хужаларын табыр, көтөгөҙ!




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Шәжәрәле ерҙә тәртип түрҙә

Шәжәрәле ерҙә тәртип түрҙә 30.03.2019 // Белем һәм тәрбиә

2018 йылдың 1 сентябрендә “Башҡортостан тарихы шәхестәр күҙлеге аша: генеалогик аспект” тигән...

Тотош уҡырға 993

Шунда уҡ икенсе курсҡа ҡабул ителһәләр...

Шунда уҡ икенсе курсҡа ҡабул ителһәләр... 27.03.2019 // Белем һәм тәрбиә

Республика етәксеһе Радий Хәбиров медицина училищеһын тамамлағандарҙы шунда уҡ ошо йүнәлештәге...

Тотош уҡырға 235

Монголиянан ҡунаҡ килде

Монголиянан ҡунаҡ килде 27.03.2019 // Белем һәм тәрбиә

БДУ-ның Сибай институты студенттары Монголияның Фән һәм технология дәүләт университеты профессоры...

Тотош уҡырға 663

Биш көнлөк уҡыу башлана

Биш көнлөк уҡыу башлана 27.03.2019 // Белем һәм тәрбиә

1 апрелдән Өфөнөң башланғыс класс уҡыусылары биш көнлөк уҡыуға күсә....

Тотош уҡырға 254

Данлы юлға тап төшөрмәй

Данлы юлға тап төшөрмәй 27.03.2019 // Белем һәм тәрбиә

Сибай гимназия-интернаты — төбәктә генә түгел, республикала ла киң билдәле уҡыу йорттарының береһе....

Тотош уҡырға 453

Балағыҙҙы кем итеп күрәһегеҙ?

Балағыҙҙы кем итеп күрәһегеҙ? 26.03.2019 // Белем һәм тәрбиә

“Ромир” холдингы ата-әсәләр араһында ҡыҙыҡлы һорау алыу ойошторған. Рәсәйҙәр балалары өсөн ниндәй...

Тотош уҡырға 217

Йәй етте ләме ни?

Йәй етте ләме ни? 26.03.2019 // Белем һәм тәрбиә

Ҡырмыҫҡалы районы хакимиәте йыл да балаларҙың йәйге ялын файҙалы үткәреү, сәләмәтлектәрен нығытыу...

Тотош уҡырға 253

"Үлмәҫбай" ҙа яңғыраны

"Үлмәҫбай" ҙа яңғыраны 25.03.2019 // Белем һәм тәрбиә

“Башҡортостан халыҡтары телдәре һәм мәҙәниәте – республиканың милли ҡаҙанышы” форумында балалар ҙа...

Тотош уҡырға 275

Барыһы ла үҙебеҙгә бәйле

Барыһы ла үҙебеҙгә бәйле 25.03.2019 // Белем һәм тәрбиә

Туған телдең, мәҙәниәттең яҙмышы һәр заманда ла кешенең, халыҡтың үҙенә бәйле. Был рухи...

Тотош уҡырға 201

Милли ҡаҙаныштарыбыҙ һағында

Милли ҡаҙаныштарыбыҙ һағында 25.03.2019 // Белем һәм тәрбиә

Өфөлә Рәсәй Президенты ҡарамағындағы Гражданлыҡ йәмғиәтен үҫтереү һәм кеше хоҡуҡтары буйынса...

Тотош уҡырға 186

Етәкселәр уҡыусыларға рәхмәт белдерҙе

Етәкселәр уҡыусыларға рәхмәт белдерҙе 23.03.2019 // Белем һәм тәрбиә

Бөгөн Өфөлә химия буйынса Бөтә Рәсәй олимпиадаһының һуңғы, өсөнсө, этабы тамамланды. Дөйөм алғанда,...

Тотош уҡырға 191

"Әкиәт"тән – мажаралы әкиәттәр

"Әкиәт"тән – мажаралы әкиәттәр 23.03.2019 // Белем һәм тәрбиә

Сибайҙың “Әкиәт” балалар баҡсаһы хеҙмәткәрҙәре үҙ тәрбиәләнеүселәре, ата-әсәләр менән берлектә...

Тотош уҡырға 394