Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Рәхәтләнеп уйнар саҡ
Республикала балаларҙың йәйге ялы файҙалы үтһен өсөн күп көс һалына

Рәхәтләнеп уйнар саҡБалаларҙың шат тауышы, ихлас көлөүе, дәртле йыр-көйҙәре әллә ҡайҙан уҡ ҡолаҡҡа салынғас, “Ай-һай, күңеллелер бында!” тигән ҡыуаныслы уй үтте күңелдән. Ғәжәп матур тәбиғәт ҡосағында урынлашҡан “Аҡсарлаҡ” балалар һауыҡтырыу лагерында, ысынлап та, шулай икән.


Хозур тәбиғәт, Һаҡмар...

Ҡасандыр ул Бүребай тау-ба­йыҡтырыу комбинаты ҡарамағында булһа, хәҙер район хакимиәтенә ҡа­рай. Һуңғы йылдарҙа лагерҙа байтаҡ ремонт эше атҡарылған: тәҙрәләр тулыһынса яңыртылған, һыу инеү урыны, ашхана бар талаптарға яуап бирерлек итеп йыһазландырылған.
Әле бында 6 – 15 йәшлек 128 бала. Барлығы өс сменала 321 ке­шегә ял итеү ҡаралған. Ете отрядҡа бүленгән уҡыусыларҙың ваҡыты күңелле һәм фәһемле үтһен өсөн етешәр тәрбиәсе һәм вожатый күп көс түгә. Шул иҫәптән музыка, физкультура күнекмәләре үтә, ашнаҡ­сылар, медицина хеҙмәткәре, ҡа­рауылсы, ҡотҡарыусы эшләй. Һүҙ юҡ, бала ҡайҙа ғына ял итмәһен, янғын һәм хәүефһеҙлек саралары беренсе урында тора. Был йәһәттән лагерҙа бөтөн шарттар булдырыл­ған: биләмә тулыһынса видео­күҙәтеү ярҙамында һаҡлана, сит кеше, хатта ата-әсәләр ҙә ныҡлы тикшереү үтә, балаһы менән лагерҙың биләмәһенән ситтә осраша. Улар килтергән һәр әйбер ентекле тикшерелә, тейешһеҙ тип табылғандары кире ҡайтарыла. Һаҡмарҙа һыу инеү урыны санитария талаптарына яуап бирә, балалар менән бергә һәр саҡ тәрбиәсе һәм ҡотҡарыусы була.
Йәмле Һаҡмарҙа ҡойоноп, хозур тәбиғәттә ял итергә теләгәндәрҙең һаны йылдан-йыл арта. Хәйбулла­нан ғына түгел, Ырымбур өлкәһе­нән, күрше Йылайырҙан, Сибай, Өфө ҡалаларынан килгән балалар бында рәхәтләнеп ял итә, яңы дуҫтар таба, йәйге көндөң матурлы­ғынан, йылыһынан кинәнә. Әйткән­дәй, бында кәрәҙле телефон тотмай, интернет эшләмәй. Тимәк, бала саҡтың бар рәхәтлеген тойоп ял итеү мөмкинлеге тыуҙырылған.
Өлкән вожатый Гөлназ Нурғә­лина әйтеүенсә, малай һәм ҡыҙҙар­ҙың ялын файҙалы үткәреү өсөн барыһы ла эшләнә. Мәҫәлән, волейбол, пионербол секциялары, “Алтын ҡулдар”, “Бейеү”, “Уйын тренингтары” кеүек түңәрәктәр эшләй, ҡыҙҙар өсөн сәс тәрбиәләү, төрлө прическалар яһау серенә өйрәткән оҫталыҡ дәрестәре үтә. Бергәләшеп тәбиғәт ҡосағына экскурсияға йөрөү ҙә матур йолаға әйләнгән.
Һәр көн береһенән-береһе ҡы­ҙыҡлы, күңелле уйындар, мауыҡ­тырғыс саралар, тематик кисәләр ойошторола: “Нептун көнө”, “Ғаилә көнө”, “Ирекмәндәр көнө”, “Тиҫкәре көн”, “Әкиәтле көн”... Ә беҙ лагерҙа үткән иң күңелле сараның береһенә – “Һабантуй”ға – эләктек!

Халҡыбыҙ йолаларына тоғролоҡ

Ниндәй генә һабантуй тирмәһеҙ үтһен инде?! Ял итеүселәр ҡул аҫтында булған әйберҙәрҙән бынамын тигәнен эшләп тә ултыртҡан. Улай ғына ла түгел, ҡаҙан аҫып, һарыҡ һуйып, ҡунаҡ ҡаршыларға ла өлгөрҙө улар. Мәғлүм булыуын­са, халҡыбыҙҙың милли байрам­дарының береһе булған һабантуй­ҙы башҡа милләт вәкилдәре лә үҙ итә, уның асылын, мәғәнәһен аңлай. Был юлы ла, ниндәй милләттән булыуҙарына ҡарамаҫтан, һәр кем байрамға етди әҙерләнгән, һәр отряд халҡыбыҙҙың бер йолаһын сәхнәләштергән. Мәҫәлән, балаға исем ҡушыу йолаһы шул ҡәҙәр оҫта сәхнәләштерелде. Ҡот ҡойоу йо­лаһы ла бар тулылығында башҡа­рылды. Ә бына “Ҡарға бутҡа”һын күрһәткән отрядта балаларҙың күбеһе урыҫ милләтенән ине. Әммә шул ҡәҙәр килештерҙе үҙҙәре! Бындай дәрт-дарман, ихласлыҡ нисек һөйөндөрмәһен?!
Өлкәнерәк балалар иһә “Ҡорбан байрамы”на ҡунаҡҡа саҡырҙы. Тирмә ситенә бәйләп ҡуйылған ике һарыҡ ҡорбанға салынып, бар ял итеүселәрҙе аш менән һыйланы улар. Һабантуйҙа шулай уҡ “Аҡ ти­рәк, күк тирәк”, “Йәшерәм, йәшерәм яулығымды” кеүек уйындар уйналды, балалар көрәштә бил һынаны, йыр-бейеүҙә көс һынашты.

Яңы уҡыу йылына – яңы көс-дарман

Лагерь етәксеһе Юнир Солтанов әйтеүенсә, ял итеүселәр аҙнаһына ике тапҡыр мунсала рәхәтләнеп йыуына, ҡайын миндеге менән сабына. Көнөнә алты тапҡыр ашау ҡаралған, өҫтәлдән һөт, ит ризыҡтары өҙөлмәй, йәшелсә-емеш һәр саҡ етерлек.
Һәр лагерҙың үҙенә хас йолалары була. “Аҡсарлаҡ”та ял итеүсе­ләрҙең иң яратҡан мәле – күмәк­ләшеп усаҡ яғыу, уның янында төрлө йыр башҡарыу һәм “Изге эштәр” көнөндә иң күп “аҡсарлаҡ” йыйыусылар өсөн аукцион. Был сарала ниндәй генә приздар уйнатылмай! Һуңғы көндә иһә барыһына ла тәм-томдан, йәшелсә-емештән тупланған “бүләк” тапшырыла.
Лагерь тормошо бер минутҡа ла тынмай: бер отряд сираттағы конкурсҡа әҙерләнһә, икенселәре рәхәтләнеп һыу инеп ҡайтып килә, өсөнсөләре тирләй-тирләй туп тибә... Балалар яңы уҡыу йылын яңы көс, дәрт менән башлаһын өсөн ихлас тырыша өлкәндәр.

Хәйбулла районы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Радик Юлъякшин да килә

Радик Юлъякшин да килә 05.02.2019 // Анонстар

6 февралдә Башҡортостандың халыҡ артисы Әхәт Мортазиндың Хәтер кисәһе үтә....

Тотош уҡырға 307

Ғабдрахман Ҡадировтың мотоциклын күрергә килегеҙ

Ғабдрахман Ҡадировтың мотоциклын күрергә килегеҙ 09.01.2019 // Анонстар

29 ғинуарҙа Башҡорт дәүләт филармонияһында “Башҡортостандың 100 исеме” проекты сиктәрендә “Тәүге...

Тотош уҡырға 329

Рок тере. Мәннән дә тере

Рок тере. Мәннән дә тере 14.12.2018 // Анонстар

Башҡорт рок-музыка яратыусылары йәнә Өфөлә “Урал батыр” республика фестивалендә йыйыласаҡ. Икенсе...

Тотош уҡырға 353

Телевидениела – “Тракторсы мөхәббәте”

Телевидениела – “Тракторсы мөхәббәте” 26.10.2018 // Анонстар

Башҡортостан юлдаш телеканалы “Тракторсы мөхәббәте” тигән ҡаҙаҡ киносериалын күрһәтә....

Тотош уҡырға 383

Аҙанлы таң – көнгә ҡеүәт

Аҙанлы таң – көнгә ҡеүәт 22.08.2018 // Йәмғиәт / Анонстар

Байрамса кейенгән, йөҙҙәрендә нур балҡыған, ҡараштарынан изгелек бөркөлгән ҡәрҙәштәребеҙ иртә менән...

Тотош уҡырға 449

Иҫке Күлдә – яңы үҙәк

Иҫке Күлдә – яңы үҙәк 21.08.2018 // Социаль мәсьәлә / Анонстар

Нуриман районының Иҫке Күл ауылында “Башҡортостандың 100 йыллығына – 100 объект” программаһына...

Тотош уҡырға 469

Нуриман районының Иҫкекүл ауылында яңы социаль-мәҙәни үҙәк асылды

Нуриман районының Иҫкекүл ауылында яңы социаль-мәҙәни үҙәк асылды 17.08.2018 // Йәмғиәт / Анонстар

Нуриман районының Иҫкекүл ауылында социаль-мәҙәни үҙәк асылды. Тантанала республика Башлығы...

Тотош уҡырға 540

Башҡорт сәйен эсеп ҡарағыҙ!

Башҡорт сәйен эсеп ҡарағыҙ! 16.08.2018 // Иҡтисад / Анонстар

Боланут (иван-чай) хаҡында күптәрҙең ишеткәне бар. Интернет селтәрендә лә был шифалы эсемлектең...

Тотош уҡырға 561

Ергә эйелергә йыбанмаһаң...

Ергә эйелергә йыбанмаһаң... 15.08.2018 // Эшҡыуар / Анонстар

Илле дүрт сутый баҡса. Аҙмы был, күпме? Йөҙәр гектар баҫыуҙарҙа эш иткәндәргә бындай ҙурлыҡтағы...

Тотош уҡырға 598

Төбәк бәҫе – мәғарифтың көсөндә

Төбәк бәҫе – мәғарифтың көсөндә 14.08.2018 // Социаль мәсьәлә / Анонстар

Баш ҡалабыҙ Өфөлә сираттағы Мәғариф буйынса республика кәңәшмәһе үтте. Уның эшендә 600-ҙән ашыу...

Тотош уҡырға 528

Эштең ауырлығын һиҙмәйҙәр

Эштең ауырлығын һиҙмәйҙәр 10.08.2018 // Иҡтисад / Анонстар

Байрам алдынан төҙөлөш тармағы хеҙмәткәрҙәре Башҡортостан Республикаһы Башлығы Рөстәм Хәмитовтың...

Тотош уҡырға 529

Күрһәтерлек өлгө бар

Күрһәтерлек өлгө бар 08.08.2018 // Иҡтисад / Анонстар

Республика Башлығы Рөстәм Хәмитов Бүздәк районына эш сәфәре барышында ураҡ барышы менән танышты,...

Тотош уҡырға 469