Башҡортостандың йыйылма командаһы пауэрлифтинг буйынса ил чемпионатында еңеү яуланы

Башҡортостандың йыйылма командаһы етенсе тапҡыр пауэрлифтинг ил чемпионатында еңеү яуланы. Шәхси сығыштарҙа республикабыҙҙың ауыр атлеттары 15 миҙал алды, шуларҙың 7-һе – алтын, тип хәбәр итте республика хөкүмәте вице-премьеры – спорт министры Руслан Хәбибов.

Ярыштар Екатеринбургта үтте. Өфөнән Глеб Гавриков 74 килограмға тиклемге ауырлыҡ категорияһында алтын миҙал яуланы. 18 йәшкә тиклемге үҫмерҙән араһында абсолют зачетта ул икенсе булды һәм «Рәсәйҙең спорт мастеры» нормативын үтәне. Дмитрий Селянин (66 килограмм), Марсель Ударов (74 килограмм) шулай уҡ беренсе урынға лайыҡ булды, икенсе урын – Михаил Копытовта (120 килограмм), өсөнсөлә иһә Рамазан Шаһимәрҙәнов (+120 килограмм) һәм Данис Папикян (93 килограмм) яуланы.

Өфөнән Ян Урусов ун беренсе тапҡыр пауэрлифтинг буйынса Рәсәй чемпионы булды (66 килограмм), ә Александр Сыкменев 120 килограмм ауырлыҡ категорияһында унынсы тапҡыр Рәсәй чемпионы исемен яҡланы. Станислав Урусов та (74 килограмм) алтын миҙал яуланы, Анатолий Килюшев (59 килограмм) һәм Дмитрий Селянин (66 килограмм) – бронза призерҙар. Дмитрий  шәхси рекорд ҡуйҙы –  225 килограмм.

Александр Сыкменев, Ян һәм Станислав Урусов сентябрҙә Гонконгта Азия чемпионатында ҡатнашыу өсөн Рәсәй йыйылма командаһы составына инде.

https://www.bashinform.ru/news/sport/2025-04-14/sbornaya-bashkirii-pobedila-v-komandnom-chempionate-strany-po-pauerliftingu-4196863