Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Көрәш беҙҙе тәрбиәләй
Көрәш беҙҙе тәрбиәләйБөтә донъя башҡорттары ҡоролтайы башҡарма комитеты иғлан иткән акция Яңауыл ҡалаһында тамамланды.
– О-о-о, келәмдәрҙең күплеге!
– Барыһы ла балаларғамы икән?
– Рәсәйҙең Дәүләт Думаһы депутаты Марсель Йосоповтың бүләге ул.
Был көндө Яңауыл район мәҙәниәт йорто алдында тауҙай өйөлгән көрәш келәмдәренә иғтибар итмәгән кеше булмағандыр. Бығаса ҡалала келәм таратҡанды хәтерләмәй улар. Был юлы спорт йыһазы Асҡын, Балтас, Борай, Илеш, Краснокама, Саҡмағош, Бөрө, Бәләбәй, Шаран, Яңауыл, Йәрмәкәй, Дүртөйлө, Ҡалтасы, Тәтешле райондарының 17 мәктәбенә һәм Өфөнөң өс үҫмерҙәр клубына тапшырылды.
Яңауылдағы сара үҙенең үтә эшлекле шарттарҙа барыуы менән айырылып торҙо. “Сәләмәт тәндә — сәләмәт рух” тип аталған “түңәрәк өҫтәл”дә һөйләшеү ҙә киләсәктә йәнә үҙ емештәрен бирмәй ҡалмаҫ.
Көрәш беҙҙе тәрбиәләйРайон хакимиәте башлығы урынбаҫары Зикаф Хужин йыйылыусыларҙы төбәктәге спорт яңылыҡтары менән таныштырҙы, үҫмерҙәрҙең милли көрәшкә ихлас йөрөүе, әленән-әле төрлө ярыштарҙа призлы урындар алыуы хаҡында һөйләне, был спортты үҫтереүгә тос ярҙамы өсөн Марсель Йосоповҡа район хакимиәтенең Рәхмәт хатын тапшырҙы.
Дәүләт Думаһы депутаты Марсель Йосоповтың ярҙамсыһы, Бөтә донъя башҡорттары ҡоролтайының башҡарма комитеты ағзаһы, “Һау-сәләмәт тормош өсөн көрәш” проекты етәксеһе Гөлнур Ҡолһарина, үткән эштәргә байҡау яһап:
– Көрәш беҙҙе тәрбиәләй, ҙур спортҡа этәргес бирә. Уның өсөн әллә ни сығым талап ителмәй, уңайлы шарттар, келәм менән тренер ғына кәрәк, – тине.
Акция башланғандан алып бөтәһе 50 сара үткәрелгән, 200-ҙән ашыу белем усағына, спорт мәктәбенә келәм бүләк ителгән, Стәрлетамаҡ физик культура институтында тренерҙар, уҡытыусылар өсөн семинар-кәңәшмә ойошторолған. Былар барыһы ла милли көрәштең киләсәктә йәштәребеҙ араһында киң таралыуына этәргес бирәсәк. “Башҡортостан” гәзитенең баш мөхәррире Нияз Сәлимов, республикала милли көрәште үҫтереүселәргә рәхмәт белдереп, сираттағы ярышты ойоштороусыларға иҫтәлекле бүләктәр тапшырҙы.
Рәсәйҙең спорт мастеры Данис Мөхәйәров иҫтәлегенә арналған район беренселеге көсөргәнешле барҙы. Ярышта ун команда ҡатнашты. Алыштың тәүге мәлендә үк Истәк мәктәбе үҫмерҙәре айырылып торҙо. Баҡтиһәң, бында тренер Фирдүс Дәүләтов йәш спортсыларҙы тәрбиәләүгә ҙур көс һала икән. Үҙ ауырлыҡтарында Иҙрис Гәрәев, Артем Солтанов, Айҙар Нуриәхмәтов, Дмитрий Суфияров, Фәнис Ғаязов, Артур Шакиров чемпион исемен яуланы.
Командалар араһындағы алышта ла истәктәр үҙҙәрен иң таһыллыһы итеп танытты. Афарин! Икенсе урында – Яңауыл лицейы, өсөнсөлә – Байғужа мәктәбе уҡыусылары.

Руслан БИКЕМБӘТОВ, йәштәр сәйәсәте һәм спорт министры урынбаҫары:

– Бөгөн төрлө райондан килгән мәктәп етәкселәренең ҡыуана-ҡыуана көрәш келәмдәре алыуына шаһит булдым. Республика көрәшселәре бындай ярҙамды күргәне юҡ ине.
Инзилә ШӘЙХЕТДИНОВА, Яңауыл районының Яңы Уртауыл мәктәбе директоры:
– Бындай ҙа бүләккә ҡыуаныстың сиге юҡ. Арабыҙҙа Марсель Харис улы кеүек шәхестәрҙең булыуына һоҡланам. Һүҙ менән түгел, күҙгә күренгән эше менән ҡыуандыра ул. Шундай игелекле ул үҫтергән азаматтың ата-әсәһенә ҙур рәхмәт!
Репортажды Венер ИСХАҠОВ
менән Владимир КАРАБАНОВ әҙерләне.
Яңауыл ҡалаһы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Юҡ инде, һеҙ беҙгә...

Юҡ инде, һеҙ беҙгә... 31.03.2019 // Спорт һәм туризм

“Салауат Юлаев” менән “Авангард” хоккей командалары араһында икенсе матч башланды. Тәүгеһе элекке...

Тотош уҡырға 2 689

Йөҙ көн ҡалды

Йөҙ көн ҡалды 31.03.2019 // Спорт һәм туризм

Быйыл 9 – 14 июлдә Өфөлә Халыҡ-ара балалар уйындары була....

Тотош уҡырға 2 313

Бөркөттәрҙе йыйҙы "Бөркөт"

Бөркөттәрҙе йыйҙы "Бөркөт" 30.03.2019 // Спорт һәм туризм

Сибай ҡалаһының “Бөркөт” физкультура-һауыҡтырыу комплексында Башҡортостан Мәғариф министрлығының...

Тотош уҡырға 2 255

Мәғариф хеҙмәткәрҙәре майҙан тотто

Мәғариф хеҙмәткәрҙәре майҙан тотто 30.03.2019 // Спорт һәм туризм

Хәйбулла районы үҙәге Аҡъярҙа Урал аръяғы район-ҡалаларының мәғариф учреждениелары хеҙмәткәрҙәре...

Тотош уҡырға 2 215

Белореттар әле лә саңғыла

Белореттар әле лә саңғыла 30.03.2019 // Спорт һәм туризм

Бөгөн Белорет районының “Ҡурташ” спорт-һауыҡтырыу комплексында саңғы буйынса Белорет районының асыҡ...

Тотош уҡырға 1 400

“Ҡарсығалар” беҙҙән ҡурҡамы?

“Ҡарсығалар” беҙҙән ҡурҡамы? 29.03.2019 // Спорт һәм туризм

Бөгөн Өфө ваҡыты менән киске сәғәт 10-сы яртыла “Салауат Юлаев” хоккей командаһы “Авангард” менән...

Тотош уҡырға 1 264

Себерҙә ауылды танытып ҡайттылар

Себерҙә ауылды танытып ҡайттылар 27.03.2019 // Спорт һәм туризм

Бөрйәндәр, ғафуриҙар, өфөләр, әлшәйҙәр, балаҡатайҙар, балтастар......

Тотош уҡырға 1 240

Башҡортостан данын Бөрйәндәр яҡланы

Башҡортостан данын Бөрйәндәр яҡланы 27.03.2019 // Спорт һәм туризм

18 - 24 мартта Төмән ҡалаһында IX Бөтә Рәсәй ҡышҡы ауыл спорт уйындары үтте....

Тотош уҡырға 1 401

Ҡар бураны уйнатты... Монах

Ҡар бураны уйнатты... Монах 27.03.2019 // Спорт һәм туризм

Өфөләге “Аҡбуҙат” ипподромында республика райондары араһында “Терра Башҡортостан” ат-спорт...

Тотош уҡырға 1 199

Йәш мәргәндәр сыҡты майҙанға

Йәш мәргәндәр сыҡты майҙанға 26.03.2019 // Спорт һәм туризм

Башҡортостандың 100 йыллығы уңайынан Учалыла ошо көндәрҙә балалар һәм үҫмерҙәр араһында Зәйнулла...

Тотош уҡырға 1 071

“Билмән”гә берәүҙең дә көсө етмәне

“Билмән”гә берәүҙең дә көсө етмәне 26.03.2019 // Спорт һәм туризм

Красноярск ҡалаһында бик ҡыҙыҡ ярыш уҙҙы. Унда сикәгә сабыу буйынса беренсе донъя чемпионаты...

Тотош уҡырға 1 175

Баймаҡ арғымаҡтары һынатмай

Баймаҡ арғымаҡтары һынатмай 25.03.2019 // Спорт һәм туризм

Баймаҡ районы — республикала йылҡысылыҡ тармағын үҫтереү буйынса тәүге урында тора. Район йылҡы...

Тотош уҡырға 1 048