Көндөң һалҡынса тороуы, ара-тирә ямғыр һибәләүе, хатта ҡар яуып китеүе көйәрмәндәр күңелен төшөрмәне. Иртә таңдан сират тороп билетлы булғандар Боҙ һарайына ашыҡһа, бындай бәхет тәтемәгәндәр, бар мәшәҡәттәрен онотоп, “зәңгәр экран” ҡаршыһына йыйылды. “Еңергә!” – һәр кемдә теләк шул ғына. Һәм ул тормошҡа ашты: “Торос” – чемпион!
Нефтекама командаһы Юғары хоккей лигаһының юғары бүләген – Братина кубогын – һуңғы дүрт йыл арауығында өсөнсө тапҡыр яуланы. Был уңыш, әлбиттә, еңел бирелмәне. Миҙгел барышы ла төрлө уй тыуҙырғайны. Команда 12-се урынға төшкәс, баш тренер алмашынды. Плей-оффты ла һигеҙенсе урындан башланыҡ. Финалдың бишенсе осрашыуындағы еңелеү ҙә шик-шөбһәне арттырҙы. Хәҙер иһә быларҙың барыһы ла артта ҡалды – “Торос” хоккейсылары үҙ боҙонда Братина кубогын күккә сөйҙө.
...Әлеге матчта “Ижсталь” хоккейсылары уйынды әүҙемерәк башлап ебәр­ҙе. Беҙҙең ҡапҡасы Евгений Лобанов, бар оҫталығын һалып, ҡунаҡтар атҡан шайбаларҙың юлын быуҙы. Тора-бара “Торос” хоккейсылары ҡыҙа төштө һәм өҫтөнлөктө үҙ ҡулына алды. Уларҙың бер-бер артлы ойошторған һөжүмдәре уңыш килтерҙе. 13-сө минутта Василий Мордвинов биргән шайбаны Андрей Коробейников ҡапҡаға индерҙе. Икенсе осор башында Самсон Махбод менән Дмитрий Черных иҫәпте арт­тырыуға өлгәште. Бынан һуң да Нефтекама уйынсыларының уңышлы һөжүм­дәре күп булды, әммә “Ижсталь” ҡапҡасыһы Сергей Костенко үҙ билә­мәһен ныҡ һаҡланы. Шайбаның бер нисә тапҡыр ҡапҡа бағаналарына бә­ре­леп ситкә осоуы айырыуса үкенес­ле булды. Һуңғы минуттарҙа аҙ­сы­лыҡ­та уйнаһа ла, “Торос” биреш­мә­не, ә ҡунаҡтарҙы уңыш урап үтте. Бында, әлбиттә, плей-офф уйындары һөҙөмтәһендә иң ышаныслы ҡапҡа һаҡ­сыһы булып танылған Евгений Лобанов­тың хеҙмәте ҙур булды.
Юғары хоккей лигаһының идарасы директоры Герман Скоропупов “Торос” капитаны Павел Доронинға Братина кубогын тапшырғансы уҡ Боҙ аре­наһында башланған байрам шатлығы урамға урғылып сыҡты һәм бар ҡалаға таралды...





Нефтекама командаһы Юғары хоккей лигаһының юғары бүләген – Братина кубогын – һуңғы дүрт йыл арауығында өсөнсө тапҡыр яуланы. Был уңыш, әлбиттә, еңел бирелмәне. Миҙгел барышы ла төрлө уй тыуҙырғайны. Команда 12-се урынға төшкәс, баш тренер алмашынды. Плей-оффты ла һигеҙенсе урындан башланыҡ. Финалдың бишенсе осрашыуындағы еңелеү ҙә шик-шөбһәне арттырҙы. Хәҙер иһә быларҙың барыһы ла артта ҡалды – “Торос” хоккейсылары үҙ боҙонда Братина кубогын күккә сөйҙө.
...Әлеге матчта “Ижсталь” хоккейсылары уйынды әүҙемерәк башлап ебәр­ҙе. Беҙҙең ҡапҡасы Евгений Лобанов, бар оҫталығын һалып, ҡунаҡтар атҡан шайбаларҙың юлын быуҙы. Тора-бара “Торос” хоккейсылары ҡыҙа төштө һәм өҫтөнлөктө үҙ ҡулына алды. Уларҙың бер-бер артлы ойошторған һөжүмдәре уңыш килтерҙе. 13-сө минутта Василий Мордвинов биргән шайбаны Андрей Коробейников ҡапҡаға индерҙе. Икенсе осор башында Самсон Махбод менән Дмитрий Черных иҫәпте арт­тырыуға өлгәште. Бынан һуң да Нефтекама уйынсыларының уңышлы һөжүм­дәре күп булды, әммә “Ижсталь” ҡапҡасыһы Сергей Костенко үҙ билә­мәһен ныҡ һаҡланы. Шайбаның бер нисә тапҡыр ҡапҡа бағаналарына бә­ре­леп ситкә осоуы айырыуса үкенес­ле булды. Һуңғы минуттарҙа аҙ­сы­лыҡ­та уйнаһа ла, “Торос” биреш­мә­не, ә ҡунаҡтарҙы уңыш урап үтте. Бында, әлбиттә, плей-офф уйындары һөҙөмтәһендә иң ышаныслы ҡапҡа һаҡ­сыһы булып танылған Евгений Лобанов­тың хеҙмәте ҙур булды.
Юғары хоккей лигаһының идарасы директоры Герман Скоропупов “Торос” капитаны Павел Доронинға Братина кубогын тапшырғансы уҡ Боҙ аре­наһында башланған байрам шатлығы урамға урғылып сыҡты һәм бар ҡалаға таралды...

А. ҮҘӘНБАЕВ.

Нефтекама ҡалаһы.

Константин ПОЛОЗОВ, “Торос”тың баш тренеры:
– Еңеү – барыбыҙ өсөн дә ҙур шатлыҡ. Әлбиттә, ул еңел би­релмәне. Братина кубогының беҙҙеке икәненә матч тамамланыуға ике секунд ҡалғас ҡына тулыһынса ышандым. Финалдағы бар уйындар ҙа ауыр булды, әммә ҡыйынлыҡтарҙы бер-бер артлы еңеп сыҡтыҡ. Маҡсатҡа ирештек: “Торос” – чемпион! Уйынсыларҙы ихлас ҡотлайым. Көйәрмәндәргә лә ҙур рәхмәт. Беҙҙең уңышта уларҙың да өлөшө бар.
Еңеүебеҙҙе фажиғәле һәләк булған билдәле хоккейсы һәм тренер Сергей Михалев иҫтәлегенә бағышлайбыҙ.