“Мораҙым”, “Кугарчинские вести” район гәзиттәре призына 11-се йыл үткәрелгән ярыш халыҡ тарафынан көтөп алынды.

Төрлө һөнәр эйәләрен, волейболсы­лар­ҙы, шах­матсыларҙы бергә туплаған сараның тантаналы өлөшөн редакция-нәшриәт комплексы директоры Альбина Ладыженко асты.
Көйәрмәндәр район хакимиәте, уның мәғариф бүлеге идаралығы, үҙәк дауахана хеҙмәткәрҙәре уйынын айырыуса ҡыҙыҡһы­нып күҙәтте. Тап улар ҡатнаш командалар араһында еңеүсе тип танылды ла. Ярышта быйыл беренсегә ҡатнашҡан Түбәнге Бикҡужа ауыл би­ләмәһе, Күгәрсен юл тө­ҙөү-ре­монтлау идаралығы, 84-се янғын һүндереү часы вә­килдәренә финалға сы­ғыр өсөн бер нисә генә мәрәй етмәне. Һәр хәл­дә, улар яҡ­шы уйын күр­һәтә алды һәм киләһе йылға ныҡлы әҙер­ләнә­сәктәре тураһында бел­дерҙе.
Ҡатын-ҡыҙҙар ара­һын­да Мораҡтан “Даешь, молодежь!” команда­һы­на етеүсе булманы. Ра­йон дауахана­һы менән Исем ауылы вә­кил­дәре иһә икенсе һәм өсөнсө урын­дарҙы бүлеште. Би­лә­мәләр араһында Мораҡ спорт­­сы­ларына тиңлә­шеүсе булманы. Иң яҡ­шы уйын­сылар тип На­талья Шкилева, Ру­зи­лә Вәхи­това, Әлиә Нур­мө­хә­мә­това, Рита Ғү­мә­рова, Ил­гиз Һө­йәр­ғолов, Вя­чес­лав Әб­делмәнев, Сер­гей Шаев, Николай Игнать­ев, Илшат Ибра­һимов билдәләнде.
Шахматсылар Мораҡ башҡорт гимназия­һын­да көс һынашты. Уйында 50-нән ашыу кеше ҡатнашты. Шуныһы ҡыуаныслы: был спорт төрөн балалар ҙа, өлкәндәр ҙә үҙ итә. Ярышҡа һикһәнде уҙған Фәрит Абдуллин, Азат Ялмәмбәтов, Олег Галян­киндың ки­леүе – үҙе бер мәртәбә. Уҡыу­сыларҙан Аделина Сиражетдинова, Гүзәл Айытҡо­лова тәүге урын­дарҙы яуланы.
Еңеүселәргә бағыусылар иҫтәлекле бүләктәр тапшырҙы.