Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Олимпия уты Өфөгә килде!
Олимпия уты  Өфөгә килде!Бәй, был ни ғиллә? Әллә Өфө урамдары киңәйгәнме? Ҡара-ҡара, бығаса юлды ҡаплап тегеләй-былай теҙелеп киткән машиналар ҙа ғәйеп булған. Тулы тәртип! Бындай юлда йөрөүе лә күңелле. Олимпия эстафетаһын ҡаршы алыу өсөн “Өфө” вокзалына ана шулай анһат ҡына барып еттек.
Вокзал гөж килә. Бейейҙәр, йырлайҙар. Барыһында ла байрам кәйефе. Шулай булмаҫлыҡ та түгел шул! Илдә беренсе тапҡыр Олимпия уты, барлыҡ Рәсәй буйлап йөрөп, 20 декабрҙә Башҡортостандың баш ҡалаһына килде. Уны республика йәштәр сәйәсәте һәм спорт министры Андрей Иванюта, ҡала хакимиәте башлығы Ирек Ялалов ҡаршы алды.
Факелды тәүгеләрҙән булып Олимпия уйындары призеры Руслан Насибуллин ҡабул итеп, бер аҙҙан Данил Айытҡоловҡа тапшырҙы. Тамаша ҡылырға сыҡҡандар тиҙҙән уны “Өфө” футбол клубы директоры Илдус Бигловтың ҡулында күрҙе. 1980 йылда Мәскәүҙә үткән Олимпия уйындары чемпионы Игорь Соколов иһә шашкасы Айнур Шәйбәковҡа тотторҙо… Шулай итеп, серле ялҡын, ҡулдан-ҡулға күсеп, Карл Маркс, Пушкин, Туҡай, Зәки Вәлиди, Совет, Сочи урамдары буйлап китте. Софья Перовская, Аврора, Эшсе хәбәрселәр, Степан Кувыкин, Менделеев урамдарынан һуң Олимпия утын “Салауат Юлаев” майҙанында, ә сәғәт икелә “Олимпик-Парк” тау саңғыһы үҙәгендә ҡаршы алдылар.
Эстафетаның тәүге көнө “Аҡбуҙат” ипподромында тамамланды. Бында ҡунаҡтарҙы 800 Ҡыш бабай көтөп тора ине. Ә үҫмерҙәр араһында бишалыш буйынса Европа чемпионы Гөлназ Ғөбәйҙуллинаның факелды атта һыбай йөрөтөүен йыйылыусылар ҡыҙыҡһынып күҙәтте.
Олимпия уты  Өфөгә килде!Бөгөн иһә эстафета Өфө моторҙар етештереү берекмәһе майҙанынан башланды. Ферин урамынан юл алған тамашаны Сельская Богородская, Интернациональ, Вологда һәм баш ҡаланың башҡа урамдарында йәшәүселәр хозурланып күҙәтте. Унан һуң Олимпия уты Еңеү паркында, “Биатлон” спорт-һауыҡтырыу комплексында, Республика урыҫ дәүләт драма театрында, Башҡорт дәүләт медицина университетының ирекмәндәр үҙәгендә лә халыҡтың күңеленә нур һалды.
Был көндәр ҡала халҡы өсөн үҙе бер байрамға әүерелде. Төрлө конкурстар, викториналар ойошторолдо. Шулай уҡ “Өфө-Арена”ла Рәсәй олимпия командаһы йорто асылды.
Ғәжәп үҙенсәлекле тамаша ике көн буйы 86 саҡрымдан ашыу юл үтте, утты 400 кеше ҡулында йөрөттө. Тантана бөгөн “Өфө-Арена” алдындағы майҙанда тамамлана. Бында Олимпия утын танылған спортсы Алексей Селиверстов менән Башҡортостан Президенты Рөстәм Хәмитов ҡабыҙа. Факел артабан Ырымбурға оҙатыла. Эстафета 7 февралдә, барлығы 65 мең километр ара үтеп, Сочи ҡалаһында тамамлана. Шулай XXII Олимпия уйындарына старт бирелеүен хәбәр итәсәк ул.
...Их, шундай саралар йышыраҡ ойошторолһа ине. Ҡарҙан таҙартылған, иркен урамдарҙан йөрөү ҡайһылай рәхәт!




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Юҡ инде, һеҙ беҙгә...

Юҡ инде, һеҙ беҙгә... 31.03.2019 // Спорт һәм туризм

“Салауат Юлаев” менән “Авангард” хоккей командалары араһында икенсе матч башланды. Тәүгеһе элекке...

Тотош уҡырға 2 689

Йөҙ көн ҡалды

Йөҙ көн ҡалды 31.03.2019 // Спорт һәм туризм

Быйыл 9 – 14 июлдә Өфөлә Халыҡ-ара балалар уйындары була....

Тотош уҡырға 2 313

Бөркөттәрҙе йыйҙы "Бөркөт"

Бөркөттәрҙе йыйҙы "Бөркөт" 30.03.2019 // Спорт һәм туризм

Сибай ҡалаһының “Бөркөт” физкультура-һауыҡтырыу комплексында Башҡортостан Мәғариф министрлығының...

Тотош уҡырға 2 255

Мәғариф хеҙмәткәрҙәре майҙан тотто

Мәғариф хеҙмәткәрҙәре майҙан тотто 30.03.2019 // Спорт һәм туризм

Хәйбулла районы үҙәге Аҡъярҙа Урал аръяғы район-ҡалаларының мәғариф учреждениелары хеҙмәткәрҙәре...

Тотош уҡырға 2 215

Белореттар әле лә саңғыла

Белореттар әле лә саңғыла 30.03.2019 // Спорт һәм туризм

Бөгөн Белорет районының “Ҡурташ” спорт-һауыҡтырыу комплексында саңғы буйынса Белорет районының асыҡ...

Тотош уҡырға 1 400

“Ҡарсығалар” беҙҙән ҡурҡамы?

“Ҡарсығалар” беҙҙән ҡурҡамы? 29.03.2019 // Спорт һәм туризм

Бөгөн Өфө ваҡыты менән киске сәғәт 10-сы яртыла “Салауат Юлаев” хоккей командаһы “Авангард” менән...

Тотош уҡырға 1 264

Себерҙә ауылды танытып ҡайттылар

Себерҙә ауылды танытып ҡайттылар 27.03.2019 // Спорт һәм туризм

Бөрйәндәр, ғафуриҙар, өфөләр, әлшәйҙәр, балаҡатайҙар, балтастар......

Тотош уҡырға 1 240

Башҡортостан данын Бөрйәндәр яҡланы

Башҡортостан данын Бөрйәндәр яҡланы 27.03.2019 // Спорт һәм туризм

18 - 24 мартта Төмән ҡалаһында IX Бөтә Рәсәй ҡышҡы ауыл спорт уйындары үтте....

Тотош уҡырға 1 400

Ҡар бураны уйнатты... Монах

Ҡар бураны уйнатты... Монах 27.03.2019 // Спорт һәм туризм

Өфөләге “Аҡбуҙат” ипподромында республика райондары араһында “Терра Башҡортостан” ат-спорт...

Тотош уҡырға 1 199

Йәш мәргәндәр сыҡты майҙанға

Йәш мәргәндәр сыҡты майҙанға 26.03.2019 // Спорт һәм туризм

Башҡортостандың 100 йыллығы уңайынан Учалыла ошо көндәрҙә балалар һәм үҫмерҙәр араһында Зәйнулла...

Тотош уҡырға 1 070

“Билмән”гә берәүҙең дә көсө етмәне

“Билмән”гә берәүҙең дә көсө етмәне 26.03.2019 // Спорт һәм туризм

Красноярск ҡалаһында бик ҡыҙыҡ ярыш уҙҙы. Унда сикәгә сабыу буйынса беренсе донъя чемпионаты...

Тотош уҡырға 1 174

Баймаҡ арғымаҡтары һынатмай

Баймаҡ арғымаҡтары һынатмай 25.03.2019 // Спорт һәм туризм

Баймаҡ районы — республикала йылҡысылыҡ тармағын үҫтереү буйынса тәүге урында тора. Район йылҡы...

Тотош уҡырға 1 048