Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Асылыбыҙға тоғро ҡалдыҡ
Бөтә донъя башҡорттары ҡоролтайының башҡарма комитеты үткәргән сираттағы ултырышта халыҡ-ара кимәлдәге йәмәғәт берекмәләре союзының 2011 йылғы эшмәкәрлегенә йомғаҡ яһалды һәм киләһе йылға бурыстары билдәләнде.
Эшлекле һөйләшеүгә башҡарма комитет ағзалары, Рәсәй төбәктәрендәге һәм Башҡортостандың район-ҡалаларындағы башҡорт ҡоролтайҙары рәйестәре генә түгел, илдең алтынсы саҡырылыш Дәүләт Думаһына һайланған депутаттар ҙа саҡырылғайны.
Шулай итеп, ултырышта Рәсәйҙең иң юғары закондар сығарыу органында эшләүсе Марсель Йосопов, Сәлиә Мырҙабаева һәм Иршат Фәхретдинов ҡатнашты. Сығыш яһаусылар башҡорт халҡын борсоған социаль-иҡтисади һәм рухи-мәҙәни мәсьәләләрҙе күтәрҙе, ойошманың эш сифатына ҡағылышлы фекерҙәр ҙә еткерҙе.
– Уҙып барған йыл башҡорт Ҡоролтайы өсөн ҡатмарлы ғына булды, – тип билдәләне башҡарма комитет рәйесенең беренсе урынбаҫары Румил Аҙнабаев. – Эшебеҙгә байтаҡ яңы йүнәлеш индерелде, шулай ҙа төп асылыбыҙға тоғро ҡалдыҡ. Йыл дауамында телгә, мәҙәниәткә, кадрҙарға бәйле етди бәхәстәрҙә ҡатнашырға тура килде, беҙҙең ҡәтғилек һәм дәррәүлек был мәсьәләләрҙе хәл иткәндә үҙ һөҙөмтәһен бирмәй ҡалманы.
Румил Тәлғәт улы Бөтә донъя башҡорттары ҡоролтайының Иҡтисад, эшҡыуарлыҡ һәм ер мәсьәләләре буйынса комиссияһы башланғысы менән халыҡты эшҡыуарлыҡҡа нығыраҡ йәлеп итеү маҡсатында асылған Бизнес үҙәгенең эшенә яҡшы баһа бирҙе, Ҡоролтай ағзаларының республиканың төньяҡ-көнсығыш райондарын үҫтереү программаһын төҙөүҙә ҡатнашыуын, ЮНЕСКО-ның республикалағы бүлексәһе менән тығыҙ бәйләнеш булдырылыуын ҡаҙаныштар иҫәбенә индерҙе. Әле «Урал батыр» эпосын донъя ҡомартҡылары исемлегенә керетеү мәсьәләһе хәл ителә, күренекле шәхестәребеҙҙең иҫтәлеген мәңгеләштереү буйынса саралар тормошҡа ашырыла.
Йәмәғәт берекмәләре союзының быйыл ойошторолған Дөйөм Рәсәй халыҡ фронтына инеүе, башҡарма комитет ағзаларының Дәүләт Думаһына алдан һайлауҙа ҡатнашыуы – сәйәси әүҙемлектең асыҡ дәлиле. Социаль йүнәлештәге эштәргә килгәндә, «Айыҡ ауыл» акцияһын 100-ҙән ашыу ауылдың күтәреп алыуы хаҡында телгә алыу ҙа етә. «Һуңғы ваҡытта спортҡа иғтибарҙы көсәйтәбеҙ, айырыуса милли көрәште үҫтереү буйынса эш һәйбәт һөҙөмтәләр бирә», – тине башҡарма комитет рәйесе урынбаҫары.
Ултырышта Татарстан Республикаһы, Ханты-Манси автономиялы округы, Пермь крайы, Ырымбур һәм Силәбе өлкәләре ҡоролтайҙарының эшмәкәрлеге хаҡында ла телмәрҙәр тыңланды. Бүтән төбәктәрҙә йәшәүсе башҡорттарҙы борсоған мәсьәләләр, әлбиттә, бихисап.
Киләһе йылда ғәмәлгә ашыраһы мөһим бурыстар ҙа байтаҡ. Милли мәғарифты, мәҙәниәтте, эшҡыуарлыҡты үҫтереү, тарихты өйрәнеү һәм башҡа мәсьәләләр көнүҙәк булыуын юғалтмаясаҡ. Төп эштәр иҫәбенә 1812 йылғы Ватан һуғышының 200 йыллығына бәйле саралар ойоштороу ҙа ингән.
Милләтебеҙҙең абруйын күтәреүгә тос өлөш индереүсе шәхестәргә Бөтә донъя башҡорттары ҡоролтайының йәмәғәт премияларын тапшырыу ултырыштың төп үҙенсәлеге булғандыр. Ғалимдар Әнүәр Әсфәндиәров менән Рәшит Шәкүр, медицина фәндәре докторҙары Марс Юлдашев менән Мәхмүзә Ғәйнуллина, ҡумыҙсы Миңлеғәфүр Зәйнетдинов, йәмәғәт эшмәкәре Ләлә Бейешева, яҙыусы-мәғрифәтсе Мәрйәм Бураҡаева, скульптор Өлфәт Ҡобағошев, ҡурайсы-фольклорсы Юлай Ғәйнетдинов, «Төньяҡ амурҙары» хәрби-тарихи клубы етәксеһе Илдар Шәйәхмәтов, журналистар Әхмәр Үтәбай, Салауат Хәмиҙуллин һәм Урал Сафиуллин, эшҡыуар Рәйлә Фәсхетдинова, Күмертау ҡалаһы башҡорттары ҡоролтайы башлығы Рәйсә Сырлыбаева, йәмәғәтсе-ветеран Абдрахман Вәлидов, сәсән һәм «Айыҡ ауыл» проектын башлаусы Вәсилә Садиҡова, йәш ғалим Рәфил Аҫылғужин премияның тәүге лауреаттары булды.
Я. УСМАНОВ.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






9 майҙа республика учреждениеларына Еңеү байрағының күсермәләре эленергә тейеш

9 майҙа республика учреждениеларына Еңеү байрағының күсермәләре эленергә тейеш 30.04.2025 // Йәмғиәт

9 майҙа республика учреждениеларына Еңеү байрағының күсермәләре эленергә тейеш...

Тотош уҡырға 61

Өфөнөң яңы урамына Рамазан Өмөтбаев исеме бирелде

Өфөнөң яңы урамына Рамазан Өмөтбаев исеме бирелде 30.04.2025 // Йәмғиәт

Өфөнөң яңы урамына Рамазан Өмөтбаев исеме бирелде...

Тотош уҡырға 50

Республикала бер аҙ ямғыр яуыуы һәм ҡырау төшөүе фаразлана

Республикала бер аҙ ямғыр яуыуы һәм ҡырау төшөүе фаразлана 30.04.2025 // Йәмғиәт

Республикала бер аҙ ямғыр яуыуы һәм ҡырау төшөүе фаразлана...

Тотош уҡырға 51

9 майҙа Өфөлә йәмәғәт транспортының эш графигы билдәле булды

9 майҙа Өфөлә йәмәғәт транспортының эш графигы билдәле булды 30.04.2025 // Йәмғиәт

9 майҙа Өфөлә йәмәғәт транспортының эш графигы билдәле булды...

Тотош уҡырға 48

Башҡортостанда ВИЧ-инфекцияға бәйле хәл тотороҡланды

Башҡортостанда ВИЧ-инфекцияға бәйле хәл тотороҡланды 29.04.2025 // Йәмғиәт

Башҡортостанда ВИЧ-инфекцияға бәйле хәл тотороҡланды...

Тотош уҡырға 51

Республикала Өфө — Инйәр — Белорет трассаһы участкаһы штат режимында эшләй

Республикала Өфө — Инйәр — Белорет трассаһы участкаһы штат режимында эшләй 29.04.2025 // Йәмғиәт

Республикала Өфө — Инйәр — Белорет трассаһы участкаһы штат режимында эшләй...

Тотош уҡырға 53

Башҡортостанда һыу инеү миҙгеленә әҙерлек әүҙем бара

Башҡортостанда һыу инеү миҙгеленә әҙерлек әүҙем бара 29.04.2025 // Йәмғиәт

Башҡортостанда һыу инеү миҙгеленә әҙерлек әүҙем бара...

Тотош уҡырға 49

Башҡорт теленән халыҡ-ара диктантты 405 меңдән ашыу кеше яҙған

Башҡорт теленән халыҡ-ара диктантты 405 меңдән ашыу кеше яҙған 29.04.2025 // Йәмғиәт

Башҡорт теленән халыҡ-ара диктантты 405 меңдән ашыу кеше яҙған...

Тотош уҡырға 48

Башҡортостанда һуғыш балаларына 2-шәр мең һум аҡса түләнә

Башҡортостанда һуғыш балаларына 2-шәр мең һум аҡса түләнә 29.04.2025 // Йәмғиәт

Башҡортостанда һуғыш балаларына 2-шәр мең һум аҡса түләнә...

Тотош уҡырға 48

Башҡортостанда һуғыш балаларына 2-шәр мең һум аҡса түләнә

Башҡортостанда һуғыш балаларына 2-шәр мең һум аҡса түләнә 29.04.2025 // Йәмғиәт

Башҡортостанда һуғыш балаларына 2-шәр мең һум аҡса түләнә...

Тотош уҡырға 48

Иғтибар, күнекмә! Бөгөн Өфөнөң барлыҡ мәктәптәрен эвакуациялайҙар

Иғтибар, күнекмә! Бөгөн Өфөнөң барлыҡ мәктәптәрен эвакуациялайҙар 29.04.2025 // Йәмғиәт

Иғтибар, күнекмә! Бөгөн Өфөнөң барлыҡ мәктәптәрен эвакуациялайҙар...

Тотош уҡырға 46

Республикала 7,3 меңдән ашыу Бөйөк Ватан һуғышы ветераны йәшәй

Республикала 7,3 меңдән ашыу Бөйөк Ватан һуғышы ветераны йәшәй 28.04.2025 // Йәмғиәт

Республикала 7,3 меңдән ашыу Бөйөк Ватан һуғышы ветераны йәшәй...

Тотош уҡырға 51