Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Яуапһыҙлыҡ бәләһе
Яуапһыҙлыҡ бәләһеҺауа ҡапҡаларының эше һәр ваҡыт һауа торошона бәйле. Кисә көн ифрат йәмле, ҡояшлы ине – самолеттар бер ҡаршылыҡһыҙ оса алды. Мәгәр, аэропорт етәкселегенә улай тойолмағандыр – уларҙың баш осонда болоттар ҡуйыра: терминалдағы эште тейешенсә ойоштора алмаған өсөн "Өфө" аэропорты директорына эштән бушатыу ихтималлығы янай.
Билдәле булыуынса, күңелһеҙ ваҡиға 18 августа башланғайны. Өфө ҡалаһында йәшәүсе Светлана Мостафина инвалид сабыйы менән Мәскәүҙән ҡайтҡан. Церебраль фалиж менән яфаланыусы балаға илдең баш ҡалаһында ортопедик операция яһағандар... Хәҙер иһә күҙ алдына килтерегеҙ: дауаханала ятып йонсоған, юлдан арыған, әммә сабыйының һауығыуына өмөтөн юғалтмаған ҡатын, ниһайәт, тыуған ҡалаһының аэропортына килеп төштө, ти. Бала, мөмкинлегенә бәйле, ултыра ғына ала, табиптар уға баҫып тороуҙы, йөрөүҙе тыйған. Инвалид коляскаһы – төп ихтыяж, әммә ул самолеттың багажында. Баҡһаң, Мәскәүҙә үк "Трансаэро" авиакомпанияһы хеҙмәткәрҙәре әсәнән колясканы алып, багажға тапшырған. Светлана иһә, баланың хәлен белгәнгә күрә, уны самолет салонына алырға рөхсәт итеүҙе үтенгән. Үҙ сиратында, яуаплы кешеләр “Өфө” аэропортында колясканы трапҡа уҡ килтерәсәктәренә ышандырған. Ҡыҙғанысҡа ҡаршы, вәғәҙә үтәлмәгән, Өфөлә бортты оҙатыусылар колясканы багаж бүлегенән, әйберҙәр менән бергә барып алырға тәҡдим иткән. Һөҙөмтәлә, ярҙамһыҙ ҡалған ҡатын (уның көсө лә самалы инде!) багаж бүлегендә баланы ҡулынан ысҡындырып ебәреп, ул имгәнеп ҡуйған.
Ә хәҙер белмәгәндәр өсөн аңлатма: самолеттан сыҡҡандан һуң, багаж бүлегенә барып еткәнгә тиклем түбән түшәмле тар коридорҙар, бер нисә ҡат баҫҡыс аша байтаҡ юл үтергә кәрәк. Һау кешеләр өсөн, бәлки, был әллә ни ауыр эш булып тойолмайҙыр, мәгәр сирле сабый йөкмәгән ҡатын өсөн – етди ҡаршылыҡ. Светлана Мостафинаны аңларға мөмкин: битарафлыҡтан зыян күргән ҡатын республика етәксеһенә мөрәжәғәт итеп, аэропорттағы хеҙмәтләндереү хаҡында бәйән иткәйне, сара күреүҙе үтенгәйне.
27 августа аэропортта Башҡортостан Президенты Рөстәм Хәмитов үҙе булып, пассажирҙар үтәһе юлдарҙы байҡап сыҡты. Һөҙөмтәлә һауа вокзалында етди реконструкция талап ителеүе асыҡланды. Бының өсөн төрлө варианттар уйланыласаҡ, әммә уларҙың маҡсаты бер – Өфөгә һауа юлы буйлап килгән пассажирҙар өсөн уңайлыраҡ шарттар булдырыу.
– Кешеләр самолеттан төшкәс, багаж бүлегенә тар коридорҙар буйлап, урау-урау юлдан барырға тейеш түгел. Ошоно төҙәтеү маҡсатында тейешле аҡса бүленәсәк, – тип белдерҙе Рөстәм Зәки улы.
"Өфө" аэропорты Башҡортостан Республикаһының милке булып тора. Киләсәктә бында ҙур реконструкция буласаҡ, майҙаны 15 — 20 мең квадрат метр самаһы тәшкил иткән яңы терминал төҙөү күҙаллана. Белгестәр билдәләүенсә, яңыртылған аэропорт халыҡ-ара осоштар терминалының эшен яйлаясаҡ һәм эске осоштар өсөн тәғәйенләнгәнендә лә өҫтәмә мөмкинлектәр булдырасаҡ.
...Бер хеҙмәткәрҙең яуапһыҙлығы арҡаһында йәмәғәтселек иғтибарына тарыған "Өфө" аэропортына пассажирҙар менән аралашыу өсөн барып килдек. Ул штатлы режимда эшләй, билдәләнгән ваҡытта пассажирҙарҙы һауа ҡапҡалары аша күктәге күренмәгән юлдарға оҙата ине. Юлсылар араһында ир-ат бихисап: вахта ысулы менән эшләгән яҡташтарыбыҙ Себер тарафына йыйына. Бөрө һәм Ишембай ҡалаларында йәшәүсе Сергей менән Андрей Когалым аэропорты менән Өфөнөкө сағыштырғыһыҙ булыуын, тыуған яҡты һағынып ҡайтҡанда ҡояшлы Башҡортостандың һауа ҡапҡаларынан да яҡынырак, уңайлыраҡ аэропорт булмауын әйтеп үтте. Әлшәй районынан Уренгойға осорға йыйынған Ирек Ғайсин да һүҙгә ҡушылды: уға, Өфөгә килеп төшкәс тә, иғландарҙы башҡортса әйтеүҙәре бигерәк оҡшай икән. "Беҙгә, эшкә йыйынғандарға, бындағы шарттар ифрат һәйбәт тойола: таҙа, яҡты, уңайлы. Инвалид бала менән булған хәл хаҡында телевизорҙан ишеттем – кемдеңдер яуапһыҙлығы, әлбиттә. Кешеләргә иғтибарлыраҡ булыу фарыз. Үҙемә ҡалһа, дәғүәм юҡ", – тине ул. Санкт-Петербургка осорға йыйынған Лилиә ханым – Салауат ҡалаһынан. Эш буйынса ул айына бер нисә тапҡыр аэропорт хеҙмәте менән файҙаланырға мәжбүр. Ҙур ҡалалағы һауа ҡапҡаларынан айырмалы, Өфөләге бөхтәлек, таҙалыҡ шунда уҡ күҙгә ташлана, ти ул. Милли сувенирҙар һатҡан сауҙа нөктәләренең булыуы ла Башҡортостан ҡунаҡтары өсөн ҡулай. Дөйөм алғанда, аралашҡан кешеләр аэропорт эшмәкәрлеген ыңғай баһаланы, мәгәр ундағы шарттар яҡшырған хәлдә, тағы ла һәйбәтерәк булыр, тип белдерҙе. Нисек кенә булмаһын, шарттар булыуы бер, әммә ойошманың абруйын барыбер унда эшләгән кешеләр билдәләй.
Гүзәлиә БАЛТАБАЕВА


Артем ВӘЛИЕВ, Башҡортостан Президентының матбуғат секретары:

– Аэропорт директорын эштән ебәреү мәсьәләһен күтәреп, Президент шәхси проблеманы ғына хәл итмәй. Был республика чиновниктарына аныҡ иҫкәртеү: кем дә кем "Кешеләр өсөн эшләргә" принцибынан сығып, үҙенә йөкмәтелгән вазифаһын үтәй һәм ҡул аҫтындағы ведомствоның эшен тейешенсә ойоштора алмай икән, ул урынын бушатырға тейеш. Абстракт күрһәткестәр өсөн генә эшмәкәрлек алып барыу ваҡыты үтте. Власть һәм иҡтисад бер төптән булып, граждандар мәнфәғәтендә хеҙмәт итә торған осор.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 4 515

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 3 656

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 4 502

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 4 306

Бер быуаттан йәнә тупланы Темәс

Бер быуаттан йәнә тупланы Темәс 31.03.2019 // Йәмғиәт

Тап бынан йөҙ элек булған кеүек үк, ҡунаҡтарҙы Темәс ерендә һыбайлылар флагтар тотоп ҡаршы алды....

Тотош уҡырға 2 895

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 3 540

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 3 867

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 3 051

Татарстан башҡорттары ҡоролтайға әҙерме?

Татарстан башҡорттары ҡоролтайға әҙерме? 30.03.2019 // Йәмғиәт

Бөгөн Ҡазанда Татарстан башҡорттары ҡоролтайы ултырышы булды....

Тотош уҡырға 2 580

Бабичтың кендек ҡаны тамған ер ул Ҡыйғаҙытамаҡ!

Бабичтың кендек ҡаны тамған ер ул Ҡыйғаҙытамаҡ! 30.03.2019 // Йәмғиәт

Башҡортостан автономияһының йылъяҙмасыһы, дәүләт эшмәкәре, шағир, музыкант, ойоштороусы Шәйехзада...

Тотош уҡырға 2 630

Төйәләҫтәр алыҫҡа йөрөмәҫ

Төйәләҫтәр алыҫҡа йөрөмәҫ 30.03.2019 // Йәмғиәт

Сибай ҡалаһының Төйәләҫ ҡасабаһында йыл аҙағында заман талаптарына яуап биргән фельдшер-акушерлыҡ...

Тотош уҡырға 2 468

Шәжәрәле ерҙә тәртип түрҙә

Шәжәрәле ерҙә тәртип түрҙә 30.03.2019 // Йәмғиәт

2018 йылдың 1 сентябрендә “Башҡортостан тарихы шәхестәр күҙлеге аша: генеалогик аспект” тигән...

Тотош уҡырға 2 649