Радий Хәбиров республика буйынса Ғәҙәттән тыш хәлдәр министрлығының элекке етәксеһенә маҡтаулы исем тапшырҙы

Башҡортостан Башлығы Радий Хәбиров 9 июндә хөкүмәттең оператив кәңәшмәһе барышында республика буйынса Ғәҙәттән тыш хәлдәр министрлығының элекке начальнигы Марат Латиповҡа «Башҡортостан Республикаһының атҡаҙанған ҡотҡарыусыһы» тигән маҡтаулы исем тапшырҙы. Марат Рәис улы республиканың идара итеү командаһына эшкә саҡырылды, тип белдерҙе ул.

«Был минең генә наградам түгел, ә шәхси составтыҡы ла. Барлыҡ шәхси состав республикала эшләүе менән ғорурлана, сөнки һеҙҙең ярҙамығыҙ менән янғын-ҡотҡарыу хеҙмәте үҫтерелә», — тине Марат Латипов.

«Башинформ» хәбәр иткәнсә, Ғәҙәттән тыш хәлдәр министрлығының Башҡортостан буйынса баш идаралығы начальнигы эске хеҙмәт генерал-майоры Марат Латипов отставкаға китте. Рәсәй президенты указы менән ул биләгән вазифаһынан бушатылды. 19 майҙан Ғәҙәттән тыш хәлдәр министрлығы башлығы отпускыла, ведомство етәксеһе вазифаһын начальниктың беренсе урынбаҫары Эдуард Иҙрисов башҡара.

https://www.bashinform.ru/news/social/2025-06-09/radiy-habirov-prisvoil-eks-nachalniku-mchs-po-bashkirii-pochetnoe-zvanie-4270281