Республикала башҡорт телен өйрәнгән уҡыусыларҙың артыуы күҙәтелә

Башҡортостанда башҡорт телен өйрәнгән уҡыусыларҙың артыуы күҙәтелә. Был хаҡта республиканың мәғариф һәм фән министры Илдар Мәүлитбирҙин хөкүмәттең аҙналыҡ оператив кәңәшмәһендә белдерҙе.

Уның һүҙҙәренсә, быйылғы уҡыу йылында 409 меңдән ашыу уҡыусы башҡорт телен республиканың дәүләт теле булараҡ өйрәнә. Башҡорт теле уҡытыусыларының беренсе Бөтә Рәсәй съезы ойошторолған 2019 йыл менән сағыштырғанда, башҡорт телен өйрәнергә теләк белдергән балалар 67% алып 79% тиклем артҡан.

«Шулай уҡ беҙ полилингваль гимназиялар селтәрен булдырыуҙы дауам итәбеҙ, әле улар 9. Быйыл тағы ла өс мәктәп асырға йыйынабыҙ», — тип өҫтәне министр.

Илдар Мәүлитбирҙин һүҙҙәренсә, Өфөлә башҡорт теле уҡытыусыларының икенсе Бөтә Рәсәй съезы сараларында йәмғеһе 750-нән ашыу кеше ҡатнашҡан, уларҙың 550-гә яҡыны республика ҡалаларынан һәм райондарынан, шулай уҡ Рәсәй төбәктәренән делегат булып килгән.

Бынан алдараҡ Башҡортостан Башлығы Радий Хәбиров республиканың башҡорт телен өйрәнеүҙәге ҡаҙаныштарын баһаланы.

https://www.bashinform.ru/news/obrazovanie/2025-05-19/v-bashkirii-nablyudaetsya-rost-chisla-shkolnikov-izuchayuschih-bashkirskiy-yazyk-4241113