Вконтакте Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
Башҡортостан гәзите » Йәмғиәт » Радий Хәбиров республика халҡын Ватанды һаҡлаусылар көнө менән ҡотланы
Фото: Валерий Шахов

Радий Хәбиров республика халҡын Ватанды һаҡлаусылар көнө менән ҡотланы

Өфөлә Ватанды һаҡлаусылар көнөнә арналған тантаналы йыйылыш бара. Башҡортостан Башлығы Радий Хәбиров барыһын да Ватанды һаҡлаусылар көнө – батырлыҡ, намыҫ һәм Тыуған илгә тоғролоҡ байрамы менән ҡотланы.


«2025 йыл Рәсәй Президенты Указы менән Ватанды һаҡлаусылар йылы тип иғлан ителде. Беҙҙең республикала иһә МХО-ла ҡатнашыусыларға һәм уларҙың ғаилә ағзаларына ярҙам йылы. Был еңеүселәр быуынының бөйөк батырлығына, тыл геройҙарының ҡаһарманлығына, һәләк булған яугирҙәрҙең иҫтәлегенә хөрмәт күрһәтеү билдәһе булып тора. Бөгөнгө геройҙарыбыҙға – махсус хәрби операцияла ҡатнашыусыларға рәхмәт белдереү ҙә.


Яҡташтарыбыҙ яуҙа ҡыйыулыҡ һәм батырлыҡ күрһәтә, күптәре дәүләт наградаларына лайыҡ. 12 яугиргә Рәсәй Федерацияһы Геройы тигән юғары исем бирелде. Ҡыҙғанысҡа ҡаршы, уларҙың һигеҙе үлгәндән һуң лайыҡ булды. Исемдәре беҙҙең йөрәктәрҙә мәңге һаҡланыр.


Еңеүҙең 80 йыллығын иҫтәлекле ваҡиға менән ҡаршылайбыҙ. Быйыл 15 ғинуарҙа Президент Указы менән Ишембай ҡалаһы, Өфө кеүек үк, «Хеҙмәт батырлығы ҡалаһы» тигән маҡтаулы исемгә лайыҡ булды. Яҡташтарыбыҙҙың Бөйөк Еңеүгә индергән өлөшөн юғары баһалау көнө-төнө хеҙмәт фронтында тир түккәндәр тураһында яҡшы хәтер булып тора. Беҙ һәр ваҡытта ла Рәсәйҙең терәге булдыҡ һәм булып ҡалабыҙ», - тип билдәләне Радий Хәбиров.


Тантаналы йыйылышҡа Бөйөк Ватан һуғышы ветерандары ла саҡырылған.


Петр Михайлович Сергеев Украина ҡалаларын һәм ауылдарын фашистарҙан азат иткән. Быйыл ул бер быуатлыҡ юбилейын билдәләй.


Радиотелеграфист Владимир Антонович Пискарев япон милитаристарына ҡаршы һуғышҡан. Элемтә ғәскәрҙәрендә хеҙмәт иткән, «Пхеньян – Мәскәү» хөкүмәт телефон линияһы өсөн яуаплы булған.


«Был залда шулай уҡ ғүмерен Тыуған илен һаҡлауға арнағандар –  Хәрби Көстәр, хәрби хәрәкәттәр ветерандары, көс структуралары вәкилдәре ултыра. Рәсәй Геройҙары Борис Александрович Дудко, Степан Михайлович Белов, Риф Рәйес улы Сәхәбетдинов та беҙҙең менән бергә. Хеҙмәтегеҙ өсөн рәхмәт!


Алғы һыҙыҡтағы махсус хәрби операция яугирҙәренең һәр береһенә рәхмәт әйткем килә. Һеҙ тағы ла Башҡортостандың геройҙар төйәге икәнен раҫлайһығыҙ», - тине Радий Хәбиров. 


Һуңғы көнгәсә антына тоғро ҡалып, батырҙарса һәләк булғандарҙы иҫкә алабыҙ, тип билдәләне республика етәксеһе. Улар араһында төрлө һөнәр эйәләре: уҡытыусылар, инженерҙар, медицина хеҙмәткәрҙәре, аграрийҙар, мәҙәниәт эшмәкәрҙәре бар.


«Яҙыусы Сабит Мағаз улы Фазлыев һуңғы һигеҙ йылда Ейәнсура районының Үтәғол ауыл биләмәһе башлығы булып эшләне. МХО башланғандан бирле яҡташтарыбыҙға гуманитар ярҙам йыйыуҙа әүҙем ҡатнашты, 2024 йылдың башында фронтҡа китте һәм яу яланында һәләк булды. «Победа» гәзитенең баш мөхәррире Винер Фларис улы Йыһаншин 30 йылға яҡын журналистикала эшләне. Былтыр ул да үҙ теләге менән Тыуған илен һаҡларға юлланды. Геройҙарыбыҙҙың исемдәре һәм ҡаһарманлығы быуаттар буйына йәшәйәсәк», – тине Радий Хәбиров.


Тантаналы йыйылышта ҡатнашыусылар Ватан өсөн һәләк булғандарҙы бер минутлыҡ тынлыҡ менән иҫкә алды.


https://www.bashinform.ru/news/social/2025-02-21/radiy-habirov-pozdravil-zhiteley-bashkirii-s-dnyom-zaschitnika-otechestva-4132132



Автор: Азат Ғиззәтуллин / Источник


Беҙҙе Яндекс Дзен лентаһында уҡығыҙ

В ОдноклассникахВконтакте





Пермь крайы тауҙарында иҫән ҡалған берҙән-бер турист Өфөгә күсерелде

Пермь крайы тауҙарында иҫән ҡалған берҙән-бер турист Өфөгә күсерелде 13.03.2026 // Йәмғиәт

Пермь крайы тауҙарында иҫән ҡалған берҙән-бер турист Өфөгә күсерелде...

Тотош уҡырға 2

Республика халҡын томан һәм тайғаҡ булыуы хаҡында иҫкәрттеләр
Радий Хәбиров Талас ауылында Бөйөк Ватан һуғышы ветераны менән күреште

Радий Хәбиров Талас ауылында Бөйөк Ватан һуғышы ветераны менән күреште 13.03.2026 // Йәмғиәт

Радий Хәбиров Талас ауылында Бөйөк Ватан һуғышы ветераны менән күреште...

Тотош уҡырға 2

Республикала кредит буйынса бурысын түләмәгән ирҙе эҙләйҙәр

Республикала кредит буйынса бурысын түләмәгән ирҙе эҙләйҙәр 13.03.2026 // Йәмғиәт

Республикала кредит буйынса бурысын түләмәгән ирҙе эҙләйҙәр...

Тотош уҡырға 1

Ҡариҙел һәм Асҡын райондарының хәрби комиссары билдәле булды

Ҡариҙел һәм Асҡын райондарының хәрби комиссары билдәле булды 13.03.2026 // Йәмғиәт

Ҡариҙел һәм Асҡын райондарының хәрби комиссары билдәле булды...

Тотош уҡырға 2

Республикала күп балалы әсәләр «Әсәлек даны» миҙалы менән бүләкләнде

Республикала күп балалы әсәләр «Әсәлек даны» миҙалы менән бүләкләнде 12.03.2026 // Йәмғиәт

Республикала күп балалы әсәләр «Әсәлек даны» миҙалы менән бүләкләнде...

Тотош уҡырға 3

Башҡорт йырсыһы Гөлназ Асаева аварияла зыян күргән ҡатындың хәле тураһында хәбәр итте

Башҡорт йырсыһы Гөлназ Асаева аварияла зыян күргән ҡатындың хәле тураһында хәбәр итте 11.03.2026 // Йәмғиәт

Башҡорт йырсыһы Гөлназ Асаева аварияла зыян күргән ҡатындың хәле тураһында хәбәр итте...

Тотош уҡырға 2

Башҡортостандың тораҡ пункттарына мобиль интернет үткәрелә

Башҡортостандың тораҡ пункттарына мобиль интернет үткәрелә 11.03.2026 // Йәмғиәт

Башҡортостандың тораҡ пункттарына мобиль интернет үткәрелә...

Тотош уҡырға 2

Майҙа Башҡортостан халҡын бер көнгә күберәк ял көтә

Майҙа Башҡортостан халҡын бер көнгә күберәк ял көтә 11.03.2026 // Йәмғиәт

Майҙа Башҡортостан халҡын бер көнгә күберәк ял көтә...

Тотош уҡырға 3

Кваркуш яҫы таулығында иҫән ҡалған Өфө турисы йүнәлә башлаған

Кваркуш яҫы таулығында иҫән ҡалған Өфө турисы йүнәлә башлаған 11.03.2026 // Йәмғиәт

Табиптар әйтеүенсә, уның хәле уртаса ауырлыҡта тип баһалана....

Тотош уҡырға 2

Баймаҡта һуғыш ветеранына 103 йәш тулды

Баймаҡта һуғыш ветеранына 103 йәш тулды 11.03.2026 // Йәмғиәт

Баймаҡта һуғыш ветеранына 103 йәш тулды...

Тотош уҡырға 2

Башҡортостанда хәбәрһеҙ юғалғандарҙың бишәүһе үле килеш табылған

Башҡортостанда хәбәрһеҙ юғалғандарҙың бишәүһе үле килеш табылған 11.03.2026 // Йәмғиәт

Башҡортостанда хәбәрһеҙ юғалғандарҙың бишәүһе үле килеш табылған...

Тотош уҡырға 2


Комментарий өҫтәргә