Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Йөн иләнеләр, кейеҙ баҫтылар...
Һуңғы йылдарҙа Сибай ағинәйҙәре тарафынан кейеҙ баҫыу йолаһы киң йәйелдерелә. Милли кәсепте терге­ҙеү, уны йәш быуынға еткереү, төрлө әйберҙәр яһау буйынса оҫталыҡ дәрес­тәре үтһенме, күргәҙмәләр ойош­торолһонмо, кейеҙ баҫыусылар конкурсы булһынмы – был эштәрҙең барыһын да Сибай сәсәниәһе, Рәсәй Президенты грантына лайыҡ булған Асия Ғәйнуллина ойоштора. Ул етәк­се­лек иткән ағинәйҙәр ҡоро ағзалары һәм үҙе белем биргән Сибай сәнғәт колледжының этно-художество бүлеге студенттары тарафынан ысын сәнғәт өлгөләре тыуҙырыла.

Күптән түгел ҡалала үткән кейеҙ күргәҙ­мәһендә төрлө райондың иң яҡшы оҫта­лары үҙ эштәрен күрһәтте. Бында бер юлы кейеҙ баҫыу, унан төрлө әйберҙәр эшләү, йөн иләү буйынса ярыш ойошторолдо. Өләсәйҙәрҙән ҡалған кәсепте дауам итеүселәрҙең күплеге ҡыуан­дырһа, кейеҙ­ҙән тыуҙырылған мөғжизәле әйберҙәр хайран итте. Күҙҙең яуын алыр сағыу биҙәктәр һалып эшләнгән өлгөләр үҙенең йылы­лы­ғы, еңеллеге, уңайлы­лығы, матурлығы менән генә түгел, ә экологик яҡтан таҙа, һаулыҡҡа файҙалы булыуы йәһәтенән дә әһәмиәтле.

Бәйгелә төрлө район һәм ҡалаларҙан ҡырҡтан ашыу кеше ҡатнашты. Кейеҙ баҫыу оҫталары булып Гөлнәзирә Хәми­това (Сибай) менән Әлфиә Ибраһимова (Баймаҡ районы) танылһа, йөн иләү ярышында Йылайырҙан Рәхимә Мортаева, Шәмсикамал Мырҙагилдина, Бөрйәндән Гөл­гөнә Әбделғафароваларға тиң­ләшкән­дәр табылманы. Иң яҡшы сүбәк, йәғни кейеҙҙән аяҡ кейеме эшләү буйынса Йылайыр райо­нының Байғужа ауылынан Зөл­фирә Сыңғыҙова беренселекте алды. Иң яҡшы жилет, кәзәкей иһә – Сибайҙан Татьяна Порош­коныҡы.

Күптәрҙе Әлфиә Ибраһимова, Земфира Кәримова, Миңлиза Ишмөхәмәтова, Асия Ғәйнулли­на­ларҙың аҡлы-ҡаралы шахмат уйынын кейеҙҙә сағылдырыуы хайран итте. Оҫталар әйтеүенсә, был эште атҡарып сығыу өсөн бер аҙнанан ашыу ваҡыт киткән, бөтәһе биш килограмм һарыҡ йөнө тотонолған. Бигерәк тә атты эшләүе ауырға тура килде, ти ағинәйҙәр.

Конкурсты ойоштороуҙа Сибай сәнғәт колледжы ҙур көс һалған. Башланғысты күтәреп алып, бар яҡлап ярҙам күрһәткән уҡыу йорто директоры Азат Ҡамбулатовҡа ағинәйҙәр, байрамда ҡатнашыу­сыларҙың рәхмәте сикһеҙ ине. Сибайҙа йәнә бер милли кон­курсҡа нигеҙ һалынды, ул килә­сәктә лә дауам ителер, тип ышанғы килә.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Башҡортостанда 82 йәшлек инәй бесәнселәр ярышында үҙенең оҫталығы менән һоҡландырған
Ололарға иғтибар: Әбйәлил районында эшҡыуарҙар пенсионерҙар өсөн үҙенсәлекле акция үткәргән

Ололарға иғтибар: Әбйәлил районында эшҡыуарҙар пенсионерҙар өсөн үҙенсәлекле акция үткәргән 08.07.2025 // Йәмғиәт

Ололарға иғтибар: Әбйәлил районында эшҡыуарҙар пенсионерҙар өсөн үҙенсәлекле акция үткәргән...

Тотош уҡырға 8

Башҡортостанда аварияла әсәһен юғалтҡан сабыйҙы ҡотҡаралар

Башҡортостанда аварияла әсәһен юғалтҡан сабыйҙы ҡотҡаралар 07.07.2025 // Йәмғиәт

Башҡортостанда аварияла әсәһен юғалтҡан сабыйҙы ҡотҡаралар...

Тотош уҡырға 12

Башҡортостан күгендә БПЛА күргәндәр

Башҡортостан күгендә БПЛА күргәндәр 04.07.2025 // Йәмғиәт

Бөгөн Краснокама районы күгендә БПЛА осоп йөрөгән....

Тотош уҡырға 29

Ғәҙәттән тыш хәлдәр министрлығы көслө ел һәм йәшен тураһында иҫкәртте

Ғәҙәттән тыш хәлдәр министрлығы көслө ел һәм йәшен тураһында иҫкәртте 04.07.2025 // Йәмғиәт

Ғәҙәттән тыш хәлдәр министрлығы көслө ел һәм йәшен тураһында иҫкәртте...

Тотош уҡырға 27

Яҡташыбыҙ 72,2 миллион һум отҡан

Яҡташыбыҙ 72,2 миллион һум отҡан 04.07.2025 // Йәмғиәт

Уға лотереяла уңыш йылмайған....

Тотош уҡырға 31

Өфөлә Радий Хәбиров Антон Котяков менән эшлекле осрашыу үткәрҙе

Өфөлә Радий Хәбиров Антон Котяков менән эшлекле осрашыу үткәрҙе 04.07.2025 // Йәмғиәт

Өфөлә Радий Хәбиров Антон Котяков менән эшлекле осрашыу үткәрҙе...

Тотош уҡырға 33

Башҡортостанда мәғариф өлкәһендә түләүле хеҙмәттәр буйынса ҡыҙыу бәйләнеш асыла
Ғәҙәттән тыш хәлдәр министрлығы ҡойма ямғыр һәм йәшен хаҡында иҫкәртте
Башҡортостанда республика дауаханаларының баш табиптары менән телекүперҙәр асыла

Башҡортостанда республика дауаханаларының баш табиптары менән телекүперҙәр асыла 03.07.2025 // Йәмғиәт

Ике аҙна һайын медицина округтарының үҙәк дауаханалары һәм республика дауаханалары табиптары тура...

Тотош уҡырға 43

Өфөлә түләүле парковкалар буйынса кол-үҙәккә көнөнә 100-гә яҡын шылтыратыу ҡабул ителә
Республика райондарының береһендә медицина хеҙмәткәрҙәренә ярҙам саралары бойомға ашырыла

Республика райондарының береһендә медицина хеҙмәткәрҙәренә ярҙам саралары бойомға ашырыла 02.07.2025 // Йәмғиәт

Мәләүез районында йәш табиптарға торлаҡты ҡуртымға алыу хаҡы ай һайын 10 мең һум күләмендә...

Тотош уҡырға 31