Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Йылы аш, тәмле бөйөрөк...

Уҡыуы ла күңелле, йәшәүе лә рәхәт.

Һуңғы ваҡытта йәмғиәттә туҡланыу сифатына ныҡлы иғтибар бирелә: кемдер дөрөҫ туҡланыуға күсә, икенселәр тик үҙебеҙҙә етештерелгән аҙыҡ-түлеккә иғтибарҙы арттыра. Мәғариф һәм медицина учреждениеларында туҡландырыу күптән инде аутсорсинг компанияларына тапшырылған.

Ә бына юғары уҡыу йорттарында был хәл нисек ойош­торолған? Әсәләре бешергән тәмле ризыҡҡа күнеккән студенттар белем эстәгәндә аслы-туҡлы йөрөмәйме, үҙҙәре бешереп ашай аламы-юҡмы? Ошо һорауҙарға яуапты Башҡорт дәүләт университеты Сибай институтының төп корпусында урынлашҡан буфетта табырға тырыштыҡ.

Студенттарҙың оҙон тәнә­фесе алдынан буфетҡа йү­нәлдек. Күҙҙең яуын алып, тәмле еҫе менән күңелдәрҙе ҡытыҡлаған, яңы ғына беше­релгән бөйөрөк, ҡалас, корж, кекс тиһеңме, туҡлыҡлы салат, йылы аш, тәмле бутҡа, компот, төрлө һуттар, бер-бер артлы теҙелеп, үҙ хужаларын көтә. Һәр кем, теләгенә һәм “кеҫәһенә” ҡарап, ҡапҡылап сығыу өсөн ризыҡ ала.

Хәйер, ҡапҡылап сығыу ти­һәк, дөрөҫ тә булмаҫ кеүек, сөнки бында арзан хаҡҡа сифатлы, туҡлыҡлы итеп иркенләп ашау мөмкинлеге лә бар. Меню һәр саҡ төрләндерелә, көн һайын бер үк ассортимент тәҡдим ителмәй. Был хаҡта студент халҡы күптән белеп бөткән, шуға көн һайын ошонда йөрөү­селәр ҙә осрай. Вәсил (фа­милияһын атамауҙарын үтен­де – авт.) әйтеүенсә, иртәнсәк ятаҡта ашап та тормай дәрескә килә. Бер пар уҡығандан һуң буфетҡа бара, аҙаҡ төшкөлөккә бөйөрөк йәки йылы, тәмле күмәстәрҙе үҙе менән алып ҡайта. Киске ашты бүлмәлә әҙерләй. Буфетта аш-һыу тәмле, шул уҡ ваҡытта арзан да. “Һәр көн бында туҡланырға тырышам”, — ти студент.

Уның фекеренә иптәштәре лә ҡушылды. “Тәмле”, “сифатлы”, “арзан” — тап ошо һүҙҙәрҙе йыш ишеттек студенттар менән аралашҡанда. Уҡыу йортонда бөтәһе өс буфет эшләй, шуның береһе ятаҡта урынлашҡан. Аҙыҡ-түлек етештереү бүлеге етәксеһе Зөлфиә Йосопова әйтеүенсә, коллективта һигеҙ кеше, һәр береһе үҙ эшенең оҫтаһы булып танылған.

— Бөтәһе 20-нән ашыу икмәк ризығы — бөйөрөк, пицца, ваҡ бәлеш, кекс, самса һәм баш­ҡаларҙы бешерәбеҙ. Меню көн һайын үҙгәреп тора. Шуныһы иғтибарға лайыҡ: картуф, кәбеҫтә, бал һәм ит үҙебеҙҙеке. Студенттарҙың 80 проценттан ашыуы беҙҙә туҡлана. Аҙыҡты тәмле, сифатлы бешереү өсөн шарттар тыуҙырылған: аҙыҡ-түлек блоктарының матди-техник базаһы ныҡ. Беренсе ҡатта ризыҡ бешерәбеҙ, махсус лифт менән уларҙы өҫкә оҙатабыҙ. Көндәлек әҙерләнгән аш-һыу тулыһынса һатылып бөтә, — ти Зөлфиә Миңлеғәле ҡыҙы.

Әйткәндәй, уҡыу йортоноң үҙенең “Төйәләҫ” ярҙамсы хужалығы бар. Уның директоры Булат Ғафаров белдереүенсә, бында 80 башҡа яҡын йылҡы үрсетелә. Ошоға тиклем ҡымыҙ етештереү яйға һалынған, әммә һуңғы ваҡытта был кәсеп бер аҙ тотҡарланып ҡалған.

— Быйылдан ҡымыҙ етеш­тереүҙе һәм йәшелсә үҫтереүҙе яйға һалырға ниәт бар. Шулай уҡ хужалыҡтың 15 умартаһы иҫәпләнә, ҡортсолоҡ буйынса ла эште киңәйтеү ҡарала. Айына бер йылҡыны һуйып, уҡыу йортоноң буфетына тапшыралар. Ит үҙебеҙҙеке булғанға күрә, студенттарҙы туҡлан­ды­рыу мәсьәләһендә проблемалар юҡ. Айына 200-ҙән килограмдан ашыу ит көндәлек рационда ҡулланыла, — ти Булат Илшат улы.

Һәр көн студенттарға йылы, тәмле ризыҡтар бешергән Сөмбөл Рыҫҡужина хаҡында айырым әйтергә кәрәк. Тап уның оҫта ҡулдары туҡлыҡлы тәм­лекәстәр әҙерләй, туҡмас киҫә, икмәк бешерә. Бында икмәкте лә үҙҙәре һала. Бөтә ризыҡ өҫтәмәләрһеҙ етештерелә, дөрөҫ туҡланыуға өҫтөнлөк бирелә. Ашнаҡсы Лилиә Ға­тауллина, буфетсы Альбина Сәлихова ла күптән инде үҙ эшенең оҫталары булып танылған.

Сибай студенттары өсөн уҡыу, көнкүреш шарттары ғына түгел, туҡланыу мәсьәләһе лә юғары кимәлдә ойошторолған. “Уҡыу йорто етәкселеге тарафынан шундай иғтибар бул­ғанда, уҡыуы ла күңелле, йәшәүе лә рәхәт”, — ти йәштәр.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 2 252

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 1 840

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 2 251

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 2 430

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 2 063

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 2 241

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 1 866

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 2 332

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 1 049

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 973

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 1 157

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 954