Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Матур ерҙә матур йәшәргә!
Матур ерҙә матур йәшәргә!
Тәбиғәт Дыуан яҡтарына матурлыҡты йомарт өләшкән. Йырҙарҙа йырланған Йүрүҙән, Әй йылғалары, мәғрур тауҙары, урмандары, көмөштәй саф һыулы шишмәләре был төбәкте ҡабатланмаҫлыҡ итә. Әйткәндәй, район биләмәһе күлдәргә, шишмәләргә, ғөмүмән, тәбиғи һыу сығанаҡтарына бай.

Уларҙы дыуандар тыуған ерҙең ҙур байлығы итеп һанай. Ошо байлыҡты тотороҡло файҙаланыу, һыуҙың тәбиғи сифатын һаҡлап ҡулланыусыларға еткереү райондың “Дыуанводоканал” муниципаль унитар предприятиеһына йөкмәтелгән.

Был предприятиены хаҡлы рәүештә район халҡының тормошона йән өрә тип әйтергә мөмкин. Ул Мәсәғүт, Дыуан, Арый, Мәрйәм­ғол, Мөлкәт, Ҡаракүл, Әбдрәшит, Иҫке Хә­лил, Мәтәле, Сальевка, Озеро, Михайловка ауылдары халҡын, ундағы предприятие һәм учреждениеларҙы эсәр һыу менән тәьмин итә. Предприятие ҡарама­ғындағы һыу сел­тәрҙәре 100 километрға етә. Һыуҙы 24 скважинанан алалар. Тиҫтәнән артыҡ резервуар­ға ҡулланыу­сыларҙың ихтыяжын тулыһынса ҡәнәғәт­ләндерерлек һыу запасы туплана.

Һыу стратегик әһәмиәткә эйә. Шуға ла предприятиела талаптар юғары. Ер ҡаттары­нан һыу сығарған бер ваҡытта, экология имен­леген дә ҡайғырталар. Бында һыу үҙенең тәме, химик һәм микробиологик үҙенсәлектәре буйынса бөтә талаптарға тура килә. Һыуҙың сифатына даими рәүештә лаборатор анализ үткәрелә. Коллектив экологияны һаҡлауға етди иғтибар йүнәлтә. Һыу йыйыу башнялары, резервуарҙар, скважиналар бөгөнгө техник һәм технологик талаптарҙан, хәүефһеҙлек ҡағиҙәләренән сығып йыһазланған. Скважиналар тирәһендә санитар һаҡлау зоналары булдырылған.

Бөгөнгө иҡтисади талаптар ресурстарҙы һаҡсыл файҙаланыуҙы, шулай уҡ хеҙмәттәр өсөн ваҡытында түләүҙәрҙе талап итә. Һаҡсыллыҡ тигәндә, ер тәрәнлектәренән сығарылған һыуҙы юғалтыуһыҙ ҡулла­ныусыларға илтеп еткереү өсөн предприятиела мөһим саралар тормошҡа ашырыла. Йыл һайын билдәләнгән күләмдә һыу үткәр­гестәр селтәре яңыртыла. Һуңғы ваҡытта ғына алты скважинала һыу сығарыу насос­тары яңыртылған, Мәсәғүт, Михайловка, Ды­уан, Озеро, Мәрйәмғол ауылдарында һыу үткәргестәр ремонтланған. “Реаль эш­тәр” программаһы сиктәрендә Мәтәле һәм Мәсәғүт ауылдарында байтаҡ һыу селтәр­ҙәре яңыға алыштырылған. Сел­тәрҙәрҙе яңыр­тыу буйынса эштәр киләсәктә лә дауам итәсәк. Бөтә эш финанс мөмкинлектәренә бәйле.

Булдыҡлыны эш үҙе эҙләп таба, тиҙәр бит. “Дыуанводоканал” предприятиеһына канализация, йылылыҡ селтәрҙәрен хеҙмәт­лән­дереүҙе лә йөкмәткәндәр. Һандар теле менән әйтһәк, райондағы торлаҡ-коммуналь хеҙмәттәрҙең 64 проценты әлеге предприятие өлөшөнә тура килә. Тырыш коллектив бөтәһенә лә өлгөрә. Әлбиттә, проблемалар ҙа бар. Бигерәк тә канализация системаһы ҙур мәшәҡәттәр тыуҙыра, сөнки канализация коллекторы үткән быуаттың 80-се йылдарында төҙөлгән. Ағынты һыу торбалары һаҙлыҡлы ерҙәр аша һуҙылған һәм коррозияға бирешкән. Улар тулыһынса яңыртыуҙы талап итә. Бындай мөмкинлек бул­мағанлыҡтан, авария хәлдәре килеп тыу­маһын өсөн өҙлөкһөҙ ремонт эштәре алып баралар. Йыл һайын ҡышҡы осорға әҙерлек барышында билдәләнгән күләмдә канализация торбаларын яңыға алмаштыралар.

Предприятие хеҙмәтләндергән йылылыҡ селтәрҙәре, ҡаҙанлыҡтар көйлө эшләй, сөнки уларҙы ҡышҡы шарттарҙа эшләтеүгә йылдың-йылында ныҡлап әҙерләйҙәр. Һуңғы йылдарҙа йылылыҡ системаһында хәүефле авария хәлдәренең булмауы быны йәнә бер дәлилләй. Торлаҡ йорттарҙа, социаль-мәҙәни биналарҙа йылы, крандарға һыу килеп торһон һәм халыҡ заманса көнкүреш уңайлыҡтарынан кинәнеп файҙаланһын өсөн предприятие эшсәндәре ҙур тырышлыҡ һала.

— Минеңсә, беҙҙәгеләй матур тәбиғәтле ерҙә халыҡ матур йәшәргә тейеш. Хәҙер ауыл халҡы тормош-көнкүреште уңайлы һәм мәҙәниәтле итеп көйләргә ынтыла. Беҙ көндәлек хеҙмәтебеҙ менән ошоға булыш­лыҡ итәбеҙ, — тип тыйнаҡ ҡына баһалай үҙҙәренең эшен предприятие директоры Хәлит Ғарипов.

Хәлит Әлтәп улы коллектив менән ун биш йыл идара итә. Ул бында техникум тамамлағас юллама буйынса эшкә килгән. Төрлө хеҙмәт баҫҡыстары үтеп һыналған белгескә предприятие менән етәкселекте йөкмәткәндәр. Коллективтың уңыштарын хаҡлы рәүештә уның исеме менән бәйләй­ҙәр. Хәлит Әлтәп улы торлаҡ-коммуналь тармағындағы фиҙакәр хеҙмәте өсөн Башҡортостан Президентының Маҡтау грамотаһы менән бүләкләнгән, “Рәсәй лидеры” тигән юғары исемгә лайыҡ булған. Етәксенең булдыҡлылығы, әүҙемлеге хеҙ­мәт­тәштәренә үрнәк булып тора. Коллективта һәр кем үҙ эшен тырышып башҡара. Эштә лә, район күләмендә үткән спорт бәйгеләрендә һәм төрлө конкурстарҙа ла улар әүҙем ҡатнаша һәм призлы урындар яулай. Яуаплы ла, ауыр ҙа хеҙмәтте спорт һәм мауыҡтырғыс мәҙәни саралар менән аралаштырыу күңелгә дәрт һәм көс өҫтәй, ти улар.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 2 295

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 1 874

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 2 291

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 2 484

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 2 112

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 2 302

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 1 896

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 2 375

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 1 082

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 998

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 1 186

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 976