Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » “Килендән уңдыҡ!”

Хөрмәтле фельдшерға эш өсөн яҡшы шарттар ҙа тыуҙырылһа...

Һөнәрен мөкиббән ярата, тормошон унан башҡа күҙ алдына ла килтерә алмай Мөнирә Фәтхуллина. Ғүмерен иң изге һөнәргә – кешеләрҙең сәләмәтлеген һаҡлауға бағышлаған ул.

Белорет районының Абҙаҡ ауылы ҡыҙы бала саҡтан табип булырға хыяллана. Шуға ла мәктәпте тамамлағас, документтарын медицина училищеһына тапшырыуына бер кем дә ғәжәпләнмәй. Киреһенсә, “үҙебеҙҙең буласаҡ доктор!” тип дәртләндереп ебәрәләр.

Ҡатын-ҡыҙҙың, буласаҡ әсәйҙәрҙең сәләмәтлеге һағында тороу маҡсатын ҡуйған Мөнирә ханым, диплом алғас та, Әбйәлил районының Байым участка дауаханаһына акушер булып эшкә килә. Ауыл ерендә йәш белгес бар хеҙмәттәрҙе лә үтәй: сирлеләргә укол яһай, буласаҡ әсәләрҙе ҡарай, ауырыуҙарҙы район дауаханаһына оҙатып бара һ.б. Уҡыу йортонда алған белеменә өҫтәп, Мөнирә Ҡунаҡбай ҡыҙы махсус курс үтә, ғилемен даими камиллаштыра. Хеҙмә­тенә ифрат яуаплы ҡараған белгесте бер аҙҙан Балапан ауылына фельдшер итеп тәғәйенләйҙәр.

1986 йылда ул Мораҡай егете Рим Фәтхуллинға кейәүгә сыға. Шуға күпмелер ваҡыт күрше ауылға йөрөп эшләргә тура килә. Бәхеткә күрә, 1990 йылда Мораҡайҙа фельдшер-акушерлыҡ пункты асыла. Ауыл килене бында эшкә ҡайта һәм шул мәлдән алып бөгөнгә ҡәҙәр ошондағы халыҡтың сәләмәтлеген хәстәрләй. “Үҙебеҙҙең доктор”, “үҙебеҙҙең килен” тип кенә өндәшәләр бында Мөнирә Ҡунаҡбай ҡыҙына.

Һәр ауылдашының йөрәк тибешен тоя, кемдең ни менән сирләгәнен, уға ҡайһы ваҡытта ниндәй ярҙам кәрәклеген яҡшы белә Мөнирә Фәтхуллина. Фельдшер-акушерлыҡ пунктына көнөнә ун бишләп кеше мөрәжәғәт итә. Даими рәүештә ҡан баҫымын үлсәтергә килгәндәр, укол һалдырырға йөрөгәндәр байтаҡ.

Ғүмер буйы ошо ауылда йәшәгән 84 йәшлек Ғәлимә Харрасова, мәҫәлән, ҡан баҫымының юғарылығына зарлана. “Шуға йыш киләм бында. Әлдә, шөкөр, Мөнирә килен бар: дарыуын да бирә, уколын да һала, яҡшы һүҙе менән кәйефте лә күтәреп ебәрә. Шәбәйеп ҡайтып китәм”, – тип ҡәнәғәт йылмая инәй.

Уның һүҙҙәренә Әғниә Мөхәмәтйәрова ла ҡушыла:
– Миңә лә һаулығым буйынса Мөнирә киленгә йыш мөрәжәғәт итергә тура килә. Уны ҡыҙым Дилә ауырыған саҡта ла, көн-төн тимәй, гел саҡырттыҡ. Гелән яғымлы, ихлас беҙҙең доктор, шул ҡәҙәр уңдыҡ үҙенән!

Бөгөн Мөнирә Фәтхуллина 270 кешенең сәләмәтлеге өсөн яуаплы, уларҙың күбеһе – өлкән йәштәгеләр. Мәктәптәге 17 уҡыусының һаулығы ла даими күҙәтеүгә алынған. Сирлеләргә тиҙ арала ярҙам кәрәк икән, Мөнирә Ҡунаҡбай ҡыҙы уларҙы Белорет үҙәк дауаханаһына үҙе оҙатып бара. Башҡа осраҡтарҙа ауырыуҙар Асҡарҙағы медицина учреждениеһына ебәрелә. Әйткәндәй, фельдшер-акушерлыҡ пункты­ның дарыуҙар һатыуға махсус рөхсәте бар. Теләгәндәр ошонда уҡ үҙенә кәрәклене алыу, шулай уҡ заказ биреү мөмкинлегенә эйә.

Сәләмәтлек һағында торған кешегә аралаша белеү, хатта психолог та булыу талап ителә. Эшеңде яратыу, диагнозды дөрөҫ ҡуйыу, ҡарарҙы тиҙ һәм аныҡ ҡабул итеү – сирленең ғүмерен ҡотҡарыуҙа төп шарттар.

Ҡырҡ йылға яҡын халыҡ һаулығы һағында тороу ни ҡәҙәр оло хеҙмәт! Донъялағы иң изге, юғары ғәмәлдәрҙең береһе был. Һүҙ юҡ, тап Мөнирә Фәтхуллина кеүек үҙ эшенең ысын оҫталары барҙа халыҡ сәләмәт, балалар шат буласаҡ. Әммә, ҡыҙғанысҡа ҡаршы, ауыл фельдшерын борсоған мәсьәләләр ҙә юҡ түгел. Мәҫәлән, фельдшер-акушерлыҡ пунктына асылғандан бирле бер тапҡыр ҙа капиталь ремонт үтмәгән, бинаны төҙөкләндереү талап ителә. Бигерәк тә һыу проблемаһы үҙәккә үтте”, – ти Мөнирә Ҡунаҡбай ҡыҙы.

Белеүебеҙсә, республиканың көньяҡ-көнсығыш райондарына эш сәфәре барышында Башҡортостан Башлығы вазифаһын ваҡытлыса башҡарыусы Радий Хәбиров был ауырлыҡтарҙы яҡындан күреп, мәсьәләне хәл итергә ҡушты. Бындай иғтибарға, проблеманың яйға һалынасағына сикһеҙ шат Мораҡай халҡы.

Йәнә шуныһы: бер урында оҙаҡ эшләгән юғары категориялы фельдшер Мөнирә Фәтхуллинаның һис ниндәй маҡтаулы исеме юҡ. Төпкөлдә йәшәп, ямғыр яуғанда ла, ҡар ҡатыш буранда ла, сатлама һыуыҡта ла һөнәренә тоғро ҡалып, йәйәүме, “Ашығыс ярҙам” маши­на­һындамы ауылдаштарының сәлә­мәтлеген, ғүмерен һаҡларға ашыҡҡан, шәхси ваҡыты менән иҫәпләшмәгән намыҫлы ауыл фельдшерының үҙенә иғтибар, баһа кәрәкмәйме ни?!

Мөнирә ханым – дүрт бала тәрбиәләп үҫтергән бәхетле әсә лә. Ике ҡыҙы уның юлын һайлаған: Нурсилә Башҡортостан дәүләт медицина университетын тамамлап, ошо йүнәлештә эшләһә, кинйәһе Илсиә әле Белорет медицина колледжында белем ала. Тимәк, нәҫелдә был һөнәргә тоғролоҡ һаҡланасаҡ.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 2 248

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 1 836

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 2 247

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 2 424

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 2 057

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 2 238

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 1 862

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 2 324

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 1 047

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 969

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 1 153

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 949