Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Күпме көтөргә?
...Хәҙер күптәр ҡалала эшләп, ауылда йәшәй. Таныштар араһында, мәҫәлән, Ишембай районының Ишәй ауылынан көн дә Стәрлетамаҡҡа йөрөүселәр бар. Уларға ҡалаға инеү өсөн Ағиҙел аша һалынған күперҙән үтергә кәрәк.

Быға тиклем Тимербулатовтар күперҙән машиналарында бер нисә секундта елдереп үтһә, хәҙер “тимер ат”тарын күпер төбөндә ҡалдырып, унан йәйәү сығып, эшкә, мәктәпкә йәмәғәт транспортында барырға мәжбүр – объект күптән түгел капиталь ремонтҡа ябылды.

– Уңайһыҙ, әлбиттә, үҙебеҙ заводта һәм уҡыу йортонда эшләйбеҙ, билдәле, бер минут та һуңларға ярамай, ҡыҙыбыҙ ҙа дәрескә ваҡытында килеп етергә тейеш, шуға иртәрәк сығабыҙ. Тик юл һәр ваҡыт ыңғай ғына булып тормай... – ти Айгөл менән Флүс. – Бер айға түҙербеҙ инде, хәүефһеҙлек мөһимерәк бит, иң мөһиме – ваҡытында һәм сифатлы итеп эшләп ҡуйһындар.

Тимербулатовтар, ярай, күрше райондан килә, ә бына ҡаланың тотош бер биҫтәһе Шахтау ҙа Ағиҙел аръяғында урынлашҡан бит әле. Шуныһы иғтибарға лайыҡ: ҡала хакимиәте кешеләр артыҡ уңайһыҙлыҡ кисермәһен өсөн бар көсөн һала, пассажирҙарҙы өҙлөкһөҙ ташыу ойошторолған, аңлатыу эше алып барыла.


Әлбиттә, улар машинала ҡалаға килеп етә ала, тик бының өсөн Ишембай ҡалаһы аша урау юлдан барырға, йәғни өҫтәмә рәүештә 50 километр үтергә тура килә. Үҙҙәре әйтмешләй, хәүефһеҙлек хаҡына түҙергә генә ҡала.

Был күпер мәсьәләһе Стәрлетамаҡта йәй үк ҡалҡып сыҡҡайны. Башта унда тишек барлыҡҡа килде. Унан күперҙең бер таяуы ярыҡ икәнлеге күренде. Юлды ябып, тишекте тиҙ арала яманылар, ә бына бағананы ремонтлау өсөн бер ай ваҡыт һәм күперҙе тотош ябырға кәрәк булып сыҡты.

Әйткәндәй, йөк машиналары артабан да күперҙән йөрөп, хәүеф тыуҙырмаһын өсөн, юл хужалығы хеҙмәте сикләүҙәр ҙә ҡуйҙы. Тик ҡайһы берәүҙәр быны һанға һуғырға ашыҡманы. Эт күҙенә төтөн күренмәҫ тигәндәй, металл конструкцияны төкөтөп китергә лә күп һораманылар. Хәйер, уныһы инде – икенсе мәсьәлә. Әлеге ремонт эштәренә килгәндә, уны Өфөнән килгән подрядсылар башҡара, таяуҙарға яйлап 90 кубометр бетон ҡойола. Эш графиктан алда бара. Хаҡы ун миллион һум тәшкил иткән ремонт сығымдарын Башҡорт сода компанияһы үҙ өҫтөнә алған.

– Күперҙе ноябрь аҙағына тиклем эшләп бөтөргә тейештәр, әммә һауа шарттарына бәйле нисек килеп сығыр – алдан әйтеп булмай. Бетон 28 көндә ҡатырға тейеш, ул тиҙерәк нығынһын өсөн махсус рәүештә технологиялар ярҙамында йылытыла, – ти Стәрлетамаҡ ҡалаһы хакимиәтенең сәнәғәт, транспорт һәм элемтә бүлеге етәксеһе Илдар Усманов.

Был күпер үткән быуаттың етмешенсе йылдарында төҙөлгән, әммә ҡырҡ йыл эсендә бер тапҡыр ҙа ремонт күрмәгән. 2016 йылда уҡ реконструкциялау хаҡында һүҙ ҡуҙғатылһа ла, проект бойомға ашырылмай ҡалған.

– Ремонт тамамланғас, башта һынап ҡарайбыҙ, шунан экспертиза баһаһы бирелә, артабан инде үҙгәртеп ҡороу (кәрәкме-юҡмы) буйынса фекер йөрөтөргә мөмкин, – тип мәсьәләгә аңлатма бирҙе Илдар Марат улы.
Ремонт эше ваҡытында тапшырылыр тигән өмөттә ҡалайыҡ.


Автор: Рәмил МАНСУРОВ
Фото: Эльдар Фәттәхов фотолары


Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 4 009

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 3 370

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 3 916

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 3 811

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 3 175

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 3 390

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 2 932

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 3 504

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 1 893

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 1 912

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 2 072

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 1 840