Вконтакте Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
Башҡортостан гәзите » Йәмғиәт » Рөстәм Хәмитов: “Тыуған төбәктең яҙмышы өсөн беҙ яуаплы”
Өфөләге “Башҡортостан” дәүләт концерт залында Республика көнөнә арналған тантаналы йыйылышта төбәк Башлығы Рөстәм Хәмитов яҡташтарыбыҙҙы оло байрам менән ҡотланы.

Электән килгән матур йола буйынса күренекле ваҡиға алдынан башҡарылған эштәргә йомғаҡ яһалды, республика хеҙмәтсәндәренең ҡаҙаныштары билдәләнде. Ил яҙмышын күп яҡлап хәл иткән быйылғы йылда республика иҡтисадының тотороҡло үҫешен күҙәттек. Хәҙер тулайым төбәк продукты 1,5 триллион һум тәшкил итә. Бюджет системаһының тотороҡлоғо, һалым сәйәсәтенең тәьҫирлеге буйынса ла алдынғылар рәтендәбеҙ.



— Тупланған бюджет килеме һигеҙ айҙа 160 миллиард һумға тиерлек етте, был үткән йылдағы кимәлдән 30 процентҡа юғары, — тине Рөстәм Хәмитов. — Бындай ыңғай үҫеш бөтә социаль йөкләмәләрҙе үтәргә, иҡтисад тармаҡтарын субсидиялар менән тулы кимәлдә тәьмин итергә, муниципалитеттарға таяныс булырға мөмкинлек бирә.

Республика Башлығы әйтеүенсә, һигеҙ ай эсендә төбәк ойошмаларының тауар һәм хеҙмәттәр күләме 12 процентҡа тиерлек артҡан, транспорттағы йөк әйләнеше яҡшырған. Инвестиция сәйәсәтенең уңышлы алып барылыуы һуңғы ике йылда моноҡалалар иҡтисадына 27 миллиард һум аҡса йәлеп итергә мөмкинлек биргән, өҫтәүенә 10 меңдән ашыу яңы эш урындары барлыҡҡа килгән. Әле “Газпром нефтехим Салауат” майҙансыҡтарында миллиардтарса һумдарға төшкән проекттарҙы тормошҡа ашырыу дауам итә. Бөтәһен дә телгә алып тормайынса, бары киләһе йылда илдә тәүге суперабсорбент производствоһының тап ошонда төҙөләсәген әйтеп китеү ҙә урынлы булыр.

Йылдан-йыл агросәнәғәт комплексының аҙымдары баҙыҡлана, уңыштары тосораҡ була бара. Быйыл иген уңышының өс миллион тоннанан артыуы ватандаштарыбыҙҙы һөйөндөрҙө, эре проекттарҙың тормошҡа ашырылыуы, мәҫәлән, Ауырғазы районында өс миллиард һумлыҡ һөтсөлөк комплексының төҙөлөүе, киләсәккә ышанысты арттыра.

Торлаҡ төҙөү күләме буйынса Башҡортостан һуңғы биш йылда иң алдынғы төбәктәр рәтендә. Бюджеттың 80 процентҡа яҡын өлөшө йыл һайын социаль мәсьәләләрҙе үтәүгә йүнәлтелә. Төбәк етәксеһе әйтеүенсә, Рәсәй Президентының бюджет өлкәһе хеҙмәткәрҙәренең эш хаҡын арттырыуға ҡағылған “май” указдары тулыһынса үтәлгән. Бөгөн республикала уртаса айлыҡ эш хаҡының 32 мең һумдан ашыуы, ә хеҙмәткә түләүҙең минималь күләме йәшәү минимумы менән тиңләшеүе тормош сифатының яҡшыра барыуына ишаралай.

— Былтыр республиканың социаль өлкәһенә 43,5 миллиард һум һалынды. Уның күләме буйынса беҙ илдә — һигеҙенсе һәм Волга буйы федераль округында — беренсе, — тип белдерҙе Рөстәм Хәмитов.

Һаулыҡ һаҡлау тармағын үҫтереү стратегик бурыстар рәтендә. Уның матди-техник базаһын нығытыу өҙлөкһөҙ дауам итеүенә ҡарамаҫтан, был тәңгәлдә тормошҡа ашыраһы эштәр ҙә байтаҡ. Демографик хәлдең тотороҡланыуы, ҡайһы бер социаль әһәмиәтле сирҙәр буйынса үлем осраҡтарының кәмеүе күҙәтелә. Көтөлгән ғүмер оҙайлылығы 72 йыл тәшкил итте.

Төбәк Башлығы мәҙәниәт, туризм һәм спорт өлкәһендәге ҡаҙаныштарҙы, яҡшы башланғыстарҙы барлағандан һуң йыйылышта ҡатнашыусыларҙың иғтибарын алдағы йылда билдәләнәсәк тарихи ваҡиғаға йүнәлтте.

— Киләһе йыл беҙҙең өсөн тарихи ваҡиға — республика төҙөлөүенең 100 йыллығы билдәләнә. Был дата бөтәбеҙгә ҡәҙерле. Уның беҙҙең йәмғиәтебеҙҙе тағы ла нығыраҡ тупларына, бай традицияларыбыҙға таянып, яңы офоҡтарға ҡыйыуыраҡ йүнәлергә ярҙам итеренә ышанам, — тип белдерҙе Рөстәм Зәки улы.

Эйе, 2019 йыл иҫтәлекле ваҡиғалары, күркәм юбилейҙары, матур саралары менән халҡыбыҙҙы ҡыуандырасаҡ әле: Башҡортостандың халыҡ шағиры Мостай Кәримдең, М. Ғафури исемендәге Башҡорт дәүләт академия драма театрының бер быуатлыҡ юбилейҙары, Фәйзи Ғәскәров исемендәге халыҡ бейеүҙәре ансамбленең 80 йыллығы һәм башҡа мөһим байрамдар тарихта яңы биттәр ҡалдырасаҡ.

— Беҙҙең дөйөм маҡсатыбыҙ бер: Башҡортостандың һәм уның күп милләтле халҡының сәскә атыуы. Республикала йәшәгән һәр кем — уның өмөтө һәм терәге. Беҙгә бергә ныҡлы заманса иҡтисад төҙөүҙе, ҡала һәм ауылдарҙа тормош сифатын күтәреүҙе, талантлы йәштәрҙе үҫтереүҙе, яҡшы традицияларҙы, тыныслыҡты һәм халыҡтар араһындағы татыулыҡты һаҡлауҙы дауам итергә кәрәк, — тип белдерҙе Рөстәм Хәмитов.


Автор: Динә АРЫҪЛАНОВА Фото: Динар Кәлимуллин


Беҙҙе Яндекс Дзен лентаһында уҡығыҙ

В Одноклассниках   Вконтакте





Стәрлетамаҡтан Зәкиә Йосопова 100 йәшлек юбилейын билдәләне

Стәрлетамаҡтан Зәкиә Йосопова 100 йәшлек юбилейын билдәләне 20.11.2026 // Йәмғиәт

Уның өс балаһы, 9 ейән-ейәнсәре һәм 12 бүлә-бүләсәре бар. Стәрлетамаҡтан Зәкиә Шәйғәрҙән ҡыҙы ......

Тотош уҡырға 3

Башҡортостандың Дәүләт автоинспекцияһы көсәйтелгән эш режимына күсә

Башҡортостандың Дәүләт автоинспекцияһы көсәйтелгән эш режимына күсә 20.11.2026 // Йәмғиәт

Был рейдтар – штраф һалыу ғына түгел, ә юлдарҙы хәүефле ҡағиҙә боҙоусыларҙан таҙартыу буйынса ......

Тотош уҡырға 4

Башҡортостанда призывниктар хәрби хеҙмәтте пилотһыҙ системалар ғәскәрҙәрендә контракт менән алмаштыра ала

Башҡортостанда призывниктар хәрби хеҙмәтте пилотһыҙ системалар ғәскәрҙәрендә контракт менән алмаштыра ала 20.11.2026 // Йәмғиәт

Башҡортостандан призывниктар саҡырыу буйынса хеҙмәт урынына пилотһыҙ системалар ғәскәрҙәрендә ......

Тотош уҡырға 2

Өфө студенттарына яһалма интеллект ярҙамында видео һәм музыка эшләү серҙәрен астылар

Өфө студенттарына яһалма интеллект ярҙамында видео һәм музыка эшләү серҙәрен астылар 19.11.2026 // Йәмғиәт

Өфө студенттарына яһалма интеллект ярҙамында видео һәм музыка эшләү серҙәрен астылар...

Тотош уҡырға 2

Өфө моделдәре Көньяҡ Кореяла Face of Asia – 2026 конкурсында ҡатнаша

Өфө моделдәре Көньяҡ Кореяла Face of Asia – 2026 конкурсында ҡатнаша 19.11.2026 // Йәмғиәт

10-25 ноябрҙә Көньяҡ Кореяла Face of Asia – 2026 халыҡ-ара моделдәр конкурсы үткәрелә. Проектта ......

Тотош уҡырға 3

Башҡортостан районында автомобиль күпере ябылды
Республикала киң мәғлүмәт сараларының баш мөхәррирҙәре вазифаһына конкурс иғлан ителде

Республикала киң мәғлүмәт сараларының баш мөхәррирҙәре вазифаһына конкурс иғлан ителде 19.11.2026 // Йәмғиәт

Республикала киң мәғлүмәт сараларының баш мөхәррирҙәре вазифаһына конкурс иғлан ителде...

Тотош уҡырға 5

«Халыҡҡа яҡын етәксе»: Хәйбулла районы халҡы Өфөнөң яңы мэрына рәхмәтле

«Халыҡҡа яҡын етәксе»: Хәйбулла районы халҡы Өфөнөң яңы мэрына рәхмәтле 18.11.2026 // Йәмғиәт

«Халыҡҡа яҡын етәксе»: Хәйбулла районы халҡы Өфөнөң яңы мэрына рәхмәтле...

Тотош уҡырға 4

Өфөлә төп яңы йыл майҙансыҡтары 15 декабргә асыла

Өфөлә төп яңы йыл майҙансыҡтары 15 декабргә асыла 18.11.2026 // Йәмғиәт

Ҡала шулай уҡ республика етәкселегенең бойороҡтарын көтә....

Тотош уҡырға 2

Республикала ҡар яуыуға бәйле ике трасса ябылды

Республикала ҡар яуыуға бәйле ике трасса ябылды 18.11.2026 // Йәмғиәт

Республикала ҡар яуыуға бәйле ике трасса ябылды...

Тотош уҡырға 3

Өфө мэрының яҡташтары уның Бөрйән районында ниндәй етәксе булыуы хаҡында һөйләне

Өфө мэрының яҡташтары уның Бөрйән районында ниндәй етәксе булыуы хаҡында һөйләне 18.11.2026 // Йәмғиәт

Өфө мэрының яҡташтары уның Бөрйән районында ниндәй етәксе булыуы хаҡында һөйләне...

Тотош уҡырға 9

Республикала иң яҡшы Ҡыш бабай һынына конкурс иғлан ителде

Республикала иң яҡшы Ҡыш бабай һынына конкурс иғлан ителде 18.11.2026 // Йәмғиәт

Конкурсҡа йомғаҡ иҫке Яңы йылда – 13 ғинуарҙа яһала....

Тотош уҡырға 4


Комментарий өҫтәргә