Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » “Беҙҙең урамда ла байрам булыр”
Район үҙәгенең Яңы Иглин биҫтәһе биләмәһендә, йылы ямғырҙан һуң гөрләп үҫеп сыҡҡан бәшмәктәр кеүек, бер-бер артлы ҡалҡҡан ҡупшы йорттар күҙҙе иркәләй. Ниндәй матур биҫтә буласаҡ, тип һоҡланабыҙ. Был ҡупшы йорттарҙа ниндәй бәхетле хужалар йәшәй икән?

Йорттарҙың күбеһен йәштәрҙең һалдырыуы ла мәғлүм. Баш ҡалаға бик яҡын урынлашҡан, торлаҡ хаҡы сағыштырмаса арзан булған төбәккә хатта Өфөнән, Урал аръяғынан, Мәсетле, Салауат, Хәйбулла райондарынан күсеп килеүселәр күп. Ни эшләйһең, урбанизация заманына хас күренеш, һәр кем күңел талабынан, мөм­кинлектәренән, теләгенән сығып эш итә.

– Һуңғы йылдарҙа миграция тул­ҡыны беҙгә лә һуғылды. Йыл һайын ике меңдән ашыу кеше тө­бә­гебеҙгә күсеп килә. Был насар­мы, яҡшымы һеҙҙең өсөн, тиһе­геҙме? Эшсе ҡулдарҙың артыуына шатбыҙ, әлбиттә. Тимәк, беҙгә үҫеш өсөн урын бар, – ти район хакимиәтенең мәғариф бүлеге начальнигы Шамил Ғабдуллин. – Балалар баҡсаларына, мәктәптәргә ихтыяж артыуы көн кеүек асыҡ. Әле бик ҙур проектты тормошҡа ашырыу өҫтөндә эшләйбеҙ.

Ул: “Бына ҡарағыҙ: 640 уҡыу­сыға һәм 160 сабыйға иҫәпләнгән балалар баҡсаһын үҙ эсенә алған беҙҙең мөғжизәле комплекс”, – тип макетын өҫтәлгә һалды.

Башҡортостандың 100 йыллығы уңайынан һалынасаҡ объекттар исемлегенә ингән төҙөлөштөң ҡыҙыу барғанлығын үҙ күҙҙәребеҙ менән күрҙек. Кисә эшкә бер аҙ ҡамасаулаған ҡойма ямғырҙан һуң төҙөлөш йәнә йәнләнгән, крандар туҡтауһыҙ эшләй.

– Киләһе йылдың 1 сентябренә, ата-әсәләрҙе һәм кескәйҙәрҙе һөйөндөрөп, мәктәп тә, балалар баҡсаһы ла ишектәрен асһын өсөн тырышабыҙ, – ти участка прорабы Александр Кузнецов. – Бик үҙенсәлекле комплекс, айырым спорт, аҙыҡ-түлек, медицина блоктары, китапхана эшләйәсәк.

– Ә биләмәһендә футбол, волейбол, гимнастика майҙансыҡ­тары, еләк-емеш һәм йәшелсә үҫтереү участкаһы буласаҡ! – тип шатлығын йәшермәй Шамил Робис улы ла.

Быйыл өс ҡатлы мәктәптең һәм ике ҡатлы балалар баҡсаһының стеналары күтәрелеп, ҡыйыҡтары ябылырға тейеш. Төҙөлөштөң подрядсыһы “Башнефтезаводстрой” яуаплылығы сикләнгән йәмғиәте коллективы объектты ваҡытында файҙаланыуға тапшырыу, эш сифатын яҡшыртыу өсөн хәстәрлек күрә.

– Бындай ҙур уҡыу объекты буш тормаҫмы? Демография күрһәт­кестәре юғары тип маҡтанып булмай бит, – тип икеләнеүебеҙгә район хакимиәтенең мәғариф бүлеге етәксеһе шулай яуапланы:

– Рәсәй Президентының ике айҙан өс йәшкә тиклемге сабый­ҙарҙы яҡын киләсәктә ясле һәм балалар баҡсалары менән тәьмин итеү буйынса талаптарын яҡшы беләһегеҙҙер. Был объектты сафҡа индереү менән генә лә ул оло-ғара бурысты үтәй алмаясаҡбыҙ әле, сөнки ихтыяж мөмкинлектәрҙән ҙурыраҡ. “Йондоҙло” микрорайонында 160 урынлыҡ балалар баҡсаһы төҙөүҙе лә планлаштырҙыҡ. Сиратта 1570 бала тороуын иҫәпкә алһаҡ, алда күпме тынғыһыҙ, мәшәҡәтле эш көтөүен аңларға була. Сабый­ҙарын мәктәпкәсә йәштәге учреж­дениеларға урынлаштырыуҙы һораған ғаризалар әлегә артҡандан-арта ғына…

Ата-әсәләрҙең һәм балаларҙың күңелдәрен елкендереп, 1 сентябрь – Белем көнө – яҡынлаша. Быйыл район үҙәгендәге дүрт урта мәктәп 4 мең уҡыусыны ҡабул итәсәк. Киләһе уҡыу йылы ла Ҡаф тауҙары аръяғында түгел. “Аҙ ғына сабыр иткәндә, беҙҙең урамда ла байрам булыр әле”, – ти иглиндәр.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 3 351

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 2 763

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 3 221

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 3 188

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 2 602

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 2 772

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 2 378

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 2 901

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 1 487

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 1 420

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 1 586

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 1 393