Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » “Мираҫ ҡалдырам... Трампҡа”
“Мираҫ ҡалдырам... Трампҡа”Красноярскиҙан бер төркөм пенсионер торлаҡ-коммуналь хужалыҡ өсөн түләү буйынса бурыстарға ҡаршы көрәштең үҙенсәлекле алымын уйлап тапҡан. Идарасы компания алмашыныу менән торлаҡ хужаларының барыһы ла бурыслы булып сыҡҡан.


“Беҙ ни өсөн бурыслы?”

– Баҡтиһәң, әүәлге идарасы компания башҡарған эштәрҙең береһе лә дөрөҫ түгел икән, – ти баш күтәргән пенсионерҙарҙың лидеры Ирина Борисовна. – Хатта фатирҙарҙың майҙаны ла артып кит­кән. Илле йыл буйы “сталин­ка”­ла йәшәнек, хәҙер иһә уның до­ку­мент­тарҙа күрһәтелгәндән бай­таҡҡа ҙурыраҡ булыуы асыҡланды. Яңы идарасы компанияла билдә­ләүҙәренсә, подвалдар йорт сиге­нән сыҡҡан һәм уларҙың майҙаны хаҡ түләтелгәндә иҫәпкә алын­ма­ған. Ҡайтанан иҫәп-хисап үткәргәс, барыбыҙ ҙа бурыслы булып ҡалдыҡ.
Фатир хужаларының күбеһе ҡуйылған хаҡты түләгән, ләкин тиҙҙән сираттағы “хеҙмәт” өсөн йәнә түләү квитанцияларын алған. Шул саҡта Ирина Борисовна эштең алдаҡ булыуына төшөнә.
– Башта йорт майҙанын дөрөҫ билдәләмәгән өсөн – 2800 һум, һу­ңыраҡ I квартал өсөн хаҡ­ты ҡайтанан иҫәпләп, бер айға тағы ла 1500 һум өҫтәнеләр, – тип һүҙен дауам итә ҡатын. – Май айына 1200 һум өҫтәп түләнек. 1 июлдән хаҡтың яҡынса 15 процентҡа арта­сағы тураһында белдерҙеләр. Подвалға бәйле проблемалар арҡаһында һәр фатирҙан тағы ла 7–10 мең һум аласаҡтарын да әйттеләр.
Илле һигеҙ йәшлек Ирина Борисовна ҙур ҡыйынлыҡ менән йө­рөй. Микроинфаркт үткәр­гәндән һуң хәле тағы ла ауырая төшкән. 14 мең һум пенсия алған ҡатын апрелдә торлаҡ-коммуналь хеҙмәт­тәр өсөн 5600 һум түләгән. Һау­лығы ҡаҡшаған ҡатындың хатта ашарына ла аҡсаһы етмәй башла­ған. Өҫтәүенә банкка кредит та түләргә кәрәк. Бер туған ҡустыһы менән һеңлеһе уға ярҙам итеүҙән баш тартҡан.
“Йоҡом тыныс булһын ине...”

– Бөтә инстанцияларға ла мө­рә­жәғәт итеп ҡараныҡ, файҙаһы бул­маны, – ти әүҙемселәр төркөмө вәкиле. – Бөтәһе лә законға ярашлы, тиҙәр. Шуға күрә беҙ ҙә закон буйынса эш итергә булдыҡ. Нотариус саҡырҙыҡ та, фатирҙарҙы АҠШ президенты Дональд Трамп­ҡа мираҫҡа ҡалдырыу тура­һында васыят ҡағыҙы төҙөнөк. Тағы ла алты танышым минең ошо ғәмә­лемде ҡабатларға әҙер. Трамп бындай бүләктән баш тартмай, ә адвокаттары иһә хужаһының мән­фә­ғәтендә ахырғаса көрәшә, тиҙәр. Йәшебеҙ байтаҡ, һаулыҡ та шәптән түгел, йыл аҙағына тиклем әллә йәшәп була, әллә юҡ. Берҙән-бер торлағыбыҙҙан ҡыуып сығарыу әллә ни ҡыйынлыҡ тыуҙырмаҫ. Фатирҙарыбыҙҙы Трамптан тартып алып ҡараһындар хәҙер.
Пенсионер ҡатын үҙе тураһын­да­ғы мәғлү­мәт­те баҫтырып сыға­рыуҙан ҡырҡа баш тартты. Әйте­үенсә, ул дан-шөһрәткә мохтаж түгел, әммә ошондай хәлгә тарыған кешеләргә мәсьә­ләне хәл итеү әмәле тураһында еткермәксе.
– Әйткәндәй, акцияның бер нин­дәй ҙә сәйәси ерлеге юҡ, ул торлаҡ-коммуналь хеҙмәт өлкәһендә тариф­тарҙың тотороҡһоҙ үҫеүенә ҡаршы йүнәлтелә, – ти Ирина Борисовна.
– Закон буйынса рәсәйҙәр мөл­кәтен үҙҙәре теләгәнсә васыят итә ала. Ҡануниәттә билдәләнеүенсә, кеше юридик һәм физик берәмек файҙаһына васыят ҡағыҙы яҙа ала. Гражданлыҡ мөһим түгел. Шулай уҡ сит ил гражданының васыят яҙыу­сыға сит-ят кеше булыуы ла ихтимал, – тине юрист Анастасия Әсәҙулина.
Идарасы компания белгестәре иһә хәлгә үҙ аңлатмаһын бирергә вәғәҙә итте. Ә Ирина Борисовна телефон аша һөйләшкәндә гуманитар ярҙам, аҡса тәҡдим итеүҙәре, әммә үҙ ниәтенән кире ҡайтмауы хаҡында белдерҙе.
– Миңә ундай ярҙам кәрәкмәй. Өлкәндәрҙең, торлаҡ-эксплуатация контораһынан ебәрелгән квитан­цияларҙан ҡурҡмайынса, тыныс йәшәүен теләйем, – ти ул.

“АиФ” гәзитенән.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 4 008

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 3 368

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 3 916

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 3 811

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 3 173

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 3 390

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 2 932

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 3 504

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 1 892

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 1 912

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 2 072

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 1 840