БАШ
РУС
Изгелек күрһәт тә бушлай киноға, бассейнға, музейға бар 01.04.2019 // Йәмғиәт
Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....
Тотош уҡырға 4 698
Ялҡын
Ялҡын, ялҡын – ҡоштай талпын,
Тик ташлама минең йөрәкте.
Ерҙә матур йәшәр өсөн,
Мин табалмам һиндәй терәкте.
Ялҡын, ялҡын – данла халҡың,
Һандуғаслы яҙың, бар илде.
Һин онотма ватан өсөн
Яу ҡырында ҡалған яугирҙе.
Ялҡын, ялҡын – ҡыл изгелек,
Шиңмәһендәр яҙын сәскәләр.
Буш йәндәргә бул нәфрәтле,
Улар илгә ҡайғы сәсәләр.
Ялҡын, ялҡын – еңеп яуҙа,
Бөгөнгө көн мине ташлама.
Ҡәҙерен белеп йәшәгәнгә
Данлы йәшәү әле башлана.
Турғай
Турғай, турғай, һин осаһың,
Иҫкән елдә елпеп ҡанатың.
Һинең кеүек осалманым,
Ҡараһам да елгә мин ятып.
Турғай, турғай, Аллаһ биргән
Киң ғаләмде гиҙер сараһын.
Ниндәй телдә һайранығыҙ,
Ҡабындырып йөрәк яраһын?
Турғай, турғай, мин көнләшәм,
Булһаң да һин көнһөҙ көндәшлек,
Ҡанатым юҡ, осалмайым шул,
Ҡайҙа үтте икән был йәшлек?..
Турғай, турғай, киң ғаләмдә
Ниндәй хыял, ниндәй яҙмыш
бар?!
Йәшәр өсөн йәм ҡалмаҫтыр,
Осмаһағыҙ күктә һеҙ, дуҫтар.
Шунда ғына бәхет табыла
Йәшәр өсөн имәндәр ҙә
Елгә ҡаршы елдә ҡағыла.
Йәш сағында янып-көйһәң,
Ысын күңелдән эшең һөйһәң,
Шунда ғына бәхет табыла.
Тормош юлын үтер өсөн
Ҡулың-ҡулға бәйләп ғүмергә:
Мең сәскәнән бер сәскәне,
Һиңә булған миләүшәне,
Кәрәк дуҫты таба белергә.
Һәр ваҡытта йәшендән һуң
Тыуа ерҙең матур иртәһе,
Арымай-талмай эҙләүсегә,
Ер ҡатлауын өҙөп сыға,
Йәшләүектең бәхет шишмәһе.
Ил яҙмышы беҙҙең йөрәктә
Күреп туймам гүзәллегең,
Күңел күҙең минән туймаһа.
Яңғыҙ башың ни эшләрһең,
Тыуған ерең ғәзиз булмаһа.
Тыуған илем, тыуған ерем,
Бар булмышым,
тиле йәш сағым…
Яңғыҙ башым ниҙәр күрмәҫ,
Ил асмаһа наҙлы ҡосағын.
Кем булһам да, ни ҡылһам да,
Мин юҡ һымаҡ илгә ҡарата:
Мин туҙанмын ел туҙғытҡан,
Кемгә үгәй, кемдер ярата.
Яратыуҙар булһа ине,
Янһа ине һәр бер йөрәктә.
Йөрәктәрҙе яндырырҙай,
Ил яҙмышы беҙҙең йөрәктә.
Тау араһы
Тауҙар менән тауҙар араһы,
Өҙөлөп янған йөрәк дауаһы.
Кемде генә әсир итмәҫ
Күҙкәйҙәрҙең үтә ҡараһы.
Тауҙар менән тау араһы,
Яҙмыш менән яҙмыш араһы.
Аҡҡоштарға саф һыу хөрмәт,
Ҡул һуҙмаһа әҙәм балаһы.
Тауҙар менән тау араһы,
Өмөт менән хыял араһы.
Кем һөйкәлмәҫ һөйгәненә
Янған саҡта йөрәк яраһы.
Тауҙар менән тау араһы,
Көндәр менән төндәр араһы.
Кемдең күңеле алһыу таңда,
Бараһы ла әле, бараһы.
Өфө уттары
Һәр ваҡыт күктә көнөн-төнөн дә
Яналар уттар ҡала өҫтөндә.
Тормошомда маяҡ булып,
Киң Уралды, әй, балҡытып
Яналар уттар,
Ҙур күркәм йорттағы заводтағы
Өфө уттары.
Ул уттар менән беҙ тыуҙыҡ бергә,
Йәшәйбеҙ бергә йәмле ғүмерҙә,
Ауырлыҡты бергә кисеп,
Тыуған илде йәмле итеп
Эшләйбеҙ бергә –
Ҡайғы күрмәҫкә,
Мәңге һүнмәҫкә.
Балҡып Уралға саҡыра улын,
Яҡын дуҫтарға ул һуҙа ҡулын.
Ҡунаҡтарҙы ҡаршы алып,
Киткән саҡта оҙата барып,
Яҡтырта юлын –
Өфөм уттары,
Хеҙмәт уттары.
Күңелең киң булып…
Күңелең киң булып,
Теләгең изге булһа,
Үҙ тыуған ереңә,
Дуҫ-ишкә ҡарата,
Кешенең ҡулында
Гөлдәр генә түгел,
Таштар сәскә ата.
Күңелең киң булып,
Теләгең изге булһа,
Кешенең йөҙөнә
Ҡояш нуры ята.
Үҙ тыуған еренә
Кеше генә түгел,
Аҡҡоштар ҙа ҡайта.
Күңелең киң булып,
Теләгең изге булһа,
Бер киҫәк икмәкте
Бишкә бүлеп була.
Кешенең зарына,
Изге теләк менән,
Кеше күңеле тула.
Автор: Миҙхәт ӘБДЕЛМӘНОВ
Һыу инергә ваҡыт етте... 01.04.2019 // Йәмғиәт
6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...
Тотош уҡырға 3 826
Мөхәббәт менән бәхет гел бергә 31.03.2019 // Йәмғиәт
– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...
Тотош уҡырға 4 770
"Ҡайһылай оятҡа ҡалдым..." 31.03.2019 // Йәмғиәт
Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...
Тотош уҡырға 4 480
Бер быуаттан йәнә тупланы Темәс 31.03.2019 // Йәмғиәт
Тап бынан йөҙ элек булған кеүек үк, ҡунаҡтарҙы Темәс ерендә һыбайлылар флагтар тотоп ҡаршы алды....
Тотош уҡырға 3 103
Ризыҡ менән бергә өмөт-ышаныс өләшеп 31.03.2019 // Йәмғиәт
Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...
Тотош уҡырға 3 799
"Аҙыҡтың өлөшөн генә һалыр инем..." 31.03.2019 // Йәмғиәт
Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....
Тотош уҡырға 4 046
135 мең граждан саҡырыла 31.03.2019 // Йәмғиәт
Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...
Тотош уҡырға 3 178
Татарстан башҡорттары ҡоролтайға әҙерме? 30.03.2019 // Йәмғиәт
Бөгөн Ҡазанда Татарстан башҡорттары ҡоролтайы ултырышы булды....
Тотош уҡырға 2 778
Бабичтың кендек ҡаны тамған ер ул Ҡыйғаҙытамаҡ! 30.03.2019 // Йәмғиәт
Башҡортостан автономияһының йылъяҙмасыһы, дәүләт эшмәкәре, шағир, музыкант, ойоштороусы Шәйехзада...
Тотош уҡырға 2 826
Төйәләҫтәр алыҫҡа йөрөмәҫ 30.03.2019 // Йәмғиәт
Сибай ҡалаһының Төйәләҫ ҡасабаһында йыл аҙағында заман талаптарына яуап биргән фельдшер-акушерлыҡ...
Тотош уҡырға 2 617
Шәжәрәле ерҙә тәртип түрҙә 30.03.2019 // Йәмғиәт
2018 йылдың 1 сентябрендә “Башҡортостан тарихы шәхестәр күҙлеге аша: генеалогик аспект” тигән...
Тотош уҡырға 2 873