Рәсәй Президенты Владимир Путиндың бойороғона ярашлы, 1 июлдән башлап халыҡтың дәүләт властарына, муниципалитеттарға ҡарата ялыуҙары һәм ғаризалары Кремлгә тапшырылырға тейеш. Указ буйынса, граждандарҙың мөрәжәғәтен һәр ай һайын анализлау Президент хакимиәтенә йөкмәтелә.
Владимир Путин тарафынан хоҡуҡ бирелгән Мәғлүмәт демок­ратияһы фонды Президент хаки­миәтенә техник ярҙам күрһәтәсәк. Бынан тыш, Президент аппараты “Рәсәй Феде­рацияһы граждан­дарының йәмәғәтселек инициативаларын ҡарау һөҙөмтәһе”н ана­лизлаясаҡ. Оппозиция иһә был указдың сығыуын киләһе президент һайлауҙары менән бәйләй.
“Власть органдары граждан­дарҙың һәм ойошмаларҙың мөрәжәғәттәрен ҡарау һәм улар буйынса күрелгән саралар тура­һында ай һайын Президент Хакимиәтенә мәғлүмәт бирергә тейеш”, тиелә указда. 1 июлгә тиклем һәр бер дәүләт һәм муниципаль орган үҙенең рәсми сайтында граждан­дарҙан килгән мөрәжәғәттәрҙе теркәп барыу өсөн айырым бүлек булдырырға бурыслы.
Әйтеүҙәренә ҡарағанда, Рәсәй халҡының мәсьәләләрҙе юғары вазифа биләгәндәргә ялыу һәм мөрәжәғәт менән хәл итергә тырышыуын иҫәпкә алһаң, эш күп буласаҡ. Әгәр ялыу юғары орган тарафынан контролдә тотола икән, саралар 30 көн эсендә ҡабул ителергә тейеш. Был турала “Рәсәй Федерацияһы граждан­да­рының мөрәжәғәттәрен ҡарау тәртибе” тураһындағы Законда асыҡ әйтелгән. Шулай уҡ был законда вазифа билә­гәндәр тарафынан ялыуҙарҙы инҡар иткән йә ваҡытында үтәмәгән өсөн яуаплылыҡ та ҡаралған. Шуға күрә, урындар­ҙа граждандарҙың мөрәжәғәт­тәре менән эшләүҙе Кремлдең даими күҙәтеп тороуы, һис шикһеҙ, яуаплылыҡты арт­тырасаҡ.