Ҡотлайбыҙ! » Башҡортостан гәзите | Газета Башкортостан на башкирском языке. Архив материалов.

Башҡортостан гәзите » Йәмғиәт » Ҡотлайбыҙ!

Ҡотлайбыҙ! 26.04.2017 // Йәмғиәт

“Танып” шифаханаһы директоры Кашшаф Сәйфитдин улы Ямалетдиновты тыуған көнө менән ихлас ҡотлайбыҙ һәм йөрәк түренән урғылған иң изге теләктәребеҙҙе еткерәбеҙ.
Кашшаф Сәйфитдин улы шифахана асылғандан алып, 12 йыл дауамында уға етәкселек итә. Ошо осорҙа шифахананың мөмкинлектәре киңәйҙе, тере шишмә һыуы даны бөтә Рәсәйгә таралды, урындағы халыҡ һәм сит өлкә кешеләре бөтә уңайлыҡтары булған ял йортонда сәләмәтлектәрен нығыта. Етәксебеҙҙән уңдыҡ, тип ғорурланып әйтә алабыҙ. Ул һәр саҡ эҙләнеүҙәр юлында. Биология фәндәре докторы дәрәжәһенә өлгәште, фиҙакәр хеҙмәте өсөн Башҡортостан Республикаһы Хөкүмәтенең Почет грамотаһына лайыҡ булды.
Ғаиләһендә лә ул – ҡәҙерле атай, һөйөклө ир. Хәләл ефете менән өс балаға ғүмер бирҙеләр, биш ейән-ейәнсәре менән ғорурланып йәшәйҙәр.
Хөрмәтле Кашшаф Сәйфитдин улы! Һеҙгә бәхетле оҙон ғүмер, ныҡлы сәләмәтлек, эшегеҙҙә ҙур уңыштар, бәрәкәтле һәм мул тормош теләйбеҙ.

Иң изге теләктәр менән “Танып” шифаханаһы коллективы.

* * *
Асҡын районындағы гүзәл “Танып” шифаханаһының тәүге көндәренән үк етәкселек эшен иңенә йөкмәгән, “Иң яҡшы шифахана” етәксеһе исемен йөрөткән гәзитебеҙҙең күптәнге тоғро дуҫы Кашшаф Сәйфитдин улы Ямалетдиновты тыуған көнө менән ҡайнар тәбрикләйбеҙ!
Фиҙакәр хеҙмәтегеҙ менән республикабыҙ данын арттырған, кешеләр сәләмәтлеген нығытыуға ыңғай йоғонто яһаған шифахана булдырыуға өлгәштегеҙ. Киләсәктә лә көслө рухлы, уңған, кешелекле, изге күңелле, ярҙамсыл булып ҡалығыҙ. Һеҙгә эшегеҙҙә уңыштар, ғаилә бәхете, ныҡлы һаулыҡ, аҡ юлдар теләйбеҙ.

Иң изге теләктәр менән “Башҡортостан” гәзите редакцияһы.

Баҫып сығарырға