Башҡортостанда гирудотерапия (һөлөк менән дауалау) буйынса “Тибет” (хәҙер ‘‘Саната”) тип аталған тәүге медицина үҙәге бынан 23 йыл элек Өфөлә асылғайны. Уға хәстәрлекле эшҡыуар һәм тәжрибәле табибә Гөлшат Хәсәнова етәкселек итә.
Гөлшат Яҡуп ҡыҙы әйте­үенсә, һөлөк менән дауалау ҡан баҫымы юғары булғанда, йөрәк тамырҙары һәм нервы системаһы, бауыр ауырыу­ҙарынан, шулай уҡ шәкәр диабетынан яфалан­ған­да ярҙам итә. Ишемия инсульты һәм инфаркт кисергән осорҙа ҡулланыу айырыуса яҡшы һөҙөмтә бирә. Һөлөк пиелонефрит, вегетатив ҡан та­мыр­ҙары дистонияһы, тромбофлебит кеүек ауырыу­ҙарҙы ла дауалай, түлһеҙ­лектән яфаланған ҡатын-ҡыҙҙарға әсә булыу бәхете бүләк итә. Әммә йөклө ҡатын-ҡыҙҙарға, ҡан баҫымы, гемоглобины түбән, тән темпера­ту­раһы юғары булған кеше­ләргә һөлөк һалдырыу ҡәтғи тыйыла. Дауаланыр алдынан табип менән кәңәш­ләшеү мотлаҡ.
– Дүртөйлө ҡалаһында тыуып үҫтем, – ти ихлас күңел­ле, сабыр холоҡло Гөлшат Яҡуп ҡыҙы. – Дүртөйлөләге 2-се урта мәктәпте алтын миҙалға тамамлағас, Баш­ҡорт дәүләт медицина институтында белем алдым. Неврология буйынса ординатурала, Ҡы­тайҙа академияла уҡыным. Бында ике тапҡыр рефлекс терапияһын өйрәнеү буйынса белемемде камил­лаш­тыр­ҙым.
Яуаплылығы сикләнгән “Саната” йәмғиәтенең даны тирә-яҡҡа таралған. Был йылдар эсендә дауа­ланырға илебеҙҙең төрлө төбәктәренән меңдәрсә кеше килгәндер. Гөлшат Яҡуп ҡыҙы һәм бындағы һәр хеҙмәткәр пациент­тарҙы яҡты йөҙ менән ҡаршы ала, ихлас дауалай. Һәр көн (йәкшәм­бенән тыш) көндөҙгө сәғәт 2-нән киске 8-гә ҡәҙәр эшләгән әлеге медицина үҙәгендә, халыҡты һөлөк менән дауалауҙан тыш, энә ҡаҙау (иглоукалывание), озонотерапия (кислород менән дауалау), гемосканирование (микроскоп аша ҡандың сифатын тикшереү, ул күп ауырыуҙарҙы асыҡлар­ға ярҙам итә) ысулдары ла киң ҡулланыла.
Заманса медицина йы­һаздары менән тәьмин ителгән клиникала (Революцион урамы, 163-сө йорт) даими пациенттарға, ин­валид­тарға, ветерандарға, студенттарға ҙур ташлама яһала, гарантия бирелә. Бында арзан хаҡҡа һөлөк һатып алырға ла мөмкин.
– Беҙҙең маҡсат – халыҡтың сәләмәтлеген ҡайғыртыу, ауырыу­ҙарға ярҙам ҡулы һуҙыу, һауыҡ­тырыу. Бының өсөн барлыҡ көсөбөҙҙө һалабыҙ, – ти Гөлшат ханым. – “Башҡортостан” гәзите аша йыраҡ араларҙы яҡын итеп килгән барлыҡ пациентта­рыбыҙға, беҙҙең менән даими хеҙмәттәшлек иткәндәргә рәхмәтемде еткергем килә.
Һөлөк кешегә өс мең йыл самаһы хеҙмәт итә. Гиппократ, Әбүғәлисина, Пирогов уны төрлө ауырыуҙарҙы дауалау өсөн ҡул­лан­ған. Хәҙер­ге ваҡытта “тере шприцтар” менән барлыҡ шифа­ханалар­ҙа, клини­ка­ларҙа дауа­лайҙар. Һөлөктөң тәбиғәттә осра­ған йөҙҙәрсә төрөнән бер нисәһе генә медицинала ҡулланыла. Һөлөк халыҡ-ара “Ҡыҙыл китап”ҡа ла ингән.