Башҡортостан Хөкүмәте Премьер-министры урынбаҫары Ильяс Мөниров быйыл төбәк ҡаҙнаһынан финансланып, ремонтланырға тейешле республика һәм урындағы юлдар исемлеге хаҡында хәбәр итте.


Күгәрсен районы үҙәге Мораҡтан Ейәнсура районы үҙәге Иҫәнғолға тиклемге юлдың яртыһы тиерлек (65 километрҙың 30 саҡрымы) төҙөкләндереләсәк. Шулай уҡ Салауат, Дыуан, Мәсетле райондары буйлап үткән 60 саҡрымлыҡ юлда ремонт эштәре үткәрелә.
Вице-премьер әйтеүенсә, Өфөнән Павловкаға тиклемге арауыҡта ла бер нисә участканы ғына төҙөклән­дерергә ҡалған.
— М-7 трассаһынан Неф­текамаға тиклемге юл — бик мөһим объект. Видеокүҙәтеү системаһынан күренеүенсә, тәүлегенә унан 10 мең са­маһы автомобиль үтә. Шуға күрә бында беренсе категориялы юл булырға тейеш, — тине Ильяс Мөниров.
Быйыл шулай уҡ Шиш­мәнән алып М-5 трассаһына тиклемге, Подымалов юл айырсаһынан Бөрө райо­нының Калинники ауылына тиклемге арауыҡты һәм Өфө — Белорет юлының 28 саҡ­рымын ремонтлау күҙаллана. Бынан тыш, Өфө эргә­һендәге трассалар “Имен һәм сифатлы юлдар” проектына ярашлы төҙөкләнде­реләсәк. 2017 — 2018 йылдарҙа иһә Иҫке Шишмә, 8 Март ҡасабаһы — Алексеевка, М-5 — Шмидтово, Николаевка — Ҡәҙер, Мокроусов — Ольховое, Благовещен — Павловка юлдарын йүнәтеү планлаштырыла.