85 йыллыҡ юбилейым алдынан көтмә­гәндә беренселәрҙән булып Баш­ҡор­тос­тан Респуб­ликаһы хакимиәте етәк­сеһе Вла­димир Александрович Нагор­ный­ҙан ҡотлау телеграммаһы килеп төштө. Ябай ғына хеҙмәтемде иғтибарға алып, юғары етәкселектең ҡотлауы үҙе бер ҙур ғорур­лыҡ булды. Унда Владимир Александрович миңә оҙон, әүҙем эш ғүмере теләгәйне.
Башҡортостан юлдаш телеканалы, “Аш­ҡа­ҙар” радиоһы ла бөтә республикаға яңғыратып, минең исемгә ҡотлау сәләмдәре еткерҙе. Хатта республика халҡын Яңы йыл менән ҡотлау һүҙен минән әйттереүҙәре үҙе бер мәртәбә булды.
Тыуған Күгәрсен районым, “Оло Эйек” яҡташтар ойошмаһы ла ситтә ҡалманы, хатта район гәзите “Мораҙым” тотош бер һанын миңә бағышланы. Элекке коллегаларым, уҡыусыла­рымдың ҡотлау һүҙҙәре яҡын булды. Рәхмәт. Өфө ҡалаһы Киров районы хакимиәте етәксеһе Динар Ғәли улы Хәлилов йылы ҡотлау һүҙҙә­ренән буш ҡалдырманы.
Республикала ғына түгел, Рәсәйҙә, Европа илдәрендә юмористик әҫәрҙәре менән дан алған Марсель Сәлимовтың, БДПУ профессоры, тел белгесе Миңһылыу Усманованың: “Ләлә апай, һин халҡыбыҙға кәрәк, йәшә әле”, — тигән йылы һүҙҙәре, Халыҡтар дуҫлығы йорто хеҙмәткәрҙәренә, “Аҡ тирмә” рәйесе Рәйсә Абдрахман ҡыҙы Күзбәковаға, Екатеринбург ҡалаһы башҡорттары ҡоролтайы етәксеһе Нәфисә Тюменцеваға, Силәбе өлкәһенең Сосновка районында башҡорт­тарҙы ойоштороп, рухи байлыҡ таратып йө­рөүсе Рабиға Бикбулатоваға, Баймаҡ, Ейән­сура һәм бик күп райондарҙан уҡыусы­ларыма һәм айырым кешеләргә ҡотлау һүҙҙәре өсөн оло рәхмәтемде белдерәм. З. Биишева исемендәге “Китап” нәшриәте исе­менән, БР Милли архивы коллективы исеме­нән ҡотлауҙар бигерәк тә күңелгә яҡын булды.
Мәләүез районының Воскресенское ҡасаба­һынан көс етмәҫлек раузалар гөлләмәһе һәм оло теләктәрен ебәргән уҡыусыларым Анастасия Киселева, Евгений Мухин, Надежда Бегова, Наталья Черноваға һәм башҡа бик күптәрҙең ҡотлау сәләмдәре өсөн сикһеҙ рәхмәтлемен. Уларға һаулыҡ, уңышлы ғүмер теләп, ихтирам менән,